Efeso 1:17 - Biblía Axweesantá Hhohho' ar Mungú 2004

¹⁷ Munguú Aakoorén Yesu Kristo, Baabuú xirfuú koóm, aníng un firiiriím, as kahhó' kuungá' nuwa qeeruú sagalooárí haniisi nee geehhooeema as inós kuwa xua'.

Ya/abtór hho' 1977

¹⁷ Mungú Aakoorén Yesu Kristo, Baabuú xirfuú koóm, aníng un firiiriím, kuungá' nu Qeeruuwós i haniisi, Qeeruuduú sagaalooa nee gwa/atamaaye ngu haniisi dirhúng i alé, as inós kuwa xua'.

Efeso 1:17 Iomraidhean Croise

1 QOM'I 29:11

Aá AAKOÓ MUNGÚ, uraay a kók nee /uuru nee xirif nee baaliro nee aleesleemuuwo. Asma umuú gaaro ar gawaá dooriwo, laqaá ar baraá yaamu a tók. Waawuti'iima a tók, kuúng taa xirfayeés nee tu úr dír umuú gaaro.

YOBU 42:5

Aníng kangók ugwa axamiís iaeene. Ala hamí kuúng una ár ar ilaeé' awa kilá'.

WARA'AMI 24:10

«A heemá waawutmoó xiríf? A AAKOÓ MUNGÚ Aleesleemusmo. Inós an waawutmoó xiríf.»

WARA'AMI 24:7

«Kuungaásingaá afér gixsa, gweerita hhe'eesé'! Kuungaásingaá afér qaránqar, gweerité', waawutmoó xirfuú koóm i dahi!»

WARA'AMI 29:3

Afór AAKOÓ MUNGÚ ka axamiis, i gawaá ma'aay. Munguú xiríf kwarara/a ga kududuhuus. Afór AAKOÓ MUNGÚ ka axmiis gawaá daanduú tlabeemo!

TI'INAANGW 28:3

Kuúng mukdá' tlaba' tlehhtuuwo gi baál ádbaweek, kudá' aníng naa fuqurángwí haniís, Aroni ngu tlabií tleehhiye' as kuwa paraatli as gadiyér'eé' ar kahamuusi'iima.

AXWEESANOÓ SAGALOOA 18:15

Heé fuqurángw koóm xu'uti ga sláy, nee iaá heé sagaloó' kángw xu'uti ngu slaiyá'.

AXWEESANOÓ SAGALOOA 2:5

daqaní adór AAKOÓ MUNGÚ kur ilaiwawa/ kari tsáhh, nee adór Mungú kur xu' aga sleér.

ISAYA 11:2

Qeeruú AAKOÓ MUNGÚ i gawaawós i iwiit, qeeruú sagalooa nee oo tsaahha, qeeruú hara'aya nee oo aleesleemu, qeeruú xu'uti nee oo AAKOÓ MUNGÚ nguwa ilaiwawa/i.

YEREMIA 2:11

Xáy, xooro tam ar wák iqo deéro ar munguiiwós gaa warqes, tam munguaá kilaeekahe. Ala muk'eé' aníng iga geexáy, anuúduú Munguú kilá', munguaá' hatlá' ngiri eehariyé'.

YEREMIA 24:7

Aníng in tsaahhárí haniís adór aníng tar AAKOÓ MUNGÚ. Inooín tari muk'eé', aníng tari Munguúín, asma inooín nin amor'eéní ki/iyá' ar muner'ín sleémeero.›

YEREMIA 31:34

Hee i kaahh tumu wák oo inslaawmoowós laqaá hhiyaawós gu intsaahhatís, iwa kaahi, ‹AAKOÓ MUNGÚ xueek.› Asma inooín sleémeero aníng i xuiyá' iimír na/aá ninakw ay múk urén. Aníng dakuúsar'ín an gurtláw nee tlakweemaaín aníng i baloó inslawaaká.»

YEREMIA 9:24

Hee birti xirfayeemiis ti xirfayeesi as tí: Aníng iwa xui adór tar AAKOÓ MUNGÚ kudá' sla'aari warqawaaká, nee sakwasleemár ganaa' ga tlehhiít, nee hotaá gana'á' gi slaá' baraá yaamu. Asma muruuwí aníng i sla'atamis. Anuú AAKOÓ MUNGÚ tí ngina oó'.»

DANIELI 10:1

Kurkú tám oo waawuti'iimár Koreshi, waawutmoó Persia, axweesantá Mungú kana geehhooeés dír Danieli, kudá' taa báy Belteshasa. Geehhooeemaaká' awa tsuwa ló', a daanduú slaqwarár ur. Inós geehhoeemaaká' giri tsaáhh nee iigu'utudá' guri xuú'.

DANIELI 5:11

Waawutámo, baraá ayaawoge heeko wák oo qeeruú Munguúdá' hhoohhoó' gu koóm i deer, qoomár waawuti'iimár baabuúwoge heewí una tsaahhaán inós tawa heé fuqurángw koóm, nee tsaahha nee sagalooár adór tiqár mungui. Baabuúwók waawutmo Nebukadnesa heedaádá' guna qaás tawa heé úr oo qwaslaare nee oo da/aluuse nee xu'utuusér tlata nee xu'utusér tsatse/uwo,

Matayo 11:25

Qoomaadae Yesu iri axweés iri oó', «Aníng kuúng u sluufiís, Baabá, Aakoó doori nee yaamu, asma muruuwí ugwa lú/ dír múk sagalooár kooma nee fuquraangw, kuri laqaán dír na/aá ninakw.

Matayo 11:27

Iri oó', «Baabuúeé' umuú gaaro nga gawaá dabaaeénií qaás. Ala heé Garma gu xuú' i kaahh, aqo har Baabá kilós. Slám heé Baabá gu xuú' i kaahh, aqo har Garma kilós nee kudá' Garma xu'utisaro aa slaá'.

Matayo 16:17

Yesu iri oó', «Símon, garmoó Yona, kuúng a heé amohhoó', asma kaangwí heé ngwa dirók i xu'utis i kaahh, ala aqo Baabuúeé' kuduú gawaá doorí dirií'.

Matayo 20:33

Kuri báy, «Aáko, gár ta sla'aan, masók ilaarén in qaytsitiyá'.»

Matayo 6:13

Atén miti baraá iiara'aduú uhisar, ala atén ti ba/amis kudá' tlaakwe. [ Asma waawuti'iima a tók, nee aleesleemu, nee xirif, ay alhhe'eesay wasle. Amin.]›

Luka 12:12

Asma siiwadae Qeeruú hhoohhoó' oo Mungú kuungá' nu intsaahhatis tidá' hariim ooaro.»

Luka 2:14

«Munguú gawaá doorií dirií' i xirfuuti, nee wayda ni baraá yaamií hardihi dír mukdá' aa gurií baá/.»

Luka 21:15

Asma aníng /ayma'aá sagalooa ngi haniís, awa ta oa', tam wakuuserhúng sleémeero kuungá' tlaampa'aasaro nuy aleesleeraaká, nee sleeme axweesantahúng kay si'iiká.

Yohana 14:17

Inós a Qeeruú looeema. Múk aa haratlintii'iiká Qeeruuwí gu ara'ariiká, slám gu tsatsahhanká. Gawaá adoorihe ilaooharo ku aleeslayká. Ala kuungá' u xuá', asma i dirhúngií dirii', nee iri baraahúng wá hoot.

Yohana 14:26

Ala alee/isusmoodá', ta bay Qeeruú hhoohhoó' oo Mungú, kudá' Baabá ni ya/aawi ar umuueé', kuungá' nun intsaahhatimis baraá umuúqo gaaro, slám tidá' sleémeero án naa kuungá' bawi nuri inslawtimis.

Yohana 16:3

Adoorí kan tlehhiit asma Baabá kuwa xuiiká, nee aníng sleeme ti xuiiká.

Yohana 17:3

Nee slafíngw alhhe'eesay wásl an kwí, kuúng uwa xuiya', Munguúduú ló', kudá' wák, nee Yesu Kristo, kudá' naa ya/áp.

Yohana 20:17

Yesu Maria gari báy, «Aníng mi kwatiitaar asma aga ki/iiká amór Baabá. Ala kiíng tláw amór hhaee'eé', ki beer, ‹Aníng a tsa/ám amór Baabuúeé', nee inós a Baabuúhúng sleeme, amór Munguúeé', nee inós a Munguúhúng sleeme.› »

Tlehhema'aá ya/Abuuse 6:10

Ala kwa aleeslayká arba/ato as sagalooarí nee Qeeruuwí baraawós wa axweés.

Tlehhema'aá ya/Abuuse 7:2

Stefano iri oó', «Hhaee'eé' nee baabi'iieé', iia qaasaak. Munguú xirfuú koóm tina geehhooeés dír baabuúrén Abrahamu, qoomár iwa baraá yaamaá Mesopotamiár i dirii'i, geeraá iwa loohiiká baraá yaamaá Harani.

Rumi 1:28

Inooín xu'utidár Mungú kuwa xui, kaa gaárí xuiiká. Gawaá adoorihe Mungú sleeme inooín giri máy baraá inslaway'ín kudá' aa hhitiruut, as muruudá' hariimaaká kuwa tleehhi.

Rumi 15:6

Daqaní kuungá' a aleesleerá' Mungú, Baabuú Aakoorén Yesu Kristo, kuwa xirfayeemisa' ar muunuú wák nee ar afór wák.

1 Korinto 12:8

Asma heé wák aleesleemuú axweesantá sagalooa gun sláy ar Qeeru, nee kuqá' aleesleemuú axweesantá xu'uti gun sláy ar Qeeruuduú kilá'.

1 Korinto 14:6

Ala daxta, hhaee'eé', aníng barnaxes naa amorhúng i hardáh, niri axweés ar tsifrír xuawasl, gár kuungá' ta sleera' dir'eene a milá? Gár kuungá' ta sleera' i káhh, aníng barnaxes naa dirhúngií axweesiika ar geehhooeemaá, laqaá axweesantá xu'uti, laqaá aari, laqaá intsaahhatimis.

1 Korinto 2:10

Muruuwí an kudá' Mungú naa dirénií geehhooatís ar loohír Qeeruuwós. Asma Qeeruú Mungú mura' sleémeero gu xuuxu'ún, tam muruudá' taa luú/ oo baraá muunuú Mungú i dirií'.

1 Korinto 2:8

Múk aleesleemuú koóm oo baraaká' yaamu sagalooarí gaa tsaahhiiká. Asma inooín geera bar sagalooarí ngaa xuiyé', geera alók Aakoó xirif ngwa kikii'ii'iiká.

2 korinto 12:1

Aníng gár tiwa hariím tin kilooeé' xirfayeemiís, tam adoorí gár i bu' i kahha. Ala daxta aníng a kumiít axweesanto kángw iigu'utu nee geehhooeemisuuduú Aako naa aníng i laqán.

Efeso 1:3

Mungú i xirfuuti, Baabuú Aakoorén Yesu Kristo. Inós atén tina tsuúq ar baraá Kristo ar tsuuqa sleémeero awa Qeeru, awa gawaá doori.

Efeso 3:5

Qoomár aa waarahhi lu/aaráywí kwa laqaniká dír muu. Ala daxta Qeeru gwa geehhooatís dír ya/abuuseerós ar hhohho' nee dír aaruuse.

Efeso 4:13

Gawaá adoorihe atén sleémeero wakleeli'iima a i hardahaán as Garmoó Mungú nguwa haratlintiaán nee nguwa xu'uti hhe'eesaán, tam atén tari kwa/aán baraá heeuumarene, ar uraydá' ta slawaan as tawa ganaa'aan baraá Kristowo.

Filipi 3:15

Ateéká' sleémeero awa ganaa'á', gár tiwa hariím a adoorí an inslaslaawaán. Ala kuungá' bar adór hatlá' aga inslasleeré' gawaá umuúqo gaaro, Mungú muruudá' ngu kuungá' i geehhooatis.

2 Timoteo 2:25

Slám masók inós a heé tsatsa'aár, qoomár bar i mukdá' inós tlampa'aamiís qwatsín. Asma Mungú dooqa mukwí gu hhu'u'úngw i haniis, nee looeema ngiri tsaahhiyá',

Tito 1:1

Anuú Paulo barwaárí ngina gooiím. Aníng a sagadiyusmoó Mungú nee ya/abusmoó Yesu Kristo. Aníng tina tsawaár nee tina ya/aáw as múk Mungú aa tsawaár nguwa alee/iis iwa haratlintii'i nee kángw looeema nguwa xuiya', kudá' hariím as Mungú kuwa ilaiwawa/i,

Yakobo 2:1

Hhaee'eé', kuungá' Aakoorén Yesu Kristo ugwa haratlintié', kudá' baraá xirfuú wa hoót. Gawaá adoorihe kuungá' bar alhotá' nee muu, barqaanti ma tlehhiitara'.

2 Petro 1:3

Mungú atén tina ateét ar xirfuuwós nee /uuruuwós. Inós atén nguri xuaán. Aluuwo inós mura' sleémeero nguri atén i haniís ar /uuruuwós kuduú munguiima, muruudá' sleémeero atén ta sla'aan as tawa hootaan ar slafíngw Mungú kuwa ilaiwawa/aan.

2 Petro 3:18

Kuungá' kumiité' tawa urareera' Aakoorén nee Ba/amusmoorén Yesu Kristo kuwa xua', nee tawa gawduura' ar loohír tsuuqaawós kudá' ni tawó hanmamiisi dirhúng i alé. Inós i xirfuuti iimír hamí ay alhhe'eesaay wasle. Amin.

Geehhoeemaá 7:12

tari káh, «Amin. Mungú an kudá' tsuuqaá koóm, nee xirif nee sagalooa nee sluufaay, nee ilaiwa/ame nee aleesleemu nee /uuru ay alhhe'eesay wasle. Amin.»