Efeso 3:2 - Biblía Axweesantá Hhohho' ar Mungú 2004

² Án ngi slaá' kuungá' aga axasé' adór Mungú aníng ira ló'wa tsuúq as gadiyeérí ngiwa aníng i haniís, ar kuungá' nuwa sagadiyuus.

Ya/abtór hho' 1977

² Án ngi slaá' kuungá' aga axasé' gídaabá Mungú aníng iga ló'wa tsuúq as gadiyeérí ngiwa aníng i haniís, ar kuungá' nuwa sagadiyuus.

Efeso 3:2 Iomraidhean Croise

Tlehhema'aá ya/Abuuse 13:2

Looarka wake múk kríshaanáy qoomár iwa Munguú sluufmiis nee tawa gwaawiwin, Qeeruú hhoohhoó' oo Mungú giri báy, «Barnaba nee Saulo amor'eé' paraatlare' as gadiyeédá' ngiwa ateét.»

Tlehhema'aá ya/Abuuse 13:46

Paulo nee Barnaba tari axweés ar pihh'uuma. Tari oó', «Axweesantá Mungú geeraawo gár kawa hariím a kan dirhúngí alki/iit. Ala bar kuungá' ana sié', nee slám bar aga aandé' adór slafíngw alhhe'eesay wásl kur sla'a'aaká, gimsé', atén aga warqawaán amór múk xoordaá hatlá'.

Tlehhema'aá ya/Abuuse 22:21

Aluuwo aníng iri báy, ‹Tláw, aníng kuúng u amór saáwí ya/aáw, amór múk xoordaá hatlá'.› »

Tlehhema'aá ya/Abuuse 9:15

Ala Aako iri oó', «Kuúng tláw, asma heesíng a xooslmoó aníng naa tsawaár as umuueé' nguwa alki/iiti dír xoorduuwo nee dír waawitá nee dír múk Israeliwo.

Rumi 1:5

Mungú aníng ina tsuuqaá i haniís niwa ya/abusmo tleehhiit as Kristo. Adoorí gana tleéhh ar loohír Kristo, as aníng xoordu sleémeero ngiwa geerahaar amoorós, as nguwa haratlintii'iya', nee nguwa iialooeemisiya'.

Rumi 11:13

Kuungá' múk xoordaá hatlá', án daxta an axweés nee kuungá'. Aníng a Ya/abusmoó Mungú oo amór múk xoordaá hatlá'. Aníng ilakaaharu un tlehhiít baraá gadiyér'eé' tihe.

Rumi 12:3

Mungú aníng ina aleesleemuú i haniís. As aleesleemuuwí án naa slawi, án umuúqo heewo dirhunge un babaw, «Kuúng uraay mu leelehhitaar ta adoodá' kuúng ti dir'a. Ala kuúng masók tin niinaweemís, umuúqo heewo masók ti kilós ga/áy ar harqoomoó haratlintaaoodá' taa haniís nee Mungú dír umuúqo heewo.»

1 Korinto 4:1

Gawaá adoorihe hee atén ti tsaahhi adór atén tar sagadiyuusér Kristo nee saayuusér kangwdá' taa luú/ oo Mungú.

Galatia 1:13

Án ngi slaá' kuungá' kangw'eé' ugwa axsé', adór nira hoót qoomaadá' án tawa heé diínír Yahudi. Aníng múk kríshaanáy una ló'wa slahha'eemiís, tam guruueé' aa tlayká. Ilakaaharu una tleéhh as ngiwa qwaareesár wa slaa'.

Efeso 1:10

Sla'aarirós iimír aange a mura' sleémeero nguwa haragaasi ar baraá Kristo, kuduú baraá yaamu nee oo gawaá dooriwo, qoomaadá' bál bira bó/, Kristo tay saga.

Efeso 3:7

Mungú aníng ina tsuúq, tiri sagadiyusmoó Ya/abtór hhó' wa qaás, qoomár inós gadiyeé ngiwa tleéhh baraá slafingw'eé' wa ale ar aleesleemuuwós.

Efeso 3:8

Aníng ti niiná ta múk Mungú sleémeerowo. Ala tam adoorihe Mungú aníng ina tsuúq, gadiyeé ngiri aníng i haniís, ar Ya/abtór hho' ngiwa alki/iit dír múk xoorduwo. Ya/abtoorí a kángw daqaari'iimár Kristo tidá' faarooro ta aleeslayká.

Efeso 3:9

Nee án gár tiwa hariím a lu/aaráydá' Mungú i tleehhamór wa slai, loohír ir tleehharuuti an gwa/atimís dír múkwií ale. Iimír iimu/uungo Mungú, kudá' mura' sleémeero gwa tleehh, kaangwí guna luú/.

Efeso 4:21

Kuungá' kángw Kristo ugwa axasé'. Looeemaadá' baraawósí diriiá' kingari dirhúngií intsaahhatimís, asma kuungá' tawa eeharuuseerós.

Efeso 4:7

Ala umuúqo heewo direne kwaa tsuúq ar har qoomaydá' Kristo aa haniís.

Kolosai 1:4

Asma aga axaasaán kuungá' adór Kristo Yesu kura haratlintié', nee adór múk hhohhó' oo Mungú sleémeero kura slaé'.

Kolosai 1:6

Ya/abtoorí hho' in tsiyaayaaxát baraá yaamu sleémeerowo nee in tsuuqaá yaariír huwaahúp. Tam dirhunge sleeme a adoorí, iimír bál kángw tsuuqaá Mungú kuwa axasé', nee adór i dirii'iya' kiri tsaahha hhe'esé'.

1 Timoteo 1:11

Intsaahhasarí a tidá' tinda aníng i haniís, as ngiwa alki/iit, intsaahhasarí a Ya/abtoodá' hho' daanduú xirfuú Munguúdá' tsuuqaá koóm.

1 Timoteo 1:4

Slám inooín tiita makawa eeharahaár nee yaeemaá tlet awa tlahhi'i kiwa fadiiti, asma muruuwí gár i huwahuwi a partlito. Slám gár i bui i káhh dír geeraharusmoó gadiyér Munguhe, asma iimu/úngw gadiyér Mungú a haratlintaao.

1 Timoteo 2:7

Nee aníng tina qaás tawa alki/itusmoó kaangwí nee tawa Ya/abusmo. Tí ni kah ar ló', lamtá ni kah i káhh. Tina qaás múk xoordaá hatlá' nguwa intsaahhatimis daanduú haratlintaao nee looeemaawo.

2 Timoteo 1:11

Ya/abtoorí hho' an tidá' aníng tisa qaás tawa alki/itusmo nee ya/abusmo nee intsaahhatusmo.