Ebrania 9:14 - Biblía Axweesantá Hhohho' ar Mungú 2004

¹⁴ xáy, tseerér Kristo tí ga ló'wa bá/áke? Asma inós tina kilós haniís dír Mungú ar /uuruú Qeeruú alhhe'eesay wásl as tawa ilahhooár xaslxaansli wasl. Tseereerós muneerén ga hamátl nee tlehhema'aá slafíngw kooma'aaká, as masók atén Munguúdá' slaáf kuwa sagadiyuusaan.

Ya/abtór hho' 1977

¹⁴ xáy, tseerér Kristo tí ga ló'wa bá/áke? Asma inós tina kilós haniís dír Mungú i alé ar /uuruú qeeruú alhhe'eesay wásl as tawa ilahhooár xaslxaansli wasl. Tseereerós muneerén ga hamátl nee tlehhema'aá slafíngw kooma'aaká, as masók atén Mungúdá' slaáf kuwa sagadiyuusaan.

Ebrania 9:14 Iomraidhean Croise

2 SAMUELI 4:11

Xáy, hamí heé tlaákw bar heé gan'amuú koóm ngwa gaás gawaá qatnírí ale dír do'ós, xáy, i gana'káhe dír'eene marmaárí ngiwa buu'. Asma tseere gaa ku'uús as heedaadá' nguwa gaás, guri hingeés baraá yaamuwo.»

2 WAAWITÁ 19:16

Aá AAKOÓ MUNGÚ, kuúng qaytsitáng, iia qaaseek niqayduú Senakeribu Munguú slaáf nguwa niqin axaaseek.

YOBU 15:16

Hee nee slasla/aruuwose nee hhituru'uumarose mi máy. Heé qo tlakweema dirose adór ma'aá wahaangw.

WARA'AMI 51:2

Iringér'eene hamaatla hhe'eesáng. Tlakweemaeene hhehhe'eesáng, án hhoohhooeesáng.

TI'INAANGW 12:5

Deelmoohúng kwisíng oo bee/i masók i xaslxaanslír konká, gwaanduú kurkú wák un sleerá' laqaá gurta.

ISAYA 42:1

Ga/aawaak, sagadiyusmooeé' kudá' naa /uurií qaás, kudá' naa tsawaár, kudá' muunaáeé' gwaa qwal/aas. Qeeruueé' ugwa baraawós i qaás. Inós xoordu gin sakwasleemár ganaá' i huuw.

ISAYA 53:9

Kuna foól dinkwa nee tlakuuse, baraá gwa'araro i dinkwa nee daqaare, tam handá' sagagawduú aa tleéhh i kahhi, tam sleeme afkose /aysantá aa tsaát i kahha.

ISAYA 57:15

Asma adoorí an adoodá' kuduú gáwtí dirií', kudá' xiríf, kudá' hotaatiím ay alhhe'eesay wasle, kudá' umuuwós ta bay Oo hhoohhoó' i kaahi, «Aníng dír ni hoot a didá' gáwtí dirii', didá' hhoohhoo', slam a dinkwa nee kudá' aa hhu'uu'un, nee oo tsatsaa'aár baraawose. Asma kahhó' qeereemaá múk tsaén ngiwa slafis nee munér mukdá' aa hhu'uu'un ngiwa slafis.

ISAYA 61:1

Aakoó MUNGÚ, aníng iga hatsiís qeeruuwose, asma AAKOÓ MUNGÚ iga tsawaár, as ya/abtór hho' ngiwa alki/iit dír narkuute. Inós iga ya/aáw kudá' naa munesi'iye' ngiwa gurkwa/as. Iga ya/aáw as kángw gweermo nguwa oo' dír kudá' taa tsegiít, nee ilaá taampu niwa qaytiya'.

YEREMIA 10:10

Ala AAKOÓ MUNGÚ an Munguú ló', a Munguú slaáf, waawutmoó alhhe'eesay wásl, bira buúhh yaamu in daaraxaatiyá', xooro buhhtaawós saqitluuwo gi aleesleeraaká.

ESEKIELI 45:18

«Anuú Aakoó MUNGÚ a kah, Bál slahhángw geera tawa wak awuú xaslxaansli wásl gaasaak as didár hotaaeé' kawa hhohhoeesa'.

DANIELI 6:26

Hara'aya aga qaás as muu sleémeero baraá waawuti'iimar'eene, Munguú Danieli kuwa da'ayumiti nee kuwa ilaiwawa/i. «Asma Munguúwí an Munguú slaáf, kudá' hotatiím kureerisleém, waawuti'iimarós ka baloó hhitinká, waawuti'iimarós i alhhe'eesoó koondaaká.

TLAHHOÓ LAÁWI 22:20

I baloó ya/aandaaká gár xaslxaanslír koom kawa haniisi, asma i kuungá' wa hariindaaká.

FAARO 28:11

«Umuúqo iimu/úngw slahhaango, AAKOÓ MUNGÚ ilahhooár da/a/aangw ti hanmise', awér tsár ar batlaay, nee gwaanduú wák, nee gwaandaawér ninakw faanqw ar kurkú wák, ar xaslxaansli wasl.

FAARO 28:3

«Ki beer, ilahhooadá' ni dir'eéní hanisa' ar asla a tí, deeloó tsár oo gwaandaawe oo kurkú wák oo xaslxaansli wásl, oo ni hanimisa' umuú baalaaro.

FAARO 28:9

«Ilahhooár ta hanisa' bál deelór Sabaátoro a deeloó tsár oo gwaandaawe oo kurkú wák oo xaslxaansli wásl, nee ilahhooár balaangw oo kílo tsár ar puuruú natsaatsaá' oo taa aleedoók nee di/i, nee ilahhooár muruú wahaangw.

Matayo 12:28

Ala aníng bar neetlaamér duxuúm ar Qeeruú Mungú, waawuti'iimár Mungú naa qaroó amorhúng i hardát.

Matayo 16:16

Simon Petro iri oó', «Kuúng a Kristo, Garmoó Munguúdá' slaáf.»

Matayo 20:28

Asma tam Garmoó Hee sleeme naa hardihiiká as kuwa sagadiyuusi, ala nina hardáh as muu nguwa sagadiyuusi nee slafiingós nguwa duuxi as tawa bu'utuú múk yaariír ngur tu/i.»

Matayo 7:11

Ala bar kuungaásingá' tlakw muruú hhó' u xuá' kuwa na/iihúng i hanmisa'. Xáy, Baabuúhúng oo gawaá doorí dirií' i ak waaraáhhiíke muruú hhó' nguwa haniisi dír kudá' inós ngu firiiriima'a.

Luka 1:74

nee tiwa gweeri baraá dabaá wakuuseerene, nee kuwa sagadiyuusaan ar dae wasle,

Luka 12:24

Xwaa'aro ga/aawaak, i dahasiindaaká, slám i bu'uundaaká, quuroó i koon i kaahh, tam kuuntáy sleeme. Ala Mungú ga /aymiis. Kuungá' tundun ak afhhamít ta tsir/ooro.

Luka 12:28

Ala bar Mungú /ayór yaamaá tawór wa ti'imiit gan tsiitimiis, ar laarí dáw nee matlo kari kwaahh gawaá ufuú xwaansláy, xáy, kuungá' nu ak tsiitiísiíke? Kuungá' mustundu haratlintaao niiná.

Luka 4:18

«Aako aníng iga Qeeruuwós i haniís, asma inós aníng iga tsawaár, Ya/abtór hho' ngiwa alki/iit dír narkuute. Iga ya/aáw amór múk baraá tseegamo as kángw gweermor'ín nguwa ooár aw, nee taampu iwa malé qaytsitiya', nee kudá' ta slahh'eemisi ngiwa amohhooár i haniis,

Yohana 3:34

Asma heé Mungú naa ya/aáw, kángw i axweesi oo Mungú. Asma Mungú Qeeruú hhoohhoó' gu haniisiiká ar qoomeemes.

Tlehhema'aá ya/Abuuse 1:2

ay qoomaadá' inós kuwa ar tláy gawaá doori. Qoomaadae inós ya/abuuseerós tidá' aa tsawaár gana hara'ayiiyín ar /uuruú Qeeruú hhoohhoó' oo Mungú.

Tlehhema'aá ya/Abuuse 10:38

Kuungá' kángw Yesú Nasareti u xuá', adór Mungú ngura Qeeruuwós oo hhoohhoó' i haniís nee /uuru. Inós ina hi'iimiít umuúqo diiro, gadiyér hho' gari tlehhiít, nee muu sleémeero guri hungu/uumiís, kudá' Neetlaangw aa slahh'eemiís. Asma inós nee Mungú a dinkwa.

Tlehhema'aá ya/Abuuse 14:15

«Múlqe, kuungá' gár adoorí kas tlehhita' a milá? Atén a múk adór kuungá'. Atén kuungá' nuna Ya/abtór hhó' ií huwaán, as kuungá' tawa warqeera' baraá muruuwí tlakwe, Munguúdá' slaáf kuwa i warqeera', kudá' doori nee yaamu nee tlawi gaa tleehh, nee muruudá' baraadií diriia sleémeero.

Tlehhema'aá ya/Abuuse 15:9

Mungú barqaanti gaa tleehhiiká dír tla/angwrén nee inooine. Tlakweemaaín gina gurtláy asma inooín sleeme taa haratlintií'.

Rumi 1:20

Aleesleemuú Mungú oo alhhe'eesay wásl, nee munguiimarós, muruuwí hee gu ariiká ilaawo. Ala tam adoorihe muruuwí aa geehhooúy iimír Mungú yaamu ngiwa tleéhh. Asma tlehhemi'iiwós kudá' aa tleéhh muruuwí ngwa laqaaqané'. Gawaá adoorihe gár tar tlaanki i káhh.

Rumi 1:4

Slám inós ku hhoohhoó' adór Mungú wa ale, asma inós an Garmoó Mungú. Gaarí kaa laqán qoomár inós kuwa waasle/atís baraá múk aa qaátl wa ale.

Rumi 11:12

Huu'umaá múk Israeli tsuuqaá yaariir ngaa huwiyé' dír múk baraá yaamu sleémeerowo. Nee as adoodá' múk Israeli iwa /aarúy, múk xoordaá hatlá' tsuuqa gay sláy. Ala gawaá adoorihe, faarór múk Israeli bira bó/, tsuuqa daqaní ki ak ló'wa ur.

Rumi 11:24

Asma kuungá' múk xoordaá hatlá' tunduna gawaá xa'anoó sla/atá wa tsaát, tunduri haátl gawaá xa'anoó taa dahaás. Múk Yahudi a adór haleemiidá' kilá' awa xa'anoodá' taa dahaás. Ala a gár ak inslaahh haleemiidá' taa tsaát kiwa ki/isi gawaá xa'anoodá' i dahhiya', ta haleemiidá' xa'anoó sla/ato.

Rumi 6:13

Nee slám kuungá' slaqoohúng mi hanmiisara' as kiwa ar gadiyuusi nee tlakweema, tawa adór xooslár tlehhma'aá ganaa'a'aaká. Ala kuungá' ti kiloohúng hanise' dír gadiyér Mungú i alé, as kuungá' Mungú kuwa sagadiyusa' ar slaqoohúng, slaqoohúng tawa adór xooslár tlehhma'aá ganaa'á'.

Rumi 6:22

Ala hamí, kuungá' bar tunda gweér baraá lawaali'iimár tlakweemaawo, nee tunduri lawaalér Mungú tleéhh, gár ta sleera' a muruudá' hhoohhooeesár huwahuúw. Nee alhhe'eesaywós a slafíngw alhhe'eesay wásl un sleerá'.

1 Korinto 15:45

Adoorí an adoodá' Gooi i kat sleeme, «Heeduú geera, Adam, inós kuna slaqwtá slaáf i haniís.» Ala Adamuduú alhhe'eesaay inós aa Qeeru tleehhiít, kudá' slafíngw hanmiís.

2 korinto 5:21

Heedaádá' tlakweemaá xuaaká, Mungú heedaádá' guna tlakweema tleéhh as atén, as atén tiwa gan'amií harafaari dír geeraá Munguhe ar loohír inós.

2 korinto 6:16

Slám Doó Munguú nee munguaá hatlá', adór tir slaslaya' a adoomá? Asma atén an Doó Munguú kudá' slaáf. Asma Munguú ina oó', «Aníng a baraaín wa hoót, nee nay baraá tla/angw'ín wa hi'iimiít. Aníng tari Munguúín, nee inooín tari muk'eé'.»

Galatia 2:19

Asma aníng hara'aya iga qaroó gás. Gawaá adoorihe amór hara'aya eeharto aníng a heé aa gwaa', as kahhó' niwa slaaf dír Munguhe. Aníng taa qaroó alkikií' nee Kristo gawaá msalaába.

Efeso 2:5

asma inós atén tina slafís dinkwa nee Kristo, qoomár atén tawa múk aa qaatl baraá muneerene as tlakweemaarén. Gár tundusa ba/amís a gurtleemuú Mungú.

Efeso 5:2

Hooté' ar sla'aari, adoodá' Kristo atén tira slaá', tiri kilós haniís kuwa gaasi as atén, ilahhooár Mungú wa ale, nee tawa ilahhooár ta da/i, ar mooyángw tsuú' koom.

DABE 15:21

Ala barnaxes sleesíng ka garkár wa /aár, laqaá toqoori, laqaá taampa, ma ilahhooár wa gaasaar dír AAKOÓ MUNGÚ, Munguúwók.

DABE 17:1

«Awuú toqoormo laqaá bee/ír toqoori mi ilahhooár wa tsu/aar dír AAKOÓ MUNGÚ, Munguúhúng, asma ilahhooár adoorí AAKOÓ MUNGÚ, Munguúhúng ga waak.

DABE 31:27

Aníng a xuú' adór kuungá' tar múk sage gawdén nee oo aa dee/anuut. Hamí qoomár aníng niwa slaaf kuungá' AAKOÓ MUNGÚ ugwa ahhé', xáy, daqaní ma meerá' qoomár aníng bara gwaá'!

DABE 33:27

Munguú iimu/ungw wásl an dír guwaywók. Dabaawós kudá' alhhe'eesay wasl un loohisiyá'. Inós wakuuse gan geerawók wa guus, i kaahi, ‹Hhaamiseek.›

DABE 5:26

Xáy, a hee gaalá oo Munguú slaáf gwa axaás oo baraá tla/ángw asltá wa axweés, adoodá' atén kura axasaán nee tay hotaán?

1 Tesalonike 1:9

Asma muu inooín awa kilá' kangwhúng ngu alki/iitiyá', adór kuungá' atén tira ilaoté', nee adór kuungá' munguiihúng kira geexeeré', tari amór Mungú i warqeeré', as Munguúdá' slaáf oo ló' kuwa sagadiyusa',

1 Timoteo 1:17

Waawutmoó alhhe'eesay wásl kudá' baloó gwaa'aaká, kudá' geehhooeeká, inós kilós an Mungú. Ilaiwa/ame a tós nee xirif a kós ay alhhe'eesay wasle. Amin.

1 Timoteo 3:15

Ala tam adoorihe aníng binda tliík hardahamuwo, kuúng masók adór umuúqo heewo kuwa hariím hotaango baraá dinkwár múk Munguhe a xú'. Dinkwaarí an múk kríshaanáy, inooín an uhmo nee iihhafiirír looeema.

Tito 2:14

Inósuú kilá' slafiingós nguna haniís as daandeemoorén, as atén tiwa ba/amisi baraá tlakweema sleémeerowo, nee atén tiri múk hhohhó' tleehh, nee tawa mukós kudá' tlehhema'aá hhohho' ngi tlehhiitá' ar ilakaaharu.

Ebrania 1:3

Inós an miiraa/ór xirfuú Mungú, nee an slaqsoó Munguú kilá'. Inós mura' sleémeero gun amohhe'eemaamiis ar axweesantós tidá' aleesleemuú koom. Tlakweema hamaatlaro ngiwa hhe'eés, iri iwiít dákw doó /iyáy oo Munguú Aleesleemusmo gawaá dooriiwo.

Ebrania 10:10

Yesu Kristo tidá' sleémeero Mungú aa slaá' gana tleéhh. Gawaá adoorihe atén sleémeero taa hamaátl as adoodá' Yesu Kristo slaqwtós ngiwa ilahhooár wa haniís sagaáwa wák wa ale.

Ebrania 10:12

Ala Kristo ilahhooár wák kilós gana haniís as tlakweema. Ilahhooarí an tidá' hoot ay alhhe'eesay wasle. Adoorí tleehhamooro ngiwa hhe'eés, iri iwiít bihhaá dákw /iyáy oo Mungú.

Ebrania 10:2

Ala geera bar ngi aleesleér, geera alók inooín ilahhooadá' kaa qaroó máy hanmisuuwo. Asma mukdá' ilahhooár makaay ga hanmiís, geera barnaxes tlakweemaaín kaa qaro hamaátl sagaáwa wák wa ale, geera alók tlakweemaá hamaatlár sla'á' i kahhiyá' baraá muner'ine.

Ebrania 10:22

Tlakweemaá muneerén kaa hamaátl, nee muneerén kaa hhoohhooeés. Slám slaqoorén kaa hamaátl ar ma'aá hhohho'. Gawaá adoorihe atén Mungú ku haratseewuwaán ar haratlintaaór ló', ar xure wasl.

Ebrania 11:21

Yakobo i haratlintaaór kón. Qoomár inós gwa'ara ngiwa áy, na/aá Yosefu giri tsuúq tsaraawo, ságw hhartós guri i tlintií', iri Munguú sluufmiís.

Ebrania 13:12

Gaarí an gár Yesu kusa gaás dír tsee/aá afkú gixsár i alé, as kahhó' muu nguwa hhoohhooeesi ar tseereerós ar kilá'.

Ebrania 3:12

Hhaee'eé', ti harmagahhe'. Tam heé wák baraá tla/angwhunge miwa deeruút oo muuná tlaákw nee oo haratlintaao wásl, tam iri qwaar as Munguúdá' slaáf nguwa geexáy.

Ebrania 6:1

Gawaá adoorihe intsaahhasadá' sleémeero ar iimu/uuma daanduú Kristowo masók an alií geexawaán, nee tari geerií kumiitaán baraá intsaahhasadá' hee gu kwa/as baraá slafíngw qeeruuwo. Atén a sla'aanaaká intsaahhasadár iimu/uuma kawa malé inki/aan, tidá' hee iwa hhu'u'un nee tlehhma'aá slafa'aaká ngiwa may, nee Mungú nguwa haratlintii'i;

Ebrania 7:16

Inós gár kusa kaahamusmoó wa qaás a hara'ayár mukooká, tidár daanduú tlahhaay. Ala gár kusa kaahamusmoó wa qaás a /uuruú slafingwdá' baloó warqawaaká.

Ebrania 7:27

Inós a adór kaahamuuseedár hatlaeeká. Asma inós gár hikwaá ngis tsu/i umuúqo deelooro i káhh, adoodá' kaahamuuseedá' aáng ngira hanmís. Inooín ilahhooa kana geerií hanmiís, as tlakweemaaín awa kilá', aluuwo as tlakweemaá muu. Ala inós ilahhooár wák kilós ar bu'uut qooma sleémeero gana haniís sagaáwa wák wa ale as muu sleémeero qoomár inós kilós tiwa haniís.

Ebrania 9:12

Slám inós aa dahiiká baraá heéma i alé ar tseerér gurtaawe nee ar damaay, ala ina dáh sagaáwa wák kilós didár hhoohhoó' i alé ar tseereerós ar kilá'. Gawaá adoorihe ba/amár alhhe'eesay wasl gana tleéhh.

Ebrania 9:26

Asma geera barnaxes a adoorí, geera Kristo gár kuwa hariím a gwa'araarós gan inkaakii/ daqtá yaariire iimír yaamu kiwa tleéhh. Ala hamí qoomaarír alhhe'eesaywo inós nina hardáh baraaká' yaamu sagaáwa wák kilós as tlakweema ngiwa hingeesi ar gwa'araarós, tiwa kilós ilahhooár wa haniís.

Ebrania 9:7

Ala baraá matla/angwduú tsár oo heémaro, heé daraaráh a kaahamusmoó úr oo Mungú kilós. Slám inós in dah sagaáwa wák wa ale baraá kurkú wake. Slám i dahiiká tawó alé barnaxes tseere i káhh. Tseereerí gan haniis dír Mungú as inós nee as tlakweemaá muu, kudá' taa xuiiká.

Ebrania 9:9

Gaarí a slaqsaay oo qoomaarí ga laqaqaám. Gídaabárós a tí: Qeemuú ta hanmiisi dír Mungú i alé ar loohirí, nee hikwaá ta ilahhooár wa tsu/i munér mukdá' sluufmiís hhoohhooeesaro ngi aleeslay'aaká.

1 Petro 1:19

Ala gár kuungá' tundura tlaáxw a tseerér afhhamít ar Kristo, kuduú adór deelmoó bee/i, oo slasla/areeká, oo xaslxaansli wásl.

1 Petro 2:22

Inós tlakweemaá aa tleéhh i kahhiyá', slám lama afkose gaa baloó ooiiká.

1 Petro 2:24

Kristo inósuú kilá' tlakweemaarén gina gagaár ar gawaá slaqwtós ay gawaá msalaába, as kahhó' atén tawa adór múk aa qaatl baraá tlakweemaawo, nee slám atén masók a múk slaáf baraá gan'amuuwo. Kuungá' tunduri hungu/uús as inkahhi'iidá' inós aa sláy.

1 Petro 3:18

Tam Kristo sleeme ina gwaá' as tlakweema. Ina gwaá' sagaáwa wák wa ale as tlakweema sleémeero. Inósuudá' gan'amuú koóm kuna slahh'eemiís as mukdá' gan'amuú koomaaká, as inós atén tiwa huwi amór Mungú. Slaqwtós kana gaás, ala kuri waaslee/atís ar Qeeru.

1 Petro 4:2

Gawaá adoorihe qoomár aa meti baraá slafingwhúng oo baraakaá yaamuwo, kuungá' gár tunduwa hariím an hotá' ar sla'aarír Mungú kawa tlehha', ala ma hootara' ar ilatleerír muu kawa eeharahada'.

1 Yohana 1:7

Ala barnaxes atén a baraá gwa/aateemaá wa hootaán, adoodár inós ir baraá gwa/aateemií dirii'i, daqaní atén an kiloorén dinku'uumisaán, slám tseerér Garmaawós Yesu, tlakweemaarén sleémeero gin hamátl.

1 Yohana 3:5

Kuungá' a xuá' adór Yesu kungura geehhooatís tlakweema ngiwa hingeesi, asma inós i tlakweemaá konká.

Geehhoeemaá 1:5

Nee amór i dahhiya' sleeme a amór Yesu Kristo. Inós an lamabu'usmoó inkihhím, nee slám inós an heé geera oo naa waaslee/ baraá múk aa qatli. Nee a waawutmoó waawitá sleémeero baraá yaamuwo. Inós atén tin slaa', nee tina gweér baraá lawaali'iimár tlakweemaá wa ale ar tseereerós.

1 SAMUELI 17:26

Daudi mukdá' dír bihhiwósií tseéw guri yaahaás, «Xáy, heé heewuú múk Filisti ngwa gaas, nee oo múk Israeli ngwa tuu/ baraá murekesoó adór kwihe, heewí gár kwi tleehhi? Heewuú Filisti inós a heemá, bar sleeme an heé ta al/utliiká, iwa qiitli slawtá múk hhohhó' oo Mungú kudá' slaáf ngiwa adoorír niqin.»