Ebrania 9:28 - Biblía Axweesantá Hhohho' ar Mungú 2004

²⁸ Adoorí an adoodár Kristo sleeme ku laqi. Inós kuna ilahhooár wa haniís sagaáwa wák wa ale as tlakweemaá múk yaariír ngiwa hingeesi. Inós nin malé ti'iit baraakaá yaamuwo sagaáwa tsár wa ale. Ala gár nis hardihi a tlakweema hingeesarooká, ala a mukdá' inós gu daamaaraám nguwa ba/amisi.

Ya/abtór hho' 1977

²⁸ Adoorí an adoodár Kristo sleeme ku laqi. Inós kuna ilahhooár wa haniís sagaáwa wák wa ale as tlakweemaá múk yaariír ngiwa hingeesi. Inós nin malé ti'iit baraaká' yaamuuwo sagaáwa tsár wa ale. Ala gár nis hardahi a tlakweema hingeesarooká, ala a mukdá' inós gu daamaaraám nguwa ba/amisi.

Ebrania 9:28 Iomraidhean Croise

ISAYA 25:9

Baalaadae muu in ooi, «Kwí an Munguúrén, inós una damraaramaán, as atén tiwa ba/amisár ay, kwí an AAKOÓ MUNGÚ kudá' naa damraaramaán, gimsé' daxta, bara/ u iimu/umaán nee qwal/uwo as ba/amarós.»

TLAHHOÓ LAÁWI 10:17

«Ahaá waáy, ilahhooár tlakweema hingeesa masa didá' hhoohhoó' wa /agi'iiká? Asma ka ló'wa hhoohhoo' Mungú ngina dirhúngí haniís as kahhó' kuungá' dakuúsár xooro kawa hingeesa', nee haraki/isa kawa tlehha' dír geeraá AAKOÓ MUNGUHE.

SEKARIA 14:5

Kuungá' a ta'aaindá' ar baraá xatstidár tla/eeraá tlom'aá tsár awa AAKOÓ MUNGÚ, a ta'aaindá' adór baabi'iihúng nira kunseelír wa ta'aainé' qoomár waawutmoó yaamaá Yuda tawa Usia, aluuwo AAKOÓ MUNGÚ, Munguúhúng niri hardah dinkwa nee mukós kudá' hhohhó'.

FAARO 18:1

AAKOÓ MUNGÚ Aroni guri bay, «Kuúng nee daaqaywók nee múk guruú doó baabuúwók dinkwa nee kuúng dakuúsár aa tleehharut didá' hhoohhooe i gawaá daandeemoohúng, ala dakuúsár aa tleehharut baraá gadiyér kahamuusi'iimaro i gawaá daanduuwók nee daaqaywók kiloohúng.

FAARO 18:23

Ala múk Laáwi kilooín an múk gadiyuús baraá heémadár Munguhe, nee dakuúsa sleémeero ar daanduú heémaadá' a daanduuín. Gaarí an dákw kumaamiít baraá qari sleémeero ar iitlawa. Múk Laáwi daqaari'iimár ta aali i káhh baraá yaamaá Israeliwo,

FAARO 7:33

nee awu wák oo batlitamo, nee gwaanduú wák, nee deelmoó gwaanda oo kurkú wák.

Matayo 20:28

Asma tam Garmoó Hee sleeme naa hardihiiká as kuwa sagadiyuusi, ala nina hardáh as muu nguwa sagadiyuusi nee slafiingós nguwa duuxi as tawa bu'utuú múk yaariír ngur tu/i.»

Matayo 25:31

«Qoomár Garmoó Hee birna hardáh ar baraá xirfuuwós dinkwa nee malayke sleémeero tidá' hhohho', inós iri iwiit gawaá kitaangós kuduú xirfuú koóm,

Matayo 26:28

Asma gaarí a tseerer'eé' ar alqado, ar ku'uut as múk yaariír as hingeemisuú tlakweema.

Yohana 14:3

Án bara tláw, barnaxes hotangwhúng ngwa amohhe'eés, ni malé kií/ as nuwa amor'eé' dahi'is, as didaádá' án ni dirii', masók kuungá' a deer.

Tlehhema'aá ya/Abuuse 1:11

Mukdá' iri oó', «Aá múk Galilaya, asma milá mas sihhimitá' tawa dooraá ga/eerá'? Yésuuwí gawaá doori tsa/a/ám ni kii/, ar adoosíng kura aandé' iwa tsa/a/an gawaá doori.»

Rumi 3:25

Mungú Yésuuwí nguna haniís, as gurtleemuú tlakweema inós nguwa múk i slay ar gwa'araarós. Hee gurtleemuuwí gun sláy bar Yesu ngwa haratlintií'. Mungú adoorí gana tleéhh as loohirós ngiwa laqan ar hee ngur gan'amií harafaari. Asma aáng Mungú tlakweemaá muu gina sa qiqtlín, baraá qartadá' aa waarahhi.

Rumi 5:15

Ala tlakweemaadá' Adam aa tleéhh nee gurtleemuudá' Mungú naa haniís a ló'wa dimbadimbé. Asma tam heewí wák, ta bay Adam, gwa'ara ngaa huwi ar tlakweemaawós dír múk yaariír i alé, ala heewí wák, ta bay Yesu Kristo, gurtleemuú yaariír oo Mungú nguna ak ló'wa huúw dír múk yaariír i alé ar loohír tsuuqaá Mungú.

Rumi 6:10

Asma inós iwa gwaá', a ina sagaáwa wák wa gwaá' as daanduú tlakweema. Nee slafingwdá' hamí ir slafi, in slaaf as Mungú.

Rumi 8:23

Ala a muruudá' taa tleéhh kiloseeká. Ala tam atén sleeme a /ifaán baraá muneerene, ateéká' Qeeru ugwa slawaan. Qeeru inós an mamaá geera awa Mungú amoorene. Atén sleeme an ló'wa haraxuaán qoomaadá' Mungú atén tiwa na/iiwós awa kilá' tleehhi, nee slaqoorén kiwa gweeri baraá lawaali'iimaro.

Rumi 8:3

Asma muruudá' hara'aya i aleesleeraaká tlehhmuuwo, muruudá' Mungú guna tleéhh. Asma hara'aya i /uuruú koondaaká, as adoodá' slaqoorén iwa tlakweemaá slaiya' tlehhmuuwo. Ala Mungú Garmaawós oo kilá' nguna ya/aáw. Inós slaqwa gari sláy ar slaqás nee tidár múk tlakweemaá koóm. Gawaá adoorihe Mungú tlakweema giri sakwasleemuút baraá slaqoorén awa tlakweemaá koomá'.

1 Korinto 1:7

Gawaá adoorihe aleesleemuú Qeeru oo aa /aaruy dirhunge i kaahh, qoomaarír Aakoorén Yesu Kristo kuwa daamaaraanda', as kuwa geehhooeesi.

1 Korinto 15:54

Ala slaqwtí hhitiruumiit qoomár bira warqeér tawa slaqwtá hhitiruutaaká, nee slaqwtí gwagwa'aam qoomár bira warqeér tawa slaqwtá gwagwa'aamaaká, daqaní axweesantí Gooi i kat aa bó/, tí kah, «Gwa'ara kaa guú/, arba/ati kaa sláy.»

1 Tesalonike 1:10

nee Garmaawós Yesu kuwa daamaraanda' gawaá doorí alé, kudá' Mungú aa waasle/atís baraá múk aa qaátl wa ale. Yésuuwí an kudá' atén ti ba/amís baraá sakwasleemaadá' sangw hardaha.

2 Tesalonike 2:1

Ala hám daxta, hháe, gár ni axwees a daanduú kángw hardahamuú Aakoorén Yesu Kristowo, nee adoodá' atén tar dír geeraawós i burumburiitaan, atén kuungá' nun firiimaán,

2 Timoteo 4:8

Nee hám daxta gár aa met a slamangwduú gan'amu kunguwa tseegi, oo taa aníng wa amohhe'eés, kudá' Aako ni haniisi Baldae. Inós a sakwasleemusmoó ganaá'. Ala heé slamaangwí gu sláw a aníng kiloeeneeká, ala tam kudá' sleémeero hardahamuuwós ngu harahhiifá' ar qwala/.

Tito 2:13

qoomár boo/emisuú harahhifoorén kuwa daamaaramaan. Harahhifo an tí, Munguúrén oo úr nee Ba/amusmoorén Yesu Kristo nin hardah ar baraá xirif.

Ebrania 1:14

Gawaá adoorihe malayke sleémeero a qeeru. Inooín kaa ya/aáw nee Mungú as mukdá' ba/ama ga sláw nguwa sagadiyuusiya'.

Ebrania 10:10

Yesu Kristo tidá' sleémeero Mungú aa slaá' gana tleéhh. Gawaá adoorihe atén sleémeero taa hamaátl as adoodá' Yesu Kristo slaqwtós ngiwa ilahhooár wa haniís sagaáwa wák wa ale.

Ebrania 12:14

Wayda leeleehhaak, tawa hota' ar wayda nee muu sleémeerowo. Nee hhoohhooeema leelehhitaak, asma heé Mungú gu ár i kaahh, hhoohhooeema bir kahhiyá'.

Ebrania 2:3

Gawaá adoorihe atén sakwasleemaro adór tar /uwaan a adoomá, bar ba/amár ur ar adór tí a gaárií xuanaaká. Ba/amarí geeraawo kana alki/iít nee Aako inósuú kilá'. Nee aluuwo kingiri diréní lamabu'ún nee mukdá' gaa dír Aakoó wa axaas adór tar ló'.

Ebrania 4:15

Asma atén kaahamusmoó úr oo Mungú oo ta koomaan, atén ti gurtleemuú wa ara'ar baraá liitlakweerene. Asma inósuú kilá' kuna iiara'ár adór atén wa aleeró baraá mura' sleémeerowo, ala tlakweema gaa tleehhiiká.

Ebrania 5:9

Gawaá adoorihe inós kuri bu'uutiís nee Mungú. Bu'uutisaro kuwa hhe'eés, inós tari heé ba/amár alhhe'eesay wásl ngaa huuw dír mukdá' sleémeero inós ngu iialooemisa'a.

Ebrania 7:27

Inós a adór kaahamuuseedár hatlaeeká. Asma inós gár hikwaá ngis tsu/i umuúqo deelooro i káhh, adoodá' kaahamuuseedá' aáng ngira hanmís. Inooín ilahhooa kana geerií hanmiís, as tlakweemaaín awa kilá', aluuwo as tlakweemaá muu. Ala inós ilahhooár wák kilós ar bu'uut qooma sleémeero gana haniís sagaáwa wák wa ale as muu sleémeero qoomár inós kilós tiwa haniís.

Ebrania 9:25

Slám Kristo inós aa darahiiká daqtá yaariire as tiwa haniisi, adoodá' kaahamusmoó úr oo Mungú ir dararahi umuúqo kurko ar tseerér hikwaá ilahhooa.

1 Petro 2:24

Kristo inósuú kilá' tlakweemaarén gina gagaár ar gawaá slaqwtós ay gawaá msalaába, as kahhó' atén tawa adór múk aa qaatl baraá tlakweemaawo, nee slám atén masók a múk slaáf baraá gan'amuuwo. Kuungá' tunduri hungu/uús as inkahhi'iidá' inós aa sláy.

1 Petro 3:18

Tam Kristo sleeme ina gwaá' as tlakweema. Ina gwaá' sagaáwa wák wa ale as tlakweema sleémeero. Inósuudá' gan'amuú koóm kuna slahh'eemiís as mukdá' gan'amuú koomaaká, as inós atén tiwa huwi amór Mungú. Slaqwtós kana gaás, ala kuri waaslee/atís ar Qeeru.

2 Petro 3:12

qoomár deeloodár Mungú kawa daamaraanda' nee kawa harakeemisa'. Ala deeloodá' bál binda hardát, doori asla gi ót nay weeqiyá', nee tam tsatse/ i weeq as asla.

1 Yohana 3:2

Sla'aaruúse, daxta atén a na/aá Mungú, ala adór aluuwo ta laqaan hamírihe naa gehhoouuriiká, ala tí a xuaán Yesu bir na wayaá', atén a adór inós tleehhitaán. Asma un araán adoodá' inósuú kilá' i dirii'i.

1 Yohana 3:5

Kuungá' a xuá' adór Yesu kungura geehhooatís tlakweema ngiwa hingeesi, asma inós i tlakweemaá konká.

Yuda 1:21

Kuungá' kumiité' baraá sla'aarír Munguhe, nee slafíngw alhhe'eesay wásl kuwa daamaaraanda', kudá' Aako Yesu Kristo ni haniisi ar gurtleemuuwós.

Geehhoeemaá 1:7

Qaytsiít, inós ni hardah ar baraá huunkáy. Umuúqo heewo guri ar ar ila', tam mukdá' inós gwa mutin sleeme guri ar. Nee muu sleémeero oo baraaká' yaamu iri /aa/amín ar gurhaami as inós. Eeít, adoorí an adoodá' tleehharuut. Amin.