Efeso 1:6 - Biblía Axweesantá Hhohho' ar Mungú 2004

⁶ Adoorí gana tleéhh as atén tsuuqaawós kuká' xiríf kiwa ló'wa ilaiwawa/aan, as adoodá' inós tira ló'wa tsuúq, qoomár Garmaawós kuduú sla'aarusmo nguwa atén i haniís.

Ya/abtór hho' 1977

⁶ Adoorí gana tleéhh as atén tsuuqaawós kuká' xiríf kiwa ló'wa ilaiwawa/aan, as adoodá' inós tira ló'wa tsuúq, qoomár Garmaawós kuduú sla'aarusmo nguwa atén i haniís.

Efeso 1:6 Iomraidhean Croise

WARA'AMI 22:20

Aníng ba/amisáng dír paángaro, slafingw'eé' dír /uuruú seeaaweero.

WARA'AMI 60:5

Atén ti mu/aywats nee ti baalírí sleer ar /uuruuwók, as kahhó' mukdá' kuúng ta sla' kuwa ba/amis.

AXWEESANOÓ SAGALOOA 16:4

AAKOÓ MUNGÚ umuúqo gaaro gana tleéhh ar sla'aarirós, Tam múk tlákw sleeme in deer as deelór slahh'amu.

ISAYA 42:1

Ga/aawaak, sagadiyusmooeé' kudá' naa /uurií qaás, kudá' naa tsawaár, kudá' muunaáeé' gwaa qwal/aas. Qeeruueé' ugwa baraawós i qaás. Inós xoordu gin sakwasleemár ganaá' i huuw.

ISAYA 43:21

Mukdá' naa tleéhh as aníng as xirfuueé' nguwa alki/itiya'.› »

ISAYA 61:11

Asma adoodá' yaamu harma/o ngir duxaaxina', nee adoodá' qaymo gár taa baraá qaymórí dahaás ngir duxaaxiin, an adoodá' Aakoó MUNGÚ hotaá ganaa'á' nee xirif, ngir huwi dír geeraá xoordu sleémeero.

ISAYA 61:3

Kudá' tsuunqumiisá' baraá Siyoniro. Slamángw /ayo nguwa slaya' kitángw da/araro. Di/tá qwala/ ngiwa haniis kitángw tawa tsuunqumiisi. Tlabaá xirif ngiwa haniis kitángw muneesi'imaawo. Daqaní inooín kin bay «Ti'itaawér hota ganaa'. Dahaasíngw AAKOÓ MUNGÚ, as kahhó' inós kuwa xirfayeesi.»

YEREMIA 23:6

Qoomár waawuti'iimarose múk Yuda ku ba/amis, nee múk Israeli i saxareemár hoot. Inós umuuwós ku bay, ‹AAKOÓ MUNGÚ an gan'amuurén.›

YEREMIA 33:9

Gixsarí dir'eene tari gixsár qwal/uú huwahuuw nee ilaiwa/ame nee xirif dír geeraá xoordu sleémeero awa yaamuwo, kudá' kaangwí ngu axaasá' oo hhooeemaadá' naa dír múk Yerusalemúr i haniís. Inooín tari da'ayuut nee tari daaraax as kaangwí.»

TLAHHOÓ LAÁWI 15:15

Kaahamusmoó Mungú giri haniis, ar wák as ilahhooár tlakweema hingeesa, nee ar hatlá' as ilahhooár da/a. Kaahamusmoó Mungú heedaádá' guri haraki/isárí tleehh dír geeraá AAKOÓ MUNGÚ wa ale, as iwa malalaáhh.

SEKARIA 13:7

AAKOÓ MUNGÚ Aleesleemusmo i kaahi, «Tláw kiíng paánga, gawaá daanduú de'eemusmooeé', kudá' aluueé' nga haar, de'eemusmo slahheek as kahhó' bee/aangw iwa diyaa/ati, aníng niri warqáw amór mukdá' liitlakwén.

Matayo 17:5

Qoomár tawa axweesi, huunkír /awaak gina mahhtír i tléhh. Afo nina baraá huunkidá' wa ilawáts i kat, «Kwí a Garmaaeé', sla'aarusmooeé' oo aníng iga qwal/atis. Inós iiárií qaasaak.»

Matayo 20:9

Mukdaáduú gadiyeé gaa iimu/un qoomár looár mibaá nee wak, umuúqo heewo aqo shilingmoó wák guna sláy.

Matayo 3:17

Afo nay gawaá doorí wa ilawáts iri ó', «Kwí a Garmaaeé', sla'aarusmooeé' oo aníng iga qwal/atis.»

Luka 2:14

«Munguú gawaá doorií dirií' i xirfuuti, nee wayda ni baraá yaamií hardihi dír mukdá' aa gurií baá/.»

Yohana 10:17

«As adoorí Baabá aníng i slaa', asma slafingw'eé' un haniís as nguwa malé slaw.

Yohana 3:35

Baabá Garma gu slaa'. Inós mura' sleémeero gwa dabaá Garmií qaás.

Rumi 8:1

Gawaá adoorihe sakwasleema i káhh dír mukdaádá' baraá Kristo Yesu i diriia.

2 korinto 4:15

Asma muruuwí sleémeero in tleehharuumiit as kuungá', as tsuuqaá Mungú iwa ak hardihiya' dír múk yaariír i alé. Nee gawaá adoorihe múk yaariír Mungú guri sluufmiis. Nee Mungú iri xirfuut.

2 korinto 5:21

Heedaádá' tlakweemaá xuaaká, Mungú heedaádá' guna tlakweema tleéhh as atén, as atén tiwa gan'amií harafaari dír geeraá Munguhe ar loohír inós.

Efeso 1:12

Asma a sla'aarirós atén tawa xirfuuwós tleehhitaan baraá Kristowo, ateédá' Kristo ugwa geerií harahhifoórí gaasaan.

Efeso 1:14

Qeeruuwí an arhaánír aalirén. Inós ngin xu'utimis dirén i aleeró adór ateédaá mukós tir gweeri. Gawaá adoorihe inós kuri xirfayees.

Efeso 1:18

Aníng a firiiriím inós ilaahúng awa qeeru ngiwa gweeri, as harahhifór ateetmorhúng kawa tsahha', nee daqaari'iimár xirif ar aalirós adór i diri' baraá múk taa hhoohhooeesi.

Efeso 2:7

Adoorí gana tleéhh as ngiwa laqan dír qari sleémeerowo ar hardah adór gurtleemuuwós kur úr direne baraá Kristo Yesuwo.

Filipi 1:11

Nee kuungá' tundu hatsiis gan'amuwo, kudá' Kristo i tlehhiiti baraá munerhúng wa ale, as ilaiwa/amér Mungú nee xirfuuwós.

Filipi 3:9

nee niwa haragwaa' dirós i alé. Daxta aníng hotaá ganaa'á' awa naa sláw as hara'aya ngiwa boo/eés, i kahhiyá'. Hotaá ganaa'á' awa ni xuu' a kudá' kilós hee i slay as Yesu Kristo nguwa haratlintií', an kudá' amór Mungú dahhá', as haratlintaao.

Filipi 4:19

Nee Munguúeé' kudá' xirfuú koóm baraá Kristo Yesuwo, tidá' sleémeero kuungá' ta sla'a' ngi haniis ar har qoomoó daqaari'iimarós.

Kolosai 1:13

Inós atén tina baraá /uuruú giwtír wa ba/amis, tiri loohatís, tiri dahaás baraá waawuti'iimár Garmaawós oo sla'aarusmo.

1 Petro 2:5

Kuungá' kilá' sleeme masók a adór tlaa/aá slafá', tundu tleehhi tawa doó qeeru tleehhita'. Kuungá' masók a kaahamuusér Mungú ar hhohho', nee ilahhooár qeeru ar muruú ta tsu/i kawa huba', tidá' ta ya/an nee Mungú ar loohír Yesu Kristo.

1 Petro 2:9

Ala kuungá' a xoorór taa tsawaár, kaahamuusér waawuti'iimár Mungú, xoorór hhoohhoo', xooroodá' Mungú aa tós tleéhh, as kuungá' tlehhemi'iiwós kudá' xirfayen kiwa alki/ita', kudá' inós aa tleéhh. Inós kuungá' nuna ateét baraá giwtír wa ale, nuri dahaás baraá gwa/aateemaawós kudá' waa/oo/amór koomá'.

1 Petro 4:11

Heé axweesantá Munguú alki/iít, ngi alki/iiti ar adoodá' axweesantá Mungú i kat. Heé gadiyuús, i gadiyuusi ar /uuruudá' Mungú aa haniís dirós i alé, as kahhó' Mungú iwa xirfuuti baraá mura' sleémeerowo ar loohír Yesu Kristo. Xirif nee aleesleemu a kós tam ay alhhe'eesay wasle. Amin.