Ebrania 8:6 - Biblía Axweesantá Hhohho' ar Mungú 2004

⁶ Ala hám daxta gadiyér kahamuusi'iima tidá' Yesu aa sláy, ka ló'wa hhoo' ta tooine. Sleeme alqadoodá' Yesu aa tleéhh tla/ángw Mungú nee muko ka ak hhoo' ta tidár geeraawo, asma alqadoorí kaa qaás gawaá al'axweesantá ak hhoo'.

Ya/abtór hho' 1977

⁶ Ala hám daxta gadiyér geeraharu'uumár saaliingw, tidá' Yesu aa sláy, ka ló'wa hhoo' ta tooine. An adoodá' alqadoodá' inós aa tleéhh, sleeme ka ak hhoo' ta tidár geeraawo, asma alqadoorí kaa qaás gawaá al'axweesantá ak hho'.

Ebrania 8:6 Iomraidhean Croise

YEREMIA 50:5

Loohír gixsár Siyonír kaw kari yaahaas, amooqaqae gur'er'ín nga amoodá' xu'usiyé' tawa kaahi, ‹Qwalaas, ti haragwaa'aán nee AAKOÓ MUNGÚ baraá alqadoodá' alhhe'eesay wasl, tidá' baloó gunqarutaaká.›

Luka 22:20

Alaá /aymaaro xooslmoó wahaangw guri adoodár óh sleeme, iri oó', «Gár baraá xooslmoowí a alqadór /aben tidá' Mungú aa tleéhh ar tseerer'eé', ar taa ku'uús as kuungá'].

Rumi 9:4

Inooín a múk Israeli. Kina harafadiít tawa na/aá Mungú. Inooín xirfuú Mungú nguna ariyé'. Slám Mungú gina alqadoorós i haniís, nee hara'ayaaro. Nee slám dabér saalíngw Doó Mungú kana amor'ín i haniís, nee al'axweesantá Munguhe.

Efeso 2:12

Slám inslawaak qoomaadae kuungá' tunda paraátl dír Kristowo. Asma kuungá' a múk Israeliwooká. Nee baraá alqadoodár Munguhe kuungá' a kahhá', tam baraá al'axweesantadá' taa haragaasi nee alqadoodae. Kuungá' tawa hoté', a harahhifór koonda'aaká, slám Mungú u koonda'aaká baraá slafingwhúng oo baraakaá yaamuwo.

1 Timoteo 2:5

Asma Mungú a wak. Nee har'ohusmo a wak sleeme, kudá' har'ohiím tla/ángw Mungú wa ale nee muu. Inós a hee, Kristo Yesu.

Tito 1:2

nee sleeme as harahhifór slafíngw alhhe'eesay wásl kawa slay, kudá' Mungú aa qaroó geerií al'axweés iimír iimu/uungo, Mungú lama ga ooiiká.

Ebrania 12:24

Kuungá' ana hardaté' dír Yesu. Inós an harki/isusmoó alqadoodá' /aben. Tam tseereerós tidá' hhoohhooeemiis i ak axwés ta tseereedár Abeliwo.

Ebrania 7:22

Gawaá adoorihe alqadoorí ka ló'wa hhoo' ta tidár aange, as adoodá' Yesu tawa lamabu'usmoowós.

2 Petro 1:4

Gawaá adoorihe tam al'axweesanoó urén nee oo afhhamít ugwa slawaán ar xirfuuwós nee /uuruuwós. Kuungá' al'axweesanaywí bura haratlintié', hhitiru'uumár baraaká' yaamu daqaní ilagowto a aleesleerá', nee tlehhmuú munguiima u sleerá'.