Ebrania 9:10 - Biblía Axweesantá Hhohho' ar Mungú 2004

¹⁰ Asma hara'ayár loohirí an hara'ayár tlehhema'aá slaqo kilós, daanduú muruú /ayma nee wahaangw nee hamtlór slaqwa. Hara'ayaarí kana oó' ay dír qoomaadá' Mungú loohír /aben ngi qaasi.

Ya/abtór hho' 1977

¹⁰ Asma hara'ayár loohirí an hara'ayár tlehhema'aá slaqo kilós, daanduú muruú /ayma nee wahaangw nee hamtlór slaqwa. Hara'ayarí kana duúx ay dír qoomaadá' Mungú loohír /aben ngi qaasi.

Ebrania 9:10 Iomraidhean Croise

TI'INAANGW 29:4

«Daqaní Aroni nee daaqaywose ki húp ay dír afkú heémár Mungú, ki hamátl ar ma'aay.

TI'INAANGW 40:12

«Aluuwo Aroni nee daaqaywose ngi húp ay dír afkú heémár Mungú, daqaní inooín ki ma'ár hamátl.

ESEKIELI 4:14

Aníng nguri báw, «Aá Aakoó MUNGÚ! Aníng taa baloó meetagaasiiká as tuua ngiwa /aay, laqaá gár makiito'ór sla/a aa ót, laqaá tam fu'unaá makaá slasla/aren iga /ayiiká iimír tawa na/oó niiná.»

TLAHHOÓ LAÁWI 13:58

Ala tlawuú taa hiriít laqaá oo taa tleéhh, laqaá tlawuú kaahari oo umuúqo daa'awto oo deeirós aa fak alaá kuwa hhuúnts, tlawuú adoorí aqo kun malé hhuunts sagaáwa tsare, as iwa hhoohhoouy.»

TLAHHOÓ LAÁWI 16:24

Iri didá' hhoohhoó' wa hamtlín nee tlabaawós giri dahaas, iri ti'iit, ilahhooarós ar da/a gari haniis, nee ilahhooár da/a ar múk Israeli, as haraki/isa ngiwa tleehhi as inós nee as muu sleémeero.

TLAHHOÓ LAÁWI 16:4

«Iri hamtlín ar ma'aay, tlabaá hhohho' giri tsiit. Iri dah didá' hhoohhoo' naa qaroó tsiitín tlabaawós kudá' hhohhoe: Hiyoó hhoohhoó' oo taa tleéhh ar kitaáni ngun dahaas daanduú suruwánidár kitaánír wa ale, nee hiyaydá' tleér oo kitaáni ngwa qaroó dahaás, nee tla/aangose himuú kitaáni ngwaa tseék.

TLAHHOÓ LAÁWI 22:6

heedaádá' i baraá meeta ay tsiindo. I hariindaaká muruú /aymár hhohhó' nguwa /ayi, ay dír i hamtlin.

FAARO 6:3

Heewí difaái mingiwa wáh, laqaá buura, difaáír qarqaar mingiwa wáh, laqaá tam ar ado gaala, mamaá sabiíbu mingiwa /aáy, kudá' naa hamaariye' laqaá tam kudá' kaaharen.

Marko 7:4

Tam barta baraá boo/oó daahh, ta /ayinaká ay dír ti hamtlin. Nee muruú hatlá' sleeme oo taa dir'iní hara'ayín kun tlehhaahhiit, adór slooqi'i kiwa hamtliti, nee hutli'i, nee xooslár taa tleéhh ar muqslár sirda/aten.

Galatia 4:9

Ala hám daxta kuungá' Mungú ugwa xué', laqaá an oo', hám daxta kuungá' Mungú naa xuú'. Kuungá' adór tara ki/é' a adoomá baraá /uuruú muruudá' liitlakwén nee oo /uuruú koomaaká? Asma gár kuungá' ta sla'a' a lawaali'iimár muruudá'.

Efeso 1:10

Sla'aarirós iimír aange a mura' sleémeero nguwa haragaasi ar baraá Kristo, kuduú baraá yaamu nee oo gawaá dooriwo, qoomaadá' bál bira bó/, Kristo tay saga.

Efeso 2:15

Qoomár wakaari ngiwa hingeés, an qoomaadá' dabe ngiwa hingeés dinkwa nee hara'ayaro, ar slaqwtós. Gawaá adoorihe baraá mukwí tsaraawo heé /abén oo wák guri tleéhh ar baraawós. Wayda guri tleéhh ar adoorí.

DABE 21:6

Qoomár damaadá' bar kaa isa geeqáy baraá duxuudá', bariise sleémeero ar gixsadá' iisaapoó tuuadá' i dirii', dabaaín ngi hamaatliye' gawaá daanduú damaadá',

DABE 23:11

Ala tsiindo birna xayé' i hamtlin ar ma'aay, nee looa bira dát i ki/i baraá guruú xafi.

Kolosai 2:16

Gawaá adoorihe kuungá' ma ya/aamara' as hee nuwa tawó sakwasleemuuti as muruú /ayma nee muruú wahaangw, laqaá as deelór uren, laqaá as deelór slahhaangw niwa ti'iít, laqaá as deelór Sabaáto.

Ebrania 10:22

Tlakweemaá muneerén kaa hamaátl, nee muneerén kaa hhoohhooeés. Slám slaqoorén kaa hamaátl ar ma'aá hhohho'. Gawaá adoorihe atén Mungú ku haratseewuwaán ar haratlintaaór ló', ar xure wasl.

Ebrania 13:9

Kuungá' intsaahhasár dimbadimbé ar hatlá' munduwa paslís baraá loohír ganaa'a. Asma gár muneerén ga gawdees a tsuuqaá Mungú, ala a hara'ayár dimbadimbeheeká ar daanduú muruú /ayma. Asma mukdá' hara'ayaarí gaa eehaar, alee/isoó taa sláy i kaahh dír hara'ayaarihe.

Ebrania 2:5

Kángw diirihe ta axweesaan oo yaamuudá' xaawá'. Mungú yaamuudá' gaa dabaá malaykér i qaasiiká as ngiwa sa waawuti'ii'iin.

Ebrania 6:2

nee intsaahhasár daanduú baatiísmo nee ar dákwií qaasa; nee i intsaahhasár daanduú waasle/ nee sakwasleemár alhhe'eesay wasl.

Ebrania 6:5

axweesantá Mungú kari tsaáq adór kar hhoó', nee /uuruú yaamuudá' xaawá' kuri tsaáq.

Ebrania 7:12

Asma kahamuusi'iima bira warqeér, hara'aya sleeme gár kawa hariím aqo in warqeér.

Ebrania 7:16

Inós gár kusa kaahamusmoó wa qaás a hara'ayár mukooká, tidár daanduú tlahhaay. Ala gár kusa kaahamusmoó wa qaás a /uuruú slafingwdá' baloó warqawaaká.

Ebrania 9:1

Alqadoodár geera i dabeerós koón gawaá daanduú sluufaaywo. Slám dír hhoohhoo' ar baraakaá yaamu i deer.