Efeso 2:15 - Biblía Axweesantá Hhohho' ar Mungú 2004

¹⁵ Qoomár wakaari ngiwa hingeés, an qoomaadá' dabe ngiwa hingeés dinkwa nee hara'ayaro, ar slaqwtós. Gawaá adoorihe baraá mukwí tsaraawo heé /abén oo wák guri tleéhh ar baraawós. Wayda guri tleéhh ar adoorí.

Ya/abtór hho' 1977

¹⁵ Qoomár wakaari ngiwa hingeés, an qoomaadá' dabe ngiwa hingeés dinkwa nee hara'ayaro, ar slaqwtós. Gawaá adoorihe baraá mukwí tsaraawo heé /abén oo wák guri tleéhh ar baraawós. Wayda guri tleéhh ar adoorí.

Efeso 2:15 Iomraidhean Croise

ISAYA 9:6

Asma na/aay kwaa xwaylúy as atén, na/oó garma kunguna haniís. Inós aleesleemuú waawuti'iima gu kón. Umuuwós kuri bay, Hara'ayusmoó waa/oo/amo, Munguú /uuruú koóm, Baabuú alhhe'eesay wásl, Waawutmoó Wayda.

2 korinto 5:17

Gawaá adoorihe, hee bir baraá Kristó i dirii', inós a heé /abén. Tidá' qaren aa waaráhh, ga/aaweek, ar /aben naa hardát.

Galatia 3:10

Ala kudá' sleémeero tlehhma'aá hara'aya ngaa i tlintii'iye' kaa lu'ús. Asma Gooi i kat, «Heé tidá' sleémeero taa gooín baraá kitaábuú hara'ayár Mosewo ga alqaytsimitaaká nee ga iialooeemisaaká ku lu'usi.»

Galatia 3:28

Ala daxta gár dimbé i káhh dír heé Yahudi nee heé Yunaniro. Laqaá tam dír heé lawaalmo nee heé lawaalmowooká. Nee slám gár dimbé i káhh sleeme dír hhawaata nee /ameeniro, asma kuungá' sleémeero a adór heé wák baraá Kristo Yesuwo.

Galatia 6:15

A gaarooká hee burkwa al/uútl, laqaá barnaxes kwa al/uutliiká, ala gár afhhamít a hee kuwa heé /abén tleehhi.

Efeso 2:10

Asma atén a gadiyér Mungú. Inós atén tina tleéhh ar baraá Kristo Yesu, as atén tlehhma'aá hho' kiwa tleehhaan, kudá' Mungú aa qaroó amohhe'eés as atén kiwa eeharaan.

Efeso 2:14

Asma Kristo a wayduurén. Inós múk Yahudi nee múk xoordaá hatlá' giri wak tleéhh, nee wakaari gari hingeés, tidá' aa sihhit adór baqa tla/angw'ín i alé.

Efeso 2:16

Inós ina gwaá' gawaá msalaába as wakaari ngiwa hingeesi. Gawaá adoorihe múk Yahudi nee múk xoordaá hatlá' giri wak tleéhh ar slaqwtá wák ar gawaá msalaába, giri ki/ís amór Mungú.

Efeso 4:16

Inós slaqwa sleémeero gan haragaas dinkwárií alé, gari dinkwárií nigihhitis ar kanuúdá' Mungú naa haniís. Inós umuúqo diqto gan aleesleemií hanmiis, gadiyeérós tidá' taa haniís ngiwa tlehh. Gawaá adoorihe slaqwa sleémeero in uraareér, nee tiri kwa/amís ar baraá sla'aari.

Kolosai 2:14

nee dugunoó iinaarén guna fiíts, kudá' geera atén ti iinuús tlehhema'aá yaariire. Guri hingeés, guri kikií' gawaá msalaába.

Kolosai 2:20

Kuungá' aga alqatlé' dinkwa nee Kristo, tiri paratlé' nee aleesleemu sleémeero oo qeereemaá tlakw awa yaamuuká'. Asma milá mas ya/a/aandá' kuungá' tunduwa hara'ayiyin, adór múk yaamuuká', tawa kaahi,

Kolosai 3:10

Munér /aben kari sleeré'. Muneerí /aben baraahunge ka /abeemiis umuú daqto nee Mungú, tleehharusmoowós, ar slaqsoó Mungú. Gawaá adoorihe munerhúng in kumít Mungú nguwa tsaahha hhe'es.

Kolosai 3:11

Ala baraá slafingwí /abene, barqaanti i káhh dír heé Yahudiro nee heé Yunaniro, laqaá dír heé taa al/uútl nee heé taa al/uutliiká, laqaá hoomo, laqaá heé iimiboó/, laqaá lawaalmo nee kuduú lawaalmoowooká. Ala Kristo inós a mura' sleémeero nee i baraá muu sleémeero.

Kolosai 3:15

Nee wayduú Kristo i baalin baraá munerhunge, asma kuungá' tunduna ateét as wayduuwí qoomár tunduwa diqoó slaqwtá wák tleéhh. Slám kuungá' masók a múk sluufoó koóm.

Ebrania 7:16

Inós gár kusa kaahamusmoó wa qaás a hara'ayár mukooká, tidár daanduú tlahhaay. Ala gár kusa kaahamusmoó wa qaás a /uuruú slafingwdá' baloó warqawaaká.

Ebrania 8:13

Diirihe Mungú kángw alqadór /aben gwa axweés. Gawaá adoorihe gár i laqaqaan a alqadoodár geera ina diín. Ala gaa barnaxes aa qaruúr, nee aa diín, gadaádá' qwanaywo aa naká/.

Ebrania 9:23

Muruuwí a slaqsoó muruuduú gawaá doori. Gawaá adoorihe gár kuwa hariím aqo kun hhoohhooees ar ilahhooadá' ak hhoo'.