Ebrania 8:9 - Biblía Axweesantá Hhohho' ar Mungú 2004

⁹ Alqadoorí a adór tidár aangeeká, tidá' naa alqadiím dír baabi'iihúng, qoomár ngiwa duúx ar dakw'eé' baraá yaamaá Misrír wa ale. Asma inooín alqador'eé' kaa eeharahariiká. Gawaá adoorihe aníng inooín ngiri máw sadaawimituuwo. Axweesanaywí Aako guna káh.

Ya/abtór hho' 1977

⁹ Alqadoorí a adór tidár aangeeká, tidá' naa alqadiím dír baabi'iihúng, qoomár ngiwa duúx ar dakw'eé' baraá yaamaá Misrír wa ale. Asma inooín alqador'eé' kaa eeharahariiká. Gawaá adoorihe aníng inooín ngiri máw sadaawimituuwo. Axweesanaywí Aako guna káh.

Ebrania 8:9 Iomraidhean Croise

IIMU/UUNGW 19:16

Naxés Loti i hhawahhaaw, naagáy malaykeedá' Loti guri dawa ót, nee dákw hareerós nee dabaá dasuuwós kudá' tsár, ar adór AAKOÓ MUNGÚ ngura gurtláy, kuna duúx baraá gixsaro.

YOBU 8:20

Qaytsiít, Mungú heé tlakweemaá koomaaká gu si'iiká. Sleemé múk tlákw gu alee/isiiká.

WARA'AMI 105:43

Mukós guri duúx ar bara/, mukós oo aa tsawaár guri duúx ar daa'ángw qwala/.

WARA'AMI 77:20

Mukók una geerahát adór daqtá bee/ángw wa ale, ar dákw Mose nee Aroni.

WARA'AMI 78:57

Ala inooín nina alií ki/iyé', tari al/aymuuse adór taati'ii'ín wa ale, tari warqáy adór ga/alér waatlaarmoowós aa sololo'oot.

TI'INAANGW 32:8

Naa qwaariyé' ar gaanslaay, loohidá' aníng ngay hara'ayiím ngaa mayé'. Inooín taa damár taa kwahhuút i tleehhiyé', ngay sluufmisiyé', nee ilahhooár muruú ta tsu/i ngiri hanmiisiyé', tawa kaahi, ‹Aá Israeli, gaarí an munguiirén, kudá' atén taa baraá yaamaá Misrír wa duuxiye'.› »

TI'INAANGW 34:10

AAKOÓ MUNGÚ iri oó', «Ga/aaweek, aníng hamí alqado a tleéhh. Muruú waa/oo/amo oo aa baloó tleehharutiiká baraá xoorduwo, laqaá tam baraá yaamu sleémeero u tleéhh dír ilaá muk'eé' sleémeero wa ale. Nee muu sleémeero, kudá' nee kuúng alhootá', gadiyér AAKOÓ MUNGÚ gari ar, asma gár waa/oo/amo ngi kuúngií tleéhh.

DAA'AANGW 8:5

A heemá heewí baraá darmuú daáhh? Slám aa tlintií' gawaá sla'aaruso'oorós. Dír gamuú xa'anoó tofá'aro, aníng kuúng una tleés, didá' handá' aayoorók asltá xwayla ngiwa eér. Eeít, didá' handá' aayoorók uwa laqwál.

ISAYA 40:11

Daqtós gan /aymiis adór de'eemusmoó wa ale, nee deeloó bee/aangw gun gawaá dabaawósií oh, giri gawaá da/eewawósár loohiis, bee/ángw du'umiís idaahharo gun tseegiis.

ISAYA 41:13

Asma anuú AAKOÓ MUNGÚ, Munguúwók, dakók oo doó /iyáy un óh, nee aníng kuúng un babaw, ‹Ma da'ayumitaar, aníng kuúng u alee/iís.›

ISAYA 51:18

Baraá tla/ángw daaqaywók sleémeero oo taa laqwali oo gixsarí gaa geerahaar i kaahh, oo gaa dawa oh i kaahh baraá daaqaydá' aa urarayi.

ISAYA 63:9

Baraá slahh'amaayer'ín sleémeero inós kuna slahh'eemiís, nee malaykamooduú dír geeraawós inooín gina ba/amís ar sla'aarirose nee ar gurtleemuwose inooín gina gweér. Iimír aange inooín gina loohiís nee gina gagaraarín.

YEREMIA 31:32

Alqadoorí nee tidá' naa oó' dír baabi'ii'ín qoomár ngiwa duúx baraá yaamaá Misriro ti slay'aaká. Alqadoodá' ngina si'iyé', tam aníng dir'ine a adór aakooine. Anuú AAKOÓ MUNGÚ tí ngina oó'.

WA/AA/I 4:16

AAKOÓ MUNGÚ, inósuú kilá' gina diyaá/, gi sangw male i qaytsimitiiká, kaahamuuse ka sangw malé ilaiwa/iiká, tam bariise ka gaárí xuuiiká.

ESEKIELI 16:59

«Eeít, anuú Aakoó MUNGÚ an káh, Kiír Yerusalemu, adoodá' tawa hariin ngi kiíng i tleéhh. Kiíng lo'oodá' taa /ák aga waaqá', nee al'axweesantadá' aga meér.

ESEKIELI 16:8

«Niwa malé kií/ nari bihhaawók ar waaraáhh iri ár, qoomaadae a dasír /amaatliito'o ar duuxo gaa eer. Iri tsiitiís ar tlawuueé', /aankwetsuuwók nguri luú/. Aníng nee kiíng al'axweesantá duuxo kari qaasaán as kiíng tawa harer'eé'. Anuú Aakoó MUNGÚ tí aga oó'.

AMOS 5:22

Qoomár kuungá' ilahhooár da/a nee ar balaangw bir ngaa hubé', aníng a ilaohaaká, makaydá' naa wahhaditiye' kuungá' naa ilahhooár waydú wa hubé', aníng i sla'aaká.

MALAKI 2:13

Tí sleeme an tlehhitá', kitangwduú ilahhooa, un tuntukuundá' ar hhirhheeri, nee ar /aa/e, nee ar /ifo, asma ilahhooarhúng gan sangw ilaoohiiká ar qwala/.

Marko 8:23

Yesu heeduú taampa guri dawa óh, gurira ti'iít baraá gixsaro, guri ila' i tsuúq, guri dabaawós i qaás, guri yaahaás, «A xumísa daxta?»

Tlehhema'aá ya/Abuuse 13:11

Ga/aaweek, dákw Aako hám i gawaawók i dirii', nee kuúng a taampút, tsee/amá u aandaaká ay qoomarka.» Hamtidár kilae giwti nee ma/ami guri qiptís, iri harweerirín as heé gu gan'aamiís nguwa leelehhiiti.

Tlehhema'aá ya/Abuuse 7:36

Kwí an kudá' inooín nga duux, layu gina tlehhiít nee muruú waa/oo/amór koóm baraá yaamaá Misriro, nee baraá tlawtá Shamú wa ale, nee baraá xaanxaay, ar har kureeri mibeeri tsiyáhh.

Tlehhema'aá ya/Abuuse 9:8

Saulo niwa yaamuú wa tláy, iwa qaytsiít, naxés ilaawós i xumiisiaaká. Mukdá' nee inós ti alkoomá' guri dawa óh, guri huúw ay Damasko.

Galatia 4:24

Muruuwí aa tleehharuut a slaqsaay. Asma /ameenaarí tsár a adór alqadaá tsár. Ar wák amór ni dahh a amór tloomár Sinai, nee na/aá i laqwaliin a lawaale. Tí an Hagari.

DABE 29:1

Kaangwí an axweesanoó alqadór AAKOÓ MUNGÚ oo Mose nguwa hara'ayín nguwa tleehhi dinkwa nee múk Israeli, qoomár tawa baraá yaamaá Moabu i dirii'i, dinkwa nee alqadoodá' AAKO MUNGÚ aa tleehhi dír tloomár Horebu wa ale.

DABE 29:12

Kuungá' a diirí as lo'o kawa /aga' ar tawa data' baraá alqadór AAKOÓ MUNGÚ, Munguúhúng laarí.

DABE 29:25

Naagáy muu iri ooi, ‹Asma inooín alqadór AAKOÓ MUNGÚ ngina mayé', Munguú baabi'ii'ín kudá' alqado gaa tleehh qoomár inooín ngiwa baraá yaamaá Misrír wa duúx,