Efeso 3:18 - Biblía Axweesantá Hhohho' ar Mungú 2004

¹⁸ as sla'aarír Kristo kawa tsahha' dinkwa nee múk Mungú sleémeero, adór sla'aarirós kar úr, bihhe nee tlenaango, nee tlenángw gawa, nee tlenángw baraywo.

Ya/abtór hho' 1977

¹⁸ as sla'aarír Kristo kawa tsahha' dinkwa nee múk Mungú sleémeero, adór sla'aarirós kar úr, bihhe nee tleenaango, nee tleenángw gawa, nee tleenángw baraywo.

Efeso 3:18 Iomraidhean Croise

2 QOM'I 6:41

Aa AAKOÓ MUNGÚ, daxta tlawáng sihhiitáng, dáh dirók tidá' tay hungu/us, kuúng nee sandakmoowók oo alqado kuduú /uuruuwók. Aá AAKOÓ MUNGÚ, masók kaahamuuseerók ba/ama ga sleér, mukók kudá' inkihhím i baraá hhooeemaawók wa qwalaala/iye'.

WARA'AMI 103:17

Sla'aarír warqawaaká ar AAKOÓ MUNGÚ i deer ar iimír iimu/uungw wasle ay alhhe'eesay wasle, dír mukdá' ngu ilaiwawaá/. Gan'amuuwós in kumaamiit ay nángw naangw,

WARA'AMI 116:15

AAKOÓ MUNGÚ ga gár slahhaá' wa tsatsahhán, gwa'arár múk inós gwa haratlintii'.

WARA'AMI 132:9

Kaahamuuseerók ka tuuntuuki ar gan'amu. Mukók kudá' hhohhó' i baraa/ ar qwala/.

WARA'AMI 139:6

Xu'utiirók i waa/oo/amór koón, aníng tsaahharo a aleeslawaaká, ka ló' wa ur.

WARA'AMI 145:10

Aá AAKOÓ MUNGÚ, muruudá' sleémeero kuúng taa tléhh u sluufmiis. Nee mukók kudá' hhohhó' kuúng u diidi'iimiis.

ISAYA 55:9

Asma adoodá' doori kir saáw gáwtí ale ta yaamuwo, an adoodá' lohduueé' kir gáwtí saáw ta lohduhunge, nee inslaway'eé' ta inslawayhunge.

SEKARIA 14:5

Kuungá' a ta'aaindá' ar baraá xatstidár tla/eeraá tlom'aá tsár awa AAKOÓ MUNGÚ, a ta'aaindá' adór baabi'iihúng nira kunseelír wa ta'aainé' qoomár waawutmoó yaamaá Yuda tawa Usia, aluuwo AAKOÓ MUNGÚ, Munguúhúng niri hardah dinkwa nee mukós kudá' hhohhó'.

Yohana 15:13

Hee i kaahh oo sla'aarír ur ga koóm, ar tí ga baa/, ar hee slafiingós nguwa haniisi as daanduú mulqeerós.

Rumi 10:3

Asma inooín gan'amuuduú amór Mungú daáhh ngu xuiaaká. Inooín gan'amuuín ngun kilooín leelehhiitiyá'. Gawaá adoorihe inooín taa qaasi'iiká baraá gan'amuuduú amór Mungú daáhh.

2 korinto 13:13

Múk hhohhó' oo Mungú sleémeero kuungá' nu intsihhiimiis.

Galatia 2:20

Aníng daxta a slafaaká, ala Kristo in slaaf baraaeé' wa ale. Slafiingwí nir hoot baraaká' yaamuwo a kudá' nir hoot baraá haratlintaaór Garmoó Mungú nguwa haratlintii'. Asma inós aníng ina slaá', slafiingós guri haniís as aníng.

Galatia 3:13

Kristo atén tina tuú/ baraá lo'oodár hara'ayaaro, qoomár lo'oorén tidá' inósuú kilá' ngiwa gagaár. Asma kaa gooín, «Umuúqo heewo oo taa gawaá xa'anií kikií' kwaa lu'ús.»

Efeso 1:10

Sla'aarirós iimír aange a mura' sleémeero nguwa haragaasi ar baraá Kristo, kuduú baraá yaamu nee oo gawaá dooriwo, qoomaadá' bál bira bó/, Kristo tay saga.

Efeso 1:15

Aníng aga axaás adór kuungá' Aako Yesu kura haratlintié', nee adór muu sleémeero oo taa hhoohhooeés kur sla'á'.

Efeso 3:19

Nee slám kawa tsahha' sla'aarirós tidá' xu'uti sleémeero ga baa/ as kawa yaariír. Gawaá adoorihe Mungú inósuú kilá' kuungá' nu ló'wa hatsiisi munguiimarose.

Kolosai 1:4

Asma aga axaasaán kuungá' adór Kristo Yesu kura haratlintié', nee adór múk hhohhó' oo Mungú sleémeero kura slaé'.

1 Timoteo 3:16

Ar ló', naaqór haratlintaaoorén ka ló'wa ur. Mungú kuna geehhooatís ar slaqsoó hee. Gan'amuuwós kuna laqán nee Qeeru. Inós kuri ár nee malayke. Kaangós kuri alki/iít dír xoorduuwo, inós kuri haratlintií' baraá yaamuwo, kurir tláy gawaá doori.

Geehhoeemaá 3:21

Heedaádá' arba/ati gaa slay, aníng inós u iwiitiís dinkwa nee aníng gawaá kitangw'eé' kuduú aleesleemu, adoodá' aníng arba/ati ngira sláw, niri iwiít dinkwa nee Baabuúeé' gawaá kitaangós kuduú aleesleemu.