Efeso 2:14 - Biblía Axweesantá Hhohho' ar Mungú 2004

¹⁴ Asma Kristo a wayduurén. Inós múk Yahudi nee múk xoordaá hatlá' giri wak tleéhh, nee wakaari gari hingeés, tidá' aa sihhit adór baqa tla/angw'ín i alé.

Ya/abtór hho' 1977

¹⁴ Asma Kristo a wayduurén. Inós múk Yahudi nee múk xoordaá hatlá' giri wák tleéhh, nee wakaari gari hingeés, tidá' aa sihhit adór baqa tla/angw'ín i alé.

Efeso 2:14 Iomraidhean Croise

ESTA 3:8

Aluuwo Hamani waawutmo Ahasuero guri báy, «Xoororka wák i deer ar aa tsiyayaaxat baraá tla/ángw muu oo umuú dii baraá ayeemo sleémeero awa waawuti'iimarók. Inooín daber'ín nee dabér umuú xoorór ti slawá' i káhh, tam hara'ayár waawutmo ngi axamisiaaká, gawaá adoorihe, nee waawutmo ti aleslay'aaká.

MIKA 5:5

Heewí wayda nguri dir'ín i huuw. Qoomár múk Ashuru birna baraá ayaarén i hardáh, nee yaamuurén biringa kalaá/, atén de'eemuusér faanqw an tsawaaraán, nee geeraharuusér dakaát sleeme, ngiri ya/aawaán as tawa slaqwi.

SEKARIA 6:13

Inós an heedá' Doó AAKOÓ MUNGÚ gu tleéhh, ilaiwa/amér waawuti'iima ga sláy, iri iwiit gawaá kitángw waawuti'iima, iri waawuti'ín, nee bihhaawose kaahamusmoó Mungú i deér, nee tla/ángw inooínaaká' tsare xu'utír wayda i deer.

Luka 1:79

as kudá' baraá giwtír i diriiá' nee kudá' baraá mahhtír gwa'ara ngiwa i gwa/aatiya', nee as atén tiwa gan'aasi baraá loohír amór waydií hardah.»

Luka 2:14

«Munguú gawaá doorií dirií' i xirfuuti, nee wayda ni baraá yaamií hardihi dír mukdá' aa gurií baá/.»

Yohana 10:16

Bee/ángw hatlá' sleeme u koóm, ala i baraá daqtiheeká. Bee/aangwí gár kuwa hariím a ngun huúw baraá daqtí alé. Inooín afor'eé' ngiri iiárií qaasiyá', aluuwo tari daqtá wák nee de'eemusmo tari wak.

Yohana 11:52

Ala as xooroorí kiloseeká. Nee tam as mukdá' Mungú gu haratlintií' baraá xoorduuwo nguwa burumburi as tawa wák tleehhiti.

Yohana 16:33

Tí án ngina kuungá' báw, as wayda kuwa sleera' baraaeene. Baraaká' yaamuwo slahh'amu u sleerá'. Ala ma mune siaara', asma aníng yaamu iga ar baá/.»

Tlehhema'aá ya/Abuuse 10:28

iri oó', «Kuungá' a xuá' adór tar hariímarooká heé Yahudi iwa aldinku'uusi nee heé xoorór hatlá', tam nguwa i daqay. Ala Mungú nga dir'eénií laqán, án mawa gaa oó' daanduú heewo niwa oó' ‹ku harmeetín›, laqaá ‹ku slasla/aár›.

Tlehhema'aá ya/Abuuse 10:36

Kuungá' Ya/abtoodá' Mungú aa huúw dír múk Israeli a xuá', Ya/abtoodá' hho' ar wayda ar loohír Yesu Kristo. Inós an Aakoó muu sleémeero.

Rumi 5:1

Gawaá adoorihe atén taa hhe'eés gan'amií harafaarooro ar loohír haratlintaao. Atén a wayduú koomaán dír Munguhe ar baraá Aakoorén Yesu Kristo.

Galatia 3:28

Ala daxta gár dimbé i káhh dír heé Yahudi nee heé Yunaniro. Laqaá tam dír heé lawaalmo nee heé lawaalmowooká. Nee slám gár dimbé i káhh sleeme dír hhawaata nee /ameeniro, asma kuungá' sleémeero a adór heé wák baraá Kristo Yesuwo.

Efeso 2:15

Qoomár wakaari ngiwa hingeés, an qoomaadá' dabe ngiwa hingeés dinkwa nee hara'ayaro, ar slaqwtós. Gawaá adoorihe baraá mukwí tsaraawo heé /abén oo wák guri tleéhh ar baraawós. Wayda guri tleéhh ar adoorí.

Efeso 2:17

Kristo niri hardáh, Ya/abtór hho' ar wayda ngiri alki/iít dír kuungaásingá' saawá' awa xoordaá hatlá', nee dír kudaádá' tseewá' awa múk Yahudi.

Efeso 3:15

Inós a Baabuú ló' oo na/ii sleémeero awa gawaá doori nee awa baraá yaamuwo.

Efeso 4:16

Inós slaqwa sleémeero gan haragaas dinkwárií alé, gari dinkwárií nigihhitis ar kanuúdá' Mungú naa haniís. Inós umuúqo diqto gan aleesleemií hanmiis, gadiyeérós tidá' taa haniís ngiwa tlehh. Gawaá adoorihe slaqwa sleémeero in uraareér, nee tiri kwa/amís ar baraá sla'aari.

Kolosai 1:20

Mungú mura' sleémeero guna amoorósií haraki/isár wa slaá' ar baraá Garmaawós. Wayda guri tleéhh ar gwa'arár Garmaawós ar gawaá msalaába. Gawaá adoorihe Mungú mura' sleémeero guna amoorósií ki/ís, kuduú baraá yaamu, nee oo dooriiwo.

Kolosai 2:20

Kuungá' aga alqatlé' dinkwa nee Kristo, tiri paratlé' nee aleesleemu sleémeero oo qeereemaá tlakw awa yaamuuká'. Asma milá mas ya/a/aandá' kuungá' tunduwa hara'ayiyin, adór múk yaamuuká', tawa kaahi,

Kolosai 3:11

Ala baraá slafingwí /abene, barqaanti i káhh dír heé Yahudiro nee heé Yunaniro, laqaá dír heé taa al/uútl nee heé taa al/uutliiká, laqaá hoomo, laqaá heé iimiboó/, laqaá lawaalmo nee kuduú lawaalmoowooká. Ala Kristo inós a mura' sleémeero nee i baraá muu sleémeero.

Kolosai 3:15

Nee wayduú Kristo i baalin baraá munerhunge, asma kuungá' tunduna ateét as wayduuwí qoomár tunduwa diqoó slaqwtá wák tleéhh. Slám kuungá' masók a múk sluufoó koóm.

Ebrania 13:20

Aakoorén Yesu an de'eemusmoó úr oo bee/aangw. Munguúduú wayduú koóm Yésuuwí guna waaslee/atís baraá múk aa qaátl wa ale, ar /uuruú tseereedár alqadór alhhe'eesay wasl.

Ebrania 7:2

Abrahamu ilahhooa gari haniís dír Melkisedeki. Gár aa haniís a gár wák baraá umuúqo muruú mibaango kudá' i kona. Umuú Melkisedeki gídaabárós ar geera a «Waawutmoó Gan'amu.» Nee slám inós a waawutmoó Salemu, gídaabárós an «Waawutmoó Wayda».