Efeso 2:11 - Biblía Axweesantá Hhohho' ar Mungú 2004

¹¹ Gawaá adoorihe inslawiimé' kuungá' a múk adoomá aáng. Qoomaadae kuungá' a múk xoordu baraá tlahhaywo. Mukdá' taa al/utlín kuungá' nun babáy, «Múk taa al/utliiká».

Ya/abtór hho' 1977

¹¹ Gawaá adoorihe inslawiimé' kunngá' a múk adoomá aáng. Qoomaadae kuungá' a múk xoordu baraá tlahhaywo. Mukdá' taa hheehhe'eés ar al/utlór slaqwa nuna babáy kuungá' a múk taa hheehhe'eesiiká.

Efeso 2:11 Iomraidhean Croise

ESEKIELI 20:43

Didaádá' an dír tlakweemahúng nee tlehhmi'iihúng kudá' tlakw kiwa insleera', adór kuungá' nura slasla/areesiyé'. Kuungá' mune nuri fák as tlakweemahúng kudá' taa tlehhé'.

ESEKIELI 36:31

Naagáy kuungá' hotaarirhúng tidá' tlakw kari insleerá', nee tlehhmi'iihúng kudá' tlakwe, kuungá' tari kiloohúng ahhitá' asma tlakweemahúng nee muruudá' aníng ni waak taa tlehhé'.

Matayo 20:7

Inooín nguri bayé', ‹Asma heé atén taa gadiyeé i haniis i kaahh.› Giri báy, ‹Kuungá' sleeme tlawsé' ay baraá qaymór sabiíbu.›

Rumi 11:17

Ala daxta a adoorí, múk Yahudi a adór xa'anoó seituúni kudá' taa dahaás, nee múk xoordaá hatlá' a adór xa'anoó seituúni oo baraá sla/a, oo hee aa dahaasiiká. Haleemo bahh'alé awa xa'anoodá' taa dahaás kina tlaáq. Haleemaá hatlá' awa xa'anooduú sla/a, kiri haátl baraá xa'anoodá' taa dahaás, nee di/tá xa'anoodá' taa dahaás ngiri /ayiyé'. Kuungá' a adór haleemiidá' taa haátl.

Rumi 2:26

Heé xoorór hatlá' oo taa al/utliiká, inós barnaxes hara'aya gaa eehár, kwí ku harafaáriíke tawa adór heé taa al/uútl, inós tam kwaa al/utliikahe.

Rumi 2:27

Gawaá adoorihe kuúng heé Yahudi tu sakwasleemuut nee múk xoordaá hatlá'. Asma kuúng hara'aya tam a koonda baraá gooiro, nee kuúng tam taa al/utli, ala kuúng hara'aya a eeharahatká. Ala inooín hara'aya ka iialooeemiis, inooín tam kaa al/utliniikahe.

1 Korinto 12:2

Kuungá' a xuá', qoomár kuungá' tawa pakaanáy. Qoomaadae kuungá' ana ya/aandé' tunduwa huwahuwi nee mungi'iidá' afe waslen, kudaá murslaaqat, adoodá' kuungá' tundura geeraharahaár.

1 Korinto 6:11

Baraá tla/angwhunge bahh'alé aáng a múk adór kwí. Ala kuungá' tunda hamaátl, tunda hhoohhooeés, tunda gan'amí harafaár ar umuú Aakoorén Yesu Kristo nee ar /uuruú Qeeruú Munguúrén.

Galatia 2:15

Ar ló', atén a múk Yahudi laqwalamko, a múk xoordaá hatlaeeká, kuduú tlakuuse.

Galatia 6:12

Mukdá' sleémeero kuungá' nu harakeemiís as tunduwa al/utlin, inooín nun harakeemisiyá' as muu nguwa sla'atisiya'. Gár adoorí ngis tlehhiitiya' a wak kilós, as kahhó' mikiwa slahh'eemiís as msalaábár Kristo.

Efeso 2:2

Qoomaadae kuungá' loohír tlaakw ana oté', tidár yaamuuká'. Kuungá' waawutmoó qeeruú neetlaame, kudá' gáwtí dirií', una eehadé', qeeruudá' gadiyuús hamí baraá múk Mungú gwa sií' wa ale.

Efeso 5:8

Asma aáng kuungá' a giwti, ala hamí a gwa/aateema asma kuungá' tawa múk Aako. Hooté' adór múk baraá gwa/aateema kuwa hariím hotaango.

DABE 15:15

Tí inslawaak, asma aáng kuungá' a lawaale baraá yaamaá Misriro, nee AAKOÓ MUNGÚ, Munguúhúng kuungá' nuna baraadá' wa tuú/, an gár laarí aníng kuungá' nusa adoorí báw.

DABE 16:12

Tí inslawaak, adór kuungá' aáng tar lawaale baraá yaamaá Misriro, gimsé' kaahirí ló'wa harmagahhaak kawa ota'.

DABE 5:15

Ala kuúng ma gunqarutaar adór kuúng aáng tar lawaalmo baraá yaamaá Misriro, anuú AAKOÓ MUNGÚ, Munguúwók uri baraadá' wa duúx ar /uuruueé' nee ar dakw'eé' kudá' naa gáwtí tleés. Gawaá adoorihe anuú AAKOÓ MUNGÚ, Munguúwók un babaw, deelór Sabaáto harmagahheek kawa ot.

DABE 8:2

Inslawaak adoodá' AAKOÓ MUNGÚ, Munguúhúng, nura geerahaár aaiidá' tleere tawa baraá xaanxár oté', afiqoomár kureeraá mibeeri tsiyahhe, as kuungá' nuwa múk iialoén tleehhi, nee munerhúng ngiwa iiari, as tidá' kuungá' ta aldakuta' baraá munerhunge ngiwa xui, nee axáy hara'ayaarós aga otí'i, laqaá aasla'áy.

DABE 9:7

«Tidá' ma baloó gunqareesara', adoodá' AAKOÓ MUNGÚ, Munguúhúng kura buhhtisé' baraadaá xaanxaywo. Iimidá' kuungá' tawa baraá yaamaá Misrír wa ti'ité', ay baalaarír laarí hám tawa diirí diria', kuungá' an kumaamitá' AAKOÓ MUNGÚ kuwa ahhahhita'.

Filipi 3:3

Ala múk taa al/utlín a atén, ar al/utloodár ló'. Qeeruú Mungú atén ti gan'aamiis baraá sluufayrene. Atén tin xirfayeemisaán as Kristo Yesu kilós. Gár hatlá' ar ta haraxuaan i káhh ar tlehhema'aá tawo.

Kolosai 1:21

Aáng kuungá' tunduwa saáw dír Munguhe, baraá munerhúng nee inslawayhunge kuungá' a wakuuseerós, asma tlehhemi'iihúng ki tlakw.

Kolosai 2:11

Sleeme kuungá' nee inós tawa aldinku'uumisé' tunduna al/utlín, ala ar al/utlór slaqwtooká, ala aqo ar al/utlodár Kristó kilá', slaqwtahúng tidár tlakweema kawa hingesé'.

Kolosai 2:13

Kuungá' aáng a tu'u, as tlakweemaahúng, nee as tunduwa al/utliiká, asma kuungá' tawa múk xoordaá hatlá'. Ala hám Mungú kuungá' sleeme naa slafís dinkwa nee Kristo, qoomár tlakweemaarén sleémeero ngiwa gurtláy,

Kolosai 3:11

Ala baraá slafingwí /abene, barqaanti i káhh dír heé Yahudiro nee heé Yunaniro, laqaá dír heé taa al/uútl nee heé taa al/uutliiká, laqaá hoomo, laqaá heé iimiboó/, laqaá lawaalmo nee kuduú lawaalmoowooká. Ala Kristo inós a mura' sleémeero nee i baraá muu sleémeero.

1 SAMUELI 17:26

Daudi mukdá' dír bihhiwósií tseéw guri yaahaás, «Xáy, heé heewuú múk Filisti ngwa gaas, nee oo múk Israeli ngwa tuu/ baraá murekesoó adór kwihe, heewí gár kwi tleehhi? Heewuú Filisti inós a heemá, bar sleeme an heé ta al/utliiká, iwa qiitli slawtá múk hhohhó' oo Mungú kudá' slaáf ngiwa adoorír niqin.»

1 SAMUELI 17:36

Anuú sagadiyusmoowók aga intsahhaám direeraá yaariir nee makaydá' ta bay duúbu tsu/utaaro. Hamí tam heeqaáquú Filisti oo taa al/utliiká, aníng aqo un adoorí laáq. Ga/aaweek inós slawtá múk Munguúdá' slaáf gan /oosliislín.»