Ebrania 9:7 - Biblía Axweesantá Hhohho' ar Mungú 2004

⁷ Ala baraá matla/angwduú tsár oo heémaro, heé daraaráh a kaahamusmoó úr oo Mungú kilós. Slám inós in dah sagaáwa wák wa ale baraá kurkú wake. Slám i dahiiká tawó alé barnaxes tseere i káhh. Tseereerí gan haniis dír Mungú as inós nee as tlakweemaá muu, kudá' taa xuiiká.

Ya/abtór hho' 1977

⁷ Ala baraá matla/amgwduú tsár oo heémaaro, heé daraaráh a geeraharusmoó úr oo saaliingw kilós. Slamí in dah sagaáwa wák wa ale gawaá kurkú wake. Slám i dahiiká tawó alé barnaxes tseere i káhh. Tseereerí gan duux dír Mungú as daanduuwós nee as daanduú tlakweemaá muu, kudá' taa xuiiká.

Ebrania 9:7 Iomraidhean Croise

2 SAMUELI 6:7

AAKOÓ MUNGÚ iri buúhh, Usa guri didií slaáhh as meetagaasár aa tleéhh, Usa iri gwaá' didár kilár bihhaá sandakmoó Mungú.

2 QOM'I 33:9

Ala Manase muk Yuda nee oo Yerusalemu guna baraá tlakweemáy dahaás, tlakweema ngina tleehhiyé' ta kudaá xoordaá hatlá' ba/a, kudá' AAKOÓ MUNGÚ aa hhaamiís geeraa múk Israelír wa ale.

WARA'AMI 19:12

Ala heé dakuúsarós tsaahharo ga asláw a heemá? AAKOÓ MUNGÚ, tlakweemaá tsaahharo ni aslawaakahe gurtlawáng.

WARA'AMI 95:10

Baraá kureeraá mibeeraá tsiyahhe ana gurboo/áw as qartadá', nari oó', «Muksíng a múk aa hhitaruut baraá muner'ín, loohir'eé' ngaa gaár i xuii'iiká.»

TI'INAANGW 30:10

Aroni haraki/sa ngi tleehhi gawaá xareemaá kitangwdá' baraá kurko sagaáwa wak. Gár haraki/isa ngir tleehhi a tseerér ilahhooár tlakweema hingeesa, tidá' ta hanmiisi sagaáwa wak umuúqo kurko baraá umuúqo qarto, asma kitangwsíng ku ló'wa hhoohhoó' dír anuú AAKOÓ MUNGUHE.»

ISAYA 28:7

Múk hatlá' i deer oo aa oonimiit difaáiro, múk ta/amiít as buurár aa hamat, kaahamuusér Mungú nee aaruuseero taa oonimiít as buurár aa hamat, niri leexuutiyé' as difaái, inooín i ta/amiitiyá' as buurár aa hamat, baraá iigu'utuwo muruú aa qwaar ngun kaahiyá', nee baraá sakwasleemaro in dakumiisiyá'.

ISAYA 29:14

Gawaá adoorihe, ga/aawaak, aníng tlehhmuú waa/oo/amo u malé tleehh dír mukwí, tlehhmuú waa/oo/amo nee oo dae tlaáq. Mukdá' sageelooén iri sageeqwaar, nee daharuú mukduú daharuú koóm iri suquut.»

ISAYA 3:12

Baraá kángw muk'eene, inooín kin baramaanuus nee na/ii, nee /ameena gin sawaawuti'iín. Aá muk'eé', kuungá' tunduu qwaareemiis geeraharuuserhúng, nee loohír kuungae hariim eeharto ngin hhitiitiná'.

ISAYA 9:16

Mukdá' mukwí gwa intsaahhatimis, nguna hhitiné', tam kudá' taa geeraharahaár nee inooín sleeme tari qwaár.

HOSEA 4:12

Muk'eé' i gurbu'utá firiirín dír xa'ano. Inooín kin geeraharahaar nee iigu'utuú hhara, asma inslawoó fuqi inooín gaa qwaareés, Munguúín nguri mayé' nay fuqtá ayé'.

TLAHHOÓ LAÁWI 16:34

Gaarí an dákw hotaatiím ay alhhe'eesay wasle, a hariima kuwa eehada' nee haraki/isa kawa tlehhita' as múk Israeli ki/ima wak baraá kurko as tlakweemaaín sleémeero kiwa gurtlatlay.» Aroni muruuwí sleémeero guri tleéhh ar adoodá' AAKOÓ MUNGÚ Mose ngura hara'ayín.

TLAHHOÓ LAÁWI 5:18

Inós gwaanduú xaslxaansli wásl gun huuw dír kaahamusmo, oo alqoomá' nee kuduú ilahhooár dakuús hingeesa. Kaahamusmo haraki/isa gan tleehh as daanduú heewí as tlakweemaadá' aa tleéhh ar adór aa haraxuiiká, heewí kuri gurtláy.

AMOS 2:14

Tam mukdá' ti'ii'íngw xuú' i kotsqotiiká, mukdá' /uureemaá koóm, /uureemooín in faakiyá', tam slaqwaruuse sleeme slafingw'ín gu tu/uka.

FAARO 15:25

Kaahamusmoó Mungú haraki/isa gan tleehh as daanduú dinku'uuma sleémeero ar Israeli, inooín kiri gurtláy as dakuúsadá' ar pa/aayo, nee ilahhooar'ín ngi huwiye', ilahhooár ta da/i dír AAKOÓ MUNGÚ, nee ilahhooár tlakweema hingeesa as daanduú dakuúsadá'.

Efeso 4:18

nee fuqurangw'ín i baraá giwtír i dirii'. Inooín dir'ín i káhh baraá slafingwdá' Mungú i haniisi. Asma inooín gár i xuiya' i káhh, slám ta ilaiwa/amér konká.

Ebrania 10:3

Ala ilahhooarír hikwa kiwa tsu/i a muu gun inslawtimís tlakweemaaine umuúqo kurko.

Ebrania 6:19

Harahhifoorí a toorén. Haraxu'utirí muneerén gaa ló'wa ót as miwa qwát. Adoodá' miringamo kur baraá ma'áy ila/aa/an ar tlaa/a, as mukuwa tliw/ín nee gwaanduú ma'aay. Harahhifoorén tí alhhe'eesaywós dír kway tseék a gawaá doori, dír ira waaráhh a dír baquú baraá doó Mungú i dirií'.

Ebrania 7:27

Inós a adór kaahamuuseedár hatlaeeká. Asma inós gár hikwaá ngis tsu/i umuúqo deelooro i káhh, adoodá' kaahamuuseedá' aáng ngira hanmís. Inooín ilahhooa kana geerií hanmiís, as tlakweemaaín awa kilá', aluuwo as tlakweemaá muu. Ala inós ilahhooár wák kilós ar bu'uut qooma sleémeero gana haniís sagaáwa wák wa ale as muu sleémeero qoomár inós kilós tiwa haniís.

Ebrania 9:3

Alaá baquuwo matla/ángw hatlá' i deer, oo ta babay Didá' ak ló'wa Hhoohhoo'.