Ebrania 9:1 - Biblía Axweesantá Hhohho' ar Mungú 2004

¹ Alqadoodár geera i dabeerós koón gawaá daanduú sluufaaywo. Slám dír hhoohhoo' ar baraakaá yaamu i deer.

Ya/abtór hho' 1977

¹ Alqadoodár geera inós i dabeerós koón gawaá daanduú saaliingo. Slám dirós tidá' hhoohhoo' ar saaliingw i deer ar taa tleéhh nee muu.

Ebrania 9:1 Iomraidhean Croise

TI'INAANGW 25:8

Inooín dír hotaaeé' ngi tleehhiye', as kahhó' niwa baraá tla/angw'ín wa hoot.

ESEKIELI 43:11

Bar mure ngaa ariyé' gawaá daanduú tidá' inooín naa tleehhiyé', daqaní ki ádbeér adoodá' Doó Mungú kura tleéhh, afér dahama nee ar ti'inaango, nee adoodá' kura tleéhh, nee adoodá' umuú gaaro kara qoomeés, dabeerós nee kaahirose. Tí sleémeero ka gooiín as kahhó' inooín dabeerós nee kaahirós sleémeero ngiwa eehariya' nee ngiwa iialooeesiya'.

TLAHHOÓ LAÁWI 18:30

«Gawaá adoorihe daber'eé' sleémeero oohaak, muruudá' slasla/arén ta waki mu aleealuusara', kudá' taa geeraahúng wa tleéhh nee mukdá' yaamu gaa geerahúng wa hoot, kuungá' miti slasla/areesara' ar tlehhmi'iidá'. Asma aníng an AAKOÓ MUNGÚ Munguúhúng.»

TLAHHOÓ LAÁWI 22:9

«Kaahamuusér Mungú gár kawa hariím a hara'ayar'eé' ngin oohiyá', as kahhó' tlakweema mingiwa tleehhiyé' nee kiri didá' hhoohhoóí tsuu/. Aníng a AAKOÓ MUNGÚ, kudá' inooín gaa paraatl.

FAARO 9:12

Muruú /aymaadá' miwa meét ay matlaatle, tam fartós makawa geeqáy. Dabér Pasaáka sleémeero ka oohi ar adoodá' i diri',

Luka 1:6

Inooín tsaraawo a múk hota ganaá' dír geeraá Munguhe, hara'ayár Aako sleémeero kana óh, nee axweesantós adoodá' ir hariin.

Rumi 9:4

Inooín a múk Israeli. Kina harafadiít tawa na/aá Mungú. Inooín xirfuú Mungú nguna ariyé'. Slám Mungú gina alqadoorós i haniís, nee hara'ayaaro. Nee slám dabér saalíngw Doó Mungú kana amor'ín i haniís, nee al'axweesantá Munguhe.

Kolosai 2:8

Ti harmagahhe', hee munduwa naáxw ar axweesanaywós oo tawo oo gaa wásl oo al/ayma. Asma axweesanaydá' amór naa daáhh a amór unuú muu, a amór Kristoowooká.

Ebrania 8:13

Diirihe Mungú kángw alqadór /aben gwa axweés. Gawaá adoorihe gár i laqaqaan a alqadoodár geera ina diín. Ala gaa barnaxes aa qaruúr, nee aa diín, gadaádá' qwanaywo aa naká/.

Ebrania 8:2

Inós an kaahamusmoó úr oo Mungú. Dír iwa gadiyuusi an didá' ak hhoohhoo', baraá heémaadár ló', tidá' hee aa tleehhiiká ala Aako gana tleéhh.

Ebrania 8:7

Alqadoodár geera barnaxes i dakuúsár koondaaká, geera alók alqadór hatlá' gár kas leelehhiiti nee Mungú i káhh.

Ebrania 9:24

Asma Kristo aa dahiiká baraá doó hhoohhoó' i alé, oo taa tleéhh ar dabaá muu. Asma do'wí taa tleéhh ar daba', an slaqsoó do'duú kilá' oo hhoohhoó'. Ala inós ina dáh gawaá dooraá kilá', as hamí iwa dír geeraá Mungú i dirii'i.