Efeso 2:8 - Biblía Axweesantá Hhohho' ar Mungú 2004

⁸ Gár tundusa ba/amís a gurtleemuú Mungú ar loohír haratlintaao. A gadiyérhungeeká, ala a gár Mungú naa tawó haniís.

Ya/abtór hho' 1977

⁸ Gár tundusa ba/amís a gurtleemuú Mungú ar loohír haratlintaao. A gadiyérhungeeká, ala a gár Mungú naa tawó haniís.

Efeso 2:8 Iomraidhean Croise

Matayo 16:17

Yesu iri oó', «Símon, garmoó Yona, kuúng a heé amohhoó', asma kaangwí heé ngwa dirók i xu'utis i kaahh, ala aqo Baabuúeé' kuduú gawaá doorí dirií'.

Matayo 20:9

Mukdaáduú gadiyeé gaa iimu/un qoomár looár mibaá nee wak, umuúqo heewo aqo shilingmoó wák guna sláy.

Marko 16:16

Oo gaa haratlintatii' kway baatiís ba/ama ga sláy. Oo gaa haratlinti'iiká ku sakwasleemuut.

Luka 7:50

Ala Yesu /ameenidá' gari báy, «Haratlintaaoorók iga ba/amís. Tláw ar wayda.»

Yohana 3:36

Heé Garma gwa haratlintii', slafíngw alhhe'eesay wásl gu kón. Heé Garma gwa haratlintii'iiká slafiingw gu ariiká, aqo har sakwasleemár Mungú gun i dirí' daqisleém.»

Yohana 4:10

Yesu gari báy, «Kiíng geera bar gurtleemuú Mungú ugwa xú', slám geera heewí kiíng i babáw, ‹Ma'aá wahaango qawáng,› bura xú', geera alók inós ugwa firiín, inós geera ma'aá slafíngw koomá' ngi haniis.»

Yohana 5:24

«Án a kah, heé axweesante'eé' ga axamiís, nee kudaádá' aníng iga ya/aaw guri haratlintii', slafíngw alhhe'eesay wásl gu kón, slám i dahiiká baraá sakwasleema. Ala ina waaraáhh ar baraá gwa'ara, iri hardáh baraá slafiingw.

Yohana 6:35

Yesu iri oó', «Aníng an mikaátér slafíngw huwaahuuw dír heewo. Heé amor'eé' hardáh, i baloó qwariitiiká. Slám heé aníng iga haratlintii', i baloó waxiitiiká sleeme.

Yohana 6:37

Kudá' sleémeero Baabá naa aníng i haniís, i amor'eé' hardihiyá'. Slám umuúqo heewo oo amor'eé' hardáh, u baloó tsee/aá i kwahhaaká.

Yohana 6:40

Asma Baabuúeé' gár i slai a tí, ‹Umuúqo heewo oo Garma gwa i qaytsiit, nee guri haratlintií', masók slafíngw alhhe'eesay wásl gu kón. Nee aníng nguri waaslee/atís bál deelór alhhe'eesaywo.› »

Yohana 6:44

Heé hardahamuú amor'eé' gu aleesláw i kaahh, barnaxes kunga uuruuxiiká nee Baabuúdá' aníng iga ya/aaw. Nee aníng heedaádá' nguri waasle/atís bál deelór alhhe'eesaywo.

Yohana 6:65

Yesu iri oó', «Gawaá adoorihe gaarí an gár án kuungá' nusa báw, ‹Hee i kaahh oo hardahamuú amor'eé' gu aleesláw burkwa aleesleemuú i haniisiiká nee Baabuúeé'.› »

Tlehhema'aá ya/Abuuse 13:39

Umuúqo heewo oo inós gu haratlintií', sakwasleemadá' inós gu wa hariim kan fiits, inós kuri gan'amií harafaar. Gár adoorí hara'ayár Mose gaa aleesleeriiká tleehhamooro.

Tlehhema'aá ya/Abuuse 14:27

Qoomár tawa hardáh Antiokia, múk kríshaanáy kuri dinkwárí ateét, muruudá' sleémeero Mungú aa tleéhh ar inooín, kuri dir'íní alki/iít. Kiri ádbáy adór Mungú pa/aangw ngura haniís as múk xoordaá hatlá' sleeme iwa haratlintii'i.

Tlehhema'aá ya/Abuuse 15:11

Ala gár ta haratlintatiaan a tí, atén a ba/amán ar gurtleemuú Yesu Kristo, adoodá' inooín sleeme tara ba/án.»

Tlehhema'aá ya/Abuuse 16:14

/Ameenirka ta bay Lidia didae i deer. Inós inqwaruú sirda/atén gun weermaamís. Inós ar baraá yaamaá Tiatira. Inós i Munguú ilaiwaawá/. Atén tiri iiárií qás, nee Aako muunaáwós guri gweér, axweesantadá' Paulo aa axweés gari ót.

Tlehhema'aá ya/Abuuse 16:31

Kuri báy, «Aako Yesu na haratlintieek. Daqaní kuúng a ba/aán nee múk do'oge.»

Rumi 10:14

Ala adór kur ateeti kudaádá' inooín ta haratlintati'iiká. Nee slám adór kur haratlintii'i kudaádá' kangós inooín taa axaasiiká. Nee kangós adór kur axaasi, bar heé gu alki/iít i kaahh.

Rumi 10:17

Gawaá adoorihe gár haratlintaaór huwahuuw, a Ya/abtoodá' taa axaás, nee Ya/abtoodá' baraá axweesantá Kristo gan dáhh.

Rumi 4:16

Gawaá adoorihe muruudá' Mungú aa axweés dír Abrahamú i aleeró, sleemuuwós gár i ga/ay a haratlintaao. Gawaá adoorihe hee bir haratlintaaór kón, Mungú muruuwí guqo tawó haniis. Al'axweesantí a dír xwaylár Abrahamu sleémeerowo. Ala a dír kudá' kilooineeká awa hara'ayár Mose koomá', ala tam dír kudá' haratlintaaór Abrahamú koomá' sleeme. Asma inós dír atén sleémeerowo a baabá,

Rumi 4:5

Ala a gár dimbé dír heedaádá' tlehhma'aá koomaakahe, ala gár i kon a Mungú guna haratlintií', Munguúdá' heé tlakusmo gu gan'amií harafaár. Heé adoorí Mungú gun gan'amií harafaar as haratlintaaoorós.

Rumi 9:16

Gawaá adoorihe gurtleemuú Mungú a ooanaaká kun slasláy as adoodá' hee i slai, laqaá as ilakaaharuuwós, ala kun slasláy as adoodá' Mungú i slai daanduú heewo, Munguúdá' gurtleemuú hanmiís.

Galatia 3:14

Kristo adoorí gana tleéhh, as kahhó' tsuuqaadá' Mungú aa al'axweés dír Abrahamu, xoordu ngiwa i hardihiya' ar loohír Kristo Yesu. Nee sleeme adoorí gana tleéhh as kahhó' atén Qeeruú hhoohhoó' kudá' Mungú naa dirén i al'axweés, kuwa slawaan ar loohír haratlintaao.

Galatia 3:22

Gooi ngaa geehhooés alki/ituuwo adór tlakweema nira baaliné' dír muu sleémeerowo. Adoorí kana geehhooeés as kahhó' mukdá' Yesu Kristo gwa haratlintii', aalidá' taa al'axweés kawa slay.

Efeso 1:19

Slám kawa xua' hhoohhooaarír uroó aleesleemuuwós baraá ateéká' haratlintatia'a.

Efeso 2:10

Asma atén a gadiyér Mungú. Inós atén tina tleéhh ar baraá Kristo Yesu, as atén tlehhma'aá hho' kiwa tleehhaan, kudá' Mungú aa qaroó amohhe'eés as atén kiwa eeharaan.

Efeso 2:5

asma inós atén tina slafís dinkwa nee Kristo, qoomár atén tawa múk aa qaatl baraá muneerene as tlakweemaarén. Gár tundusa ba/amís a gurtleemuú Mungú.

Filipi 1:29

Kuungá' qeemu ugwa sleeré' oo Kristo kuwa haratlintié'. Ala a har qeemuuwí kiloseeká, ala tunduna slahh'eemiís sleeme as inós.

Kolosai 2:12

Asma qoomár tunduwa baatimiís, tunduna al foól dinkwa nee Kristo, tunduri waaslee/atís sleeme dinkwa nee inós, asma /uuruú Mungú kuwa haratlintié', kudá' Kristo ngwa waaslee/atis baraá múk aa qaátl wa ale.

2 Tesalonike 1:9

Sakwasleemar'ín a kin qwaarees ay alhhe'eesay wasle, kiri paraatl dír gitsee/aá Aakoowo nee dír xirfuú aleesleemuuwós.

Ebrania 6:4

Asma múk aa qaroó alií kii/, adór kungur ki/isi baraá hhu'u'úngw i alé a adoomá? Asma inooín kingina dahaás baraá gwa/aateemaá Mungú, tsuuqaá Mungú kudá' gawaá dooraá dahhá' kiri tsaáq, Qeeruú hhoohhoó' oo Mungú kuri én,

1 Petro 1:5

Kuungá' tundun de'én nee /uuruú Mungú ar loohír haratlintaao, as ba/amadá' taa qaroó amohhe'eés kawa ilaota', tidá' tindi geehhooeesi bál deelór alhhe'eesaywo.