Efeso 1:11 - Biblía Axweesantá Hhohho' ar Mungú 2004

¹¹ Tam atén sleeme baraá Kristowo tina aaluuse tleéhh, adoodá' inós aa qaroó slaá', inósuudá' mura' sleémeero gu tlehhiít ar sla'aarirós.

Ya/abtór hho' 1977

¹¹ Tam atén sleeme baraá Kristowo tina aaluuse tleéhh, adoodá' inós aa qaroó slaá', inósuudá' mura' sleémeero gu tlehhiít ar sla'aarirós.

Efeso 1:11 Iomraidhean Croise

YOBU 12:13

Ala sagalooa nee aleesleemu awa Mungú. Inós a hara'ayusmo nee xu'utusmo.

YOBU 33:29

Mungú adoorí gan dír heéwí tleehh, ay sagáwa tsár laqaá ay tám sleeme.

WARA'AMI 37:18

AAKOÓ MUNGÚ slafíngw múk xaslxaansli wásl gu amohhe'emiis. Inooín a múk aaliím ay kureeraá kureér.

AXWEESANOÓ SAGALOOA 8:14

Aníng gurbu'uungw u koóm, nee sagalooaro, tsaahha a koóm sleeme nee /uuruuwo.

ISAYA 25:1

Aá AAKOÓ MUNGÚ, kuúng an Munguúeé', aníng kuúng un xirfayeés nee un diidi'iimiís, asma kuúng muruú waa/oo/amór koóm una tléhh, muruuwók kudá' taa qoomés iimír aange, aqo un boo/és ar inkihhimu nee looeema.

ISAYA 28:29

Xu'utirí sleémeero amór i dahh a amór AAKOÓ MUNGÚ Aleesleemusmo. Hara'ayaarós i waa/oo/amór koón, sagalooarós i ló'wa ganá'.

ISAYA 5:19

tawa kaahi, «AAKOÓ MUNGÚ mawaak ni gaansluuti, tidá' aa oó' i tleehhamór wa slai a araán. Kudá' Hhoohhoó' oo Israeli tidá' i slai i tleehharut a araán, as kahhó' kawa xuaan.»

YEREMIA 23:18

Dír aaruuseerihe aarusmoó aa daqay dír kwasleemár Mungú gaálaay? Oo axweesantós gaa axaas nee gari tsaáhh? Laqaá oo axweesantós gaa iiárií qaas?

YEREMIA 32:19

Kuúng an hara'ayusmoó úr nee aleesleemusmo baraá mura' tlehhtuuwo. Ilaawók lohdaá muu ngin ga/ayá', umuú heewo un bú' ar har qoomoó adoodá' hotaawós i dirii'iya', nee adoodá' tlehhmi'iiwós i dirii'iya'.

SEKARIA 6:13

Inós an heedá' Doó AAKOÓ MUNGÚ gu tleéhh, ilaiwa/amér waawuti'iima ga sláy, iri iwiit gawaá kitángw waawuti'iima, iri waawuti'ín, nee bihhaawose kaahamusmoó Mungú i deér, nee tla/ángw inooínaaká' tsare xu'utír wayda i deer.

Tlehhema'aá ya/Abuuse 13:48

Qoomár múk xoordu adoorí ngiwa axaás, tari qwalaá/, axweesantá Aako kari xirfayeemiís. Múk yaariír iri haratlintií'. An kudá' sleémeero Mungú aa tsawaár ngiwa slafíngw alhhe'eesay wásl i haniisi.

Tlehhema'aá ya/Abuuse 2:23

Heewí kunguna haniís dirhúng, adór Mungú baraá xu'utirose ngira qoomeés iimír iimu/úngw wa ale. Kuungá' kuri kikié' ar dabaá múk tlákw, kuri gasé'.

Tlehhema'aá ya/Abuuse 20:27

Asma aníng adoodá' sleémeero Mungú i slai dirhúngí alki/iituuwo ngaa mawiiká.

Tlehhema'aá ya/Abuuse 20:32

«Ala aníng hám daxta kuungá' nu qaás baraá dabaá Mungú, nee dír axweesantadár gurtleemuú Mungú. Tidá' kuungá' nu kwa/as nee nuri aalírí hanís dinkwa nee mukdá' taa hhoohhooeés.

Tlehhema'aá ya/Abuuse 26:18

Kuúng ilaaín in qaytsitís, nee inooín in warqés baraá giwtír wa aleeró, tari dah baraá gwa/aateema, nee in baraá /uuruú Neetlángw wa dúx, nee kiri húp amór Mungú. As kahhó' tlakweemaaín kiwa gurtlay, nee niwa aaluusér Mungú tleehhiitiya' baraá tla/ángw kudá' taa hhoohhoeés, asma aníng iwa haratlinti'iiyé'.› »

Tlehhema'aá ya/Abuuse 4:28

As kawa tleehhi tidá' kuúng taa slá' nee taa tsabiín kawa tlehh ar /uuruuwók, iimír iimu/uungo iwa bo/.

Rumi 11:34

Asma Gooi i kat, «Heé inslawoó Aako gu xuú' a heemá? Heé inós gu hara'ayiiyiím a heemá?

Rumi 8:17

Nee atén barnaxes a na/ii, atén a aaluuse. Atén a aaluusér Mungú, nee a aaluuse dinkwa nee Kristo. Barnaxes a ló' adór tara slahhaahha'aán dinkwa nee inós. Daqaní atén xirif u slawaán sleeme dinkwa nee inós.

Rumi 8:28

Atén a xuaán adór dír mukdá' Munguú sla'a, mura' sleémeero tir alee/iimiisi, as mukdá' nguwa muruú hhó' i slaslay. Mukwí an kudá' Mungú aa ateét ar sla'aarirós ar kilá'.

Rumi 8:29

Asma iimír aáng, inooín kiwa tleehhiiká, Mungú inooín gaa qaroó xuú', slám gaa qaroó tsawaár iwa warqaya', as tawa slaqamís nee Garmaawós. Gawaá adoorihe Garmaawós masók an garmoó baris dír hhaeewós awa yaariire.

Rumi 8:30

Nee kudá' iimír aange aa qaroó tsawaár, giri ateét, nee kudá' aa qaroó ateét, giri gan'amuú i harafaár. Nee kudá' aa gan'amuú i harafaár, giri xirfayeés.

Rumi 9:11

Gawaá adoorihe qoomár daaqaywí kuwa laqwaliiká, qoomár gár hhoo' laqaá gár tlaakw ar taa tleéhh iwa kahh, asma adoodá' Mungú aa slaá', nee adoodá' aa tsawaár tawa adoodá' warqawaaká, asma tsawdór Mungú gár i eeharahat a tlehhma'aá mukooká, ala a ateetamór Mungú.

Galatia 3:18

Atén aali an slawaán as Mungú al'axweesantós ngiwa boo/eés. Ala a slawanaaka as hara'aya kawa eeharaharaán. Asma Mungú aali gana amór Abrahamú i haniís, as ngiwa dirósí al'axweés.

Efeso 1:14

Qeeruuwí an arhaánír aalirén. Inós ngin xu'utimis dirén i aleeró adór ateédaá mukós tir gweeri. Gawaá adoorihe inós kuri xirfayees.

Efeso 1:18

Aníng a firiiriím inós ilaahúng awa qeeru ngiwa gweeri, as harahhifór ateetmorhúng kawa tsahha', nee daqaari'iimár xirif ar aalirós adór i diri' baraá múk taa hhoohhooeesi.

Efeso 1:5

inós atén tina tsawaár iimír aáng wa ale tiwa na/iiwós tleehhi ar loohír Yesu Kristo. Adoorí an adoodá' inós aa slaá' baraá muunaáwose.

Efeso 1:8

Gurtleemuuwí nguna atén i tlahhás. Adoorí gana tleéhh ar baraá sagalooarós nee xu'utirós sleémeero.

Efeso 1:9

Inós atén tina sla'aarirós i laqán, tidá' taa luú/, tidá' aa slaá' boo/eesaaro. Al'axweesani gana oó' adoorí ngiwa boo/eesi ar baraá Kristo.

Efeso 3:11

Mungú tí sleémeero gana qaás iimír iimu/uungo baraá muunaáwós i alé, as ngiwa boo/eesi ar baraá Kristo Yesu, Aakoorén.

DABE 4:20

Ala kuungá' an múk inós naa ba/amís baraá yaamaá Misrír wa ale, didár bohóngw asla oo muqsla kar weeqatamisi. Nuna amoodá' wa duúx as tawa mukós tleehhitá', an adoosíng hám laarí tay diria'.

Kolosai 1:12

Daqaní kuungá' Baabá kuri sluufmisá' ar qwal/amaaye, kudá' naa aleesleemuú i haniis oo tawa al dinku'uumisa' nee múk hhohhó' oo Mungú baraá aalír waawuti'iimár gwa/aateemaawo.

Kolosai 3:24

Kuungá' a xuá' gídaabá slaasláwarhúng ar aali a sleerá' dír Aakoowo. Asma Aakoó ta sagadiyusa' a heewooká, ala an Kristo.

Tito 2:14

Inósuú kilá' slafiingós nguna haniís as daandeemoorén, as atén tiwa ba/amisi baraá tlakweema sleémeerowo, nee atén tiri múk hhohhó' tleehh, nee tawa mukós kudá' tlehhema'aá hhohho' ngi tlehhiitá' ar ilakaaharu.

Tito 3:7

Tina gan'amií harafaár as gurtleemuuwós, nee atén tina aaluusér slafíngw alhhe'eesay wásl tleéhh, adoodár harahhifoorén i kat.

Ebrania 6:17

Gawaá adoorihe Mungú sleeme lo'o gana /aáy qoomár al'axweesantós ngiwa gawdeesár wa slaá' dír mukdá' al'axweesnatadá' ga aál, adór inós ir baloó warqayká baraá tidá' aa al'axweesi.

Yakobo 2:5

Hhaee'eé' awa sla'aaruúse, iia qaasaak. Ahaá, Mungú liitlakuusér baraakaá yaamu gaa tsawaáriíke, tawa daqaarér haratlintaao, nee aaluusér waawuti'iimadá' aa al'axweés ngiwa haniisi dír mukdá' inós gu slaá'.

1 Petro 1:4

nee aalír hhitiruutaaká a slawaán tidá' ta meetagaasiiká, slám i /otská. Tidá' ta gawaá doorí wa amohhe'eemisi as atén.

1 Petro 3:9

Tlakweema mi kuqár bu'uumara', laqaá /oosli ma tiqár bu'uumaara'. Ala kuungá' masók tsuuqaá Mungú in hanmisá'. Asma gaarí an gár Mungú kuungá' nusa ateét sleeme as tsuuqa kiwa ala'.