Ebrania 9:26 - Biblía Axweesantá Hhohho' ar Mungú 2004

²⁶ Asma geera barnaxes a adoorí, geera Kristo gár kuwa hariím a gwa'araarós gan inkaakii/ daqtá yaariire iimír yaamu kiwa tleéhh. Ala hamí qoomaarír alhhe'eesaywo inós nina hardáh baraaká' yaamu sagaáwa wák kilós as tlakweema ngiwa hingeesi ar gwa'araarós, tiwa kilós ilahhooár wa haniís.

Ya/abtór hho' 1977

²⁶ Asma geera barnaxes a adoorí, geera Kristo gár kuwa hariím a gwa'araarós gan inkaakii/ daqtá yaarire iimír yaamu kiwa tleéhh. Ala hamí qoomaarír alhhe'eesaywo inós nina hardáh baraaká' yaamu sagaáwa wák kilós as tlakweema ngiwa hingeesi ar gwa'araarós, tiwa kilós haniís ilahhooár wa ale.

Ebrania 9:26 Iomraidhean Croise

2 SAMUELI 12:13

Naagáy Daudi Natani guri báy, «AAKOÓ MUNGÚ ugwa tlakweemií tleéhh.» Natani iri oó', «AAKOÓ MUNGÚ tlakweemaawók gaa gurtláy, kuúng a gwa'aká.

2 SAMUELI 24:10

Alaá Daudi muu faaroro nguwa hhe'eés iri slahhaá' baraá muunaáwose. Gawaá adoorihe, Daudi iri oó' dír AAKOÓ MUNGÚ, «Ar tlehhmuuwí naa tleehhi, tlakwemaá ur iga tleéhh. Ala hamí AAKOÓ MUNGÚ, án kuúng u harhheehhe'eés, aníng gurtlawáng, anuú sagadiyusmoowók daktu'uuma aga tleéhh.»

YOBU 7:21

Ahaá baré dakuúsar'eé' a gurtlatleeraaká, nee tlakweemaaeé' mis hingeemamiská. Hamír kilae aníng ti qaatiis baraá /aanta, kuúng aníng iri leeléhh iri aandaaká.»

WARA'AMI 103:12

Adór da/aáw nee /uwa kir harasawén, an adoodá' tlakweemaarén ngira kwaáhh giri saweés direne.

ISAYA 2:2

Adoorí an adór deelór alhhe'eesaywo tleehharuut. Tloomár Doó AAKOÓ MUNGÚ ka gawdees tlom'i sleémeero ba/a, nee kari gáwtí tlees tlom'aá hatlá' ba/a, nee xoordu sleémeero ngiri i daqayá'.

DANIELI 10:14

Aníng nina hardáh as uwa alee/iis gár mukók gu slaw de'emaá hi'iita'a kawa tsahh, asma iigu'utuú taa aán a daanduú muruú aluú wa hardáh.›

DANIELI 9:24

«Afiqoomár wiikadaá mibeeri faanqw, kaa qaás as mukók nee daanduú gixsarók tidá' hhoohhoo' as dakuús kawa faaki, tlakweema kiwa gurtlay, nee gan'amuú alhhe'eesáy wasle kunguwa huwi iigu'utu nee aaru'uuma kiwa dugunó i qaasi, nee didá' ló'wa hhoohhoo' kawa di/tí qaasi.

MIKA 4:1

Ala qoomár alhhe'eesáy birna xeér, tloomadá' taa Doó AAKOÓ MUNGÚ i tleéhh, ka gawdees, nee kari gáwtí tleerees ta tlom'aá hatlá' sleémeero. Xoordaá amoodá' kakaawá' hhay i tsatitiiká.

Matayo 13:39

Wakusmoodá' aa dahaasin a Neetlaangw. Bu'uungw a alhhe'eesoó yaamu. Nee mukdá' bu'uúm a malayke.

Matayo 13:40

Ala adoodá' sla/a kar burumburaarin nee kari daa/ baraá asla, an adór bál deelór alhhe'eesoó yaamuwo tleehharuut.

Matayo 25:34

«Waawutmo mukduú bartá dákw doó /iyáy guri bay, ‹Qwalaasé', kuungaásingá' Baabuúeé' aa tsuúq. Waawuti'iimadá' iimír tlehhmuú yaamuwo taa amohhe'eés as kuungá' aalaak.

Yohana 1:29

Bál tsár Yesu iwa amór Yoháné kay, kuri ár nee Yohane. Yohane iri oó', «Ga/aawaak Deelmoó bee/i oo Mungú, kudá' tlakweemaá muu gi hingeemiís.

Yohana 17:24

«Baabá, kuká' kuúng naa hanís, gár ni slaa', masók i dinkwa nee aníng didá' án ni diriia. Nee xirfuudá' naa aní hanís nguwa ga/aya'. Asma án kuúng ina slá' iimír yaamu kiwa tleehhiiká.

1 Korinto 10:11

Muruuwí ina tleehharuút as tawa slaqsaay, nee kuri gooín as atén tiwa intsaahhatisi. Asma qoomaarí atén tay diriiaan a qoomár alhhe'eesoó yaamu.

Galatia 4:1

Gár án ni kah a tí, aaliitmo qoomár tawa na/aay a dimbeheeká nee lawaalmoowo, tam mura' sleémeero a kose.

Efeso 1:10

Sla'aarirós iimír aange a mura' sleémeero nguwa haragaasi ar baraá Kristo, kuduú baraá yaamu nee oo gawaá dooriwo, qoomaadá' bál bira bó/, Kristo tay saga.

Efeso 5:2

Hooté' ar sla'aari, adoodá' Kristo atén tira slaá', tiri kilós haniís kuwa gaasi as atén, ilahhooár Mungú wa ale, nee tawa ilahhooár ta da/i, ar mooyángw tsuú' koom.

Tito 2:14

Inósuú kilá' slafiingós nguna haniís as daandeemoorén, as atén tiwa ba/amisi baraá tlakweema sleémeerowo, nee atén tiri múk hhohhó' tleehh, nee tawa mukós kudá' tlehhema'aá hhohho' ngi tlehhiitá' ar ilakaaharu.

Ebrania 1:2

Ala de'emaarén kuká' alhhe'eesayhe ina dirén i axweés ar loohír Garmaawós, kudá' aa aaliitmoó mura' sleémeero wa qaás, slamí mura' sleémeero guna baraá inós ar tleéhh.

Ebrania 10:10

Yesu Kristo tidá' sleémeero Mungú aa slaá' gana tleéhh. Gawaá adoorihe atén sleémeero taa hamaátl as adoodá' Yesu Kristo slaqwtós ngiwa ilahhooár wa haniís sagaáwa wák wa ale.

Ebrania 10:12

Ala Kristo ilahhooár wák kilós gana haniís as tlakweema. Ilahhooarí an tidá' hoot ay alhhe'eesay wasle. Adoorí tleehhamooro ngiwa hhe'eés, iri iwiít bihhaá dákw /iyáy oo Mungú.

Ebrania 10:26

Atén xu'uti barnaxes aga slawaán daanduú looeemaawo, aluuwo tlakweemaá fahhaari kiri malé tleehhaán, ilahhooár ta gaasi ar tlakweemaadá' gi hingees i káhh daqaní.

Ebrania 10:4

Asma tseerér awe nee ar gurtaawe tlakweema hingeesaro gi baloó aleesleeraaká.

Ebrania 4:3

Ala ateéká' aga haratlintiiaan, atén a dahaán baraá hungu/umaadá'. Asma Gooi kángw hungu/umaaká gu kát, «Aníng aga buúhh, lo'o ngiri /aay niwa kah, ‹Mukwí i baloó dahiiká baraá hungu/umaaeene.› » Mungú adoorí gana oó', tam gadiyeérós sleémeero ngaa hhe'eesi iimír yaamu kiwa tleéhh.

Ebrania 7:27

Inós a adór kaahamuuseedár hatlaeeká. Asma inós gár hikwaá ngis tsu/i umuúqo deelooro i káhh, adoodá' kaahamuuseedá' aáng ngira hanmís. Inooín ilahhooa kana geerií hanmiís, as tlakweemaaín awa kilá', aluuwo as tlakweemaá muu. Ala inós ilahhooár wák kilós ar bu'uut qooma sleémeero gana haniís sagaáwa wák wa ale as muu sleémeero qoomár inós kilós tiwa haniís.

Ebrania 9:12

Slám inós aa dahiiká baraá heéma i alé ar tseerér gurtaawe nee ar damaay, ala ina dáh sagaáwa wák kilós didár hhoohhoó' i alé ar tseereerós ar kilá'. Gawaá adoorihe ba/amár alhhe'eesay wasl gana tleéhh.

Ebrania 9:14

xáy, tseerér Kristo tí ga ló'wa bá/áke? Asma inós tina kilós haniís dír Mungú ar /uuruú Qeeruú alhhe'eesay wásl as tawa ilahhooár xaslxaansli wasl. Tseereerós muneerén ga hamátl nee tlehhema'aá slafíngw kooma'aaká, as masók atén Munguúdá' slaáf kuwa sagadiyuusaan.

1 Petro 1:20

Gaarí an gár inós kusa tsawaár nee Mungú iimír yaamu kiwa tleehhiiká, nee hamí baraá deeloorír alhhe'eesaywo kuna geehhooeés as kuungá'.

1 Petro 2:24

Kristo inósuú kilá' tlakweemaarén gina gagaár ar gawaá slaqwtós ay gawaá msalaába, as kahhó' atén tawa adór múk aa qaatl baraá tlakweemaawo, nee slám atén masók a múk slaáf baraá gan'amuuwo. Kuungá' tunduri hungu/uús as inkahhi'iidá' inós aa sláy.

1 Petro 3:18

Tam Kristo sleeme ina gwaá' as tlakweema. Ina gwaá' sagaáwa wák wa ale as tlakweema sleémeero. Inósuudá' gan'amuú koóm kuna slahh'eemiís as mukdá' gan'amuú koomaaká, as inós atén tiwa huwi amór Mungú. Slaqwtós kana gaás, ala kuri waaslee/atís ar Qeeru.

1 Petro 4:7

Alhhe'eesoó mura' sleémeero aa nakaá/. Gawaá adoorihe kuungá' masók a múk ti ila/aám nee múk dalaá', as kahhó' kuungá' tawa múk Munguú firiiriím.

1 Yohana 3:5

Kuungá' a xuá' adór Yesu kungura geehhooatís tlakweema ngiwa hingeesi, asma inós i tlakweemaá konká.

1 Yohana 3:8

Heé tlakweemaá tlehhaahhiít oo Neetlaangw, asma Neetlaangw i qaroó tlakweemaá tlehhaahhiit iimír iimu/uungo. Garmoó Mungú kunguna geehhooatís, as gadiyér Neetlaangw ngiwa hhitin.

Geehhoeemaá 13:8

Muu sleémeero oo baraá yaamuú wa hoót makiito'oodá' ka i tumbarara'aat, kudá' umer'ín taa gooiniká baraá kitaábuuduú slafiingw iimír iimu/úngw yaamuwo. Kitaábuuwí oo slafiingw oo Deelmoó bee/i, kudá' taa gaás.

Geehhoeemaá 17:8

Makiito'oodá' taa aán inós geeraawo i deer, ala hamí i káhh. Nee inós i ti'ít baraá bohongwdá' aa tsarere'eét wa ale, nee iri tleér amór qwanaay. Nee múk baraá yaamuú wa hoót, kwí umer'ín taa gooinká baraá kitaábuú slafiingw iimír yaamu kiwa tleehhiiká, inooín ta waa/oo/ qoomár makiito'oodá' bar kaa ár. Asma makiito'oorí geeraawo i deer, ala hamí i káhh, nee aluuwo i hardát.