Efeso 3:20 - Biblía Axweesantá Hhohho' ar Mungú 2004

²⁰ Mungú i xirfuuti, kudá' muruú waa/oo/amór yaariir gu tlehhiít ar /uuruudá' baraarén wa gadiyuús, ta kudá' sleémeero oo atén ta firiirimaana laqaá ta inslaslaawaana.

Ya/abtór hho' 1977

²⁰ Mungú inós i xirfuuti, kudá' muruú waa/oo/amór yaariir gu tlehhiít ar /uuruudá' baraarén wa gadiyuús, ta kudá' sleémeero oo atén ta firiiriimaana laqaá ta inslaslaawaan.

Efeso 3:20 Iomraidhean Croise

IIMU/UUNGW 17:1

Abramu qoomár kureeriiwós tawa mibeeri gwaleél nee gwaleél AAKOÓ MUNGÚ guna harati'iít, guri báy, «Aníng a Munguú Aleesleemusmo. Dir'eé' wa hootang, masók tu xaslxaansli wásl.

IIMU/UUNGW 18:4

Ma'aá niiná kingi huuw as ya'aahúng kiwa hamtla', ta hungu/usá' baraá gamuú xa'anoowí.

2 SAMUELI 7:19

Aá Aakoó MUNGÚ! Slám gár adór tí a gár niina dír ilawoge, Aakoó MUNGÚ. Gár tí ga baa/ a al'axweesantidár muruú urén, ar taa ó' dír múk dooeé', ar kureeraá yaariir awa hi'iitá', nee adór muruú qari sleémeero ar aluú wá hi'iit ngura aníngí xu'utís.

1 WAAWITÁ 3:13

Hám sleeme muruudá' taa firiindiiká ngu haniís, daqaari'iima nee ilaiwa/ameero, gawaá adoorihe waawutmoó nee kuúng alqoomá' i kakaahh baraá hotaawoge.

2 QOM'I 25:9

Waawutmo Amasia heeduú Mungú guri yaahaás, «Adór ta /isaan asma peésár yaariir aga hanisaán dír slaqwaruusér múk Israeli?» Inós guri mu/aywaáts, «AAKOÓ MUNGÚ peésár tisíng ga baa/ ngi aleesláy haniisaro.»

2 QOM'I 9:12

Waawutmo Solomon umuú gár waawuto'ór Sheba aa slai gana haniís, umuúqo gár aa firiindi dimbé nee tidá' inós aa húp dír waawutmo. Aluuwo waawuto'ór Sheba nee sagadiyuseerós tay waátl ayaaín i ale.

TI'INAANGW 34:6

AAKOÓ MUNGÚ iri waaraáhh ar dír geeraá Mose, iri malé oó', «Aníng a AAKOÓ MUNGÚ, a AAKOÓ MUNGÚ, a Munguú gurtleemuuwo haáts nee oo gurhhoó', aníng ti inslahheeká buhhtaawo, nee a haáts sla'aarír warqawaakahe nee inkihhimuwo.

DAA'AANGW 5:1

Aníng an dáh baraá asalmooeé', hho'or'eé', sla'aaruso'or'eé' ar ni duxuut. Manemáner'eé' nee muruú mooyángw kooma un burumburiím, xaaramtaeé' ar danú a /aáy a difaáir'eé' nee ilwaaeé' wahaám. Mulqer'eé', /ayiimé' nee wahaamé', wahaamé' ló'wa ale, sla'aaruuser'eé'.

ISAYA 35:2

/Ayór yaariir adór tiqár wariídi gari /ayuus, Iri baraa/, iri daa' ar qwal/uú yaariír, xaanxaay xirfuú adór kuduú Lebanoni guri sláy, xirif sleémeero oo Karmeli nee oo Sharoniro, muu xirfuú AAKOÓ MUNGÚ guri ar, nee adór Munguúrén kur úr ngiri ariyá'.

ISAYA 55:7

Múk Tlákw lohduuín kudá' tlakw ki may, nee kudá' hota gana'a'aaká inslawoó tlákw ku may. I amór AAKOÓ MUNGÚ i ki/iye', inós gi gurtláy. I amór Munguúrén kaye', asma inós gurtleemuuwós ku yaariír.

YEREMIA 32:17

«Aá Aakoó MUNGÚ, kuúng doori nee yaamu ina tléhh ar aleesleemuú úr, nee ar /uuruuwók.

YEREMIA 32:27

«Ga/aaweek, aníng a AAKOÓ MUNGÚ, Munguú muu sleémeero, gár aníng ni harslaaqaat iqo deéro?

DANIELI 3:17

Bar adoosíng Munguúrén kudá' atén ta sagadiyusaan tiqo ba/amis baraá bohongwduú asltá gufteeriwo, inós atén ti ba/amis baraá dabaá waawutmoowo.

DANIELI 6:20

Iwa tseewúy bihhaá mar'i, Danieli guri ateét ar afór gurhaami, iwa kaahi, «Daniéli, sagadiyusmoó Munguú slaáf. Xáy Munguúwók kudá' ta sagadiyumaamis umuú daqto ugwa aleesláyi tu/to dír direeriwo?»

Matayo 3:9

Slám ma baraá munerhúngií kaahara', ‹Abrahamu a baabuúrén.› Án a kah, Mungú ga aleesláy tlaa/eeká' ngiwa na/aá Abrahamu tleehhi.

Yohana 10:10

Fisusmo gár nis hardihi a fiiso nee tsu/uta nee hhita. Án nina hardáh as slafiingw nguwa slaya', nee slafingwdá' iri kumamiit.

Rumi 16:25

Mungú i xirfuuti. Inós ga aleesláy kuungá' nuwa gawdeesi baraá haratlintaaooro ar Ya/abtór hho', tidár daanduú Yesu Kristo, aníng ni alki/iit, nee ar lu/aaráydá' taa iimír aáng wa luú/ kuwa geehhooeés.

Rumi 4:21

Nee slám al'axweesantá Mungú gari haraxuú' adór Mungú tidá' aa dir'ínií al'axweés ngir aleesláy tleehhamooro.

1 Korinto 2:9

Sagalooarí an tidá' Gooi iwa kat, «Gadá' taa baloó ariiká nee iltá hee, nee ar taa baloó axaasiiká nee iiár hee, nee slám ar hee aa baloó xuiiká baraá muunaáwose, gaarí an tidá' Mungú aa amohhe'eés as mukdá' inós gu slaá'.»

2 korinto 9:8

Nee Mungú i aleesleemuú kón oo kuungá' nuwa tsuuqi ar yaareema ar umuúqo loohiro. Adoorí gan tleehh as kuungá' umuúqo deeloro nee baraá umuúqo loohiro masók mura' sleémeero u koondá', kudá' ta sla'a' baraá slafingwhunge. Nee slám a muruudá' kuungá' ta sla'a' kiloseeká, ala dirhunge in tlaahh, as kuungá' kawa aleesleera' umuúqo gadiyér hho' kawa alee/isa'.

Efeso 1:19

Slám kawa xua' hhoohhooaarír uroó aleesleemuuwós baraá ateéká' haratlintatia'a.

Efeso 3:7

Mungú aníng ina tsuúq, tiri sagadiyusmoó Ya/abtór hhó' wa qaás, qoomár inós gadiyeé ngiwa tleéhh baraá slafingw'eé' wa ale ar aleesleemuuwós.

Kolosai 1:29

Aníng a gadiyuús nee a naagamiís as gadiyeédá' ngiwa boo/ees, ar baraá /uuruudá' úr oo Kristo ni aníng i hanmiisi, /uuruudá' ló'wa gadiyuús baraaeé' wa ale.

1 Timoteo 1:14

Aníng gurtleemuú Aakoorén una ló'wa sláw, dinkwa nee haratlintaao nee sla'aari tidá' ta koomaan baraá Kristo Yesuwo.

Ebrania 11:19

Asma Abrahamu ga xuu' adór Mungú ir /uuruú kón oo hee nguwa waaslee/atisi baraá múk aa qaátl wa ale, nee ar ló', Isaka nguwa malé sláy a adór heé naa sláy baraá waasle/uú wa ale. Adoorí ina tleehharút ar slaqsaay.

Ebrania 7:25

Gawaá adoorihe kudá' Mungú ngu i daqaqawá' ar loohír inós, inós gi ló'wa aleesláy ba/amisaro, asma inós i slafaafín daqisleém as ngiwa aleefiriirin.

Yakobo 4:12

Kudá' hara'aya gaa haniis nee kuduú sakwasleemusmo a wak kilós. Inós an kudá' hee ba/amisaro gu aleesláw, laqaá nguwa qwaareesi. Kuúng a heemá tam heé hatlá' kuwa sakwasleemut?

2 Petro 1:11

Daqaní kuungá' a datá' baraá waawuti'iimár alhhe'eesay wasl, ar Aakoorén nee Ba/amusmoorén Yesu Kristo tidá' taa amohhe'eés as kuungá'.

Yuda 1:24

Mungú kuungá' nu aleesláy nuwa de'en as dukuutsmo munduwa tuú', slám nuri sihhitis dír geeraá xirfuuwós tawa múk xaslxaansli wásl, nee tawa múk baraá qwal/uú úr.