Ebrania 8:5 - Biblía Axweesantá Hhohho' ar Mungú 2004

⁵ Inooín gadiyeé ngin tleehhiyá'. Gadiyér'ín tidá' an adór slaqsaay nee hhaantamo oo muruú gawaá doori. Gawaá adoorihe inooín an adór Mose. Asma Mose heéma ngiwa tleehhamór wa slaá', Mungú guna báy, «Ga/aaweek, umuúqo gaaro tleehheek ar adór slaqsaydá' tinda kuúngií laqán gawaá tloomár wa ale.»

Ya/abtór hho' 1977

⁵ Inooín gadiyeét ngin tleehhiyá'. Gadiyér'ín tidá' an adór slaqsaay nee hhaantamo oo muruú gawaá doori. Gawaá adoorihe inooín an adór Musa. Asma Musa heéma ngiwa tleehhamór wa slaá', kuna hara'ayín nee Mungú gídaabá, “Ga/aaweek, umuúqo gaaro kawa tlehh ar adór slaqsaydá' taa kuúng i laqán gawaá tloomár wa ale.”

Ebrania 8:5 Iomraidhean Croise

1 QOM'I 28:12

Daudi adoodá' do' ngur slai tlehhmuuwo gay laqán, nee afeenír doó AAKOÓ MUNGUHE, nee kutuwoó xoosla kay babaatsi, nee oo peésaadá' taa paraátl as Mungú ki babatsi.

1 QOM'I 28:19

Tí sleémeero waawutmo gana gwa/aateés ar gooi, adoodá' kura geerahaár nee AAKOÓ MUNGÚ, gadiyeérí sleémeero i tleehharut ar adoodá' kara qoomeés.

TI'INAANGW 25:40

Magaáhh umuú gaaro tleehheek ar slaqsoó tidá' taa gawaá tloomár wa aán.»

TI'INAANGW 25:9

Kuúng heémár Mungú an tléhh ar xosluuká' sleémeero ar slaqsaywí ni kuúng i laqaqaam.»

TI'INAANGW 26:30

Daqaní kuúng heémadá' tleehhamooro a aleesleér ar slaqsoó tidá' naa kuúng i laqaám gawaá tloomaro.

TI'INAANGW 27:8

Kitanguú ilahhooa ku tléhh ar peehháy, masók i guruú kón ar adoodá' kara aán gawaá tloomaro.»

FAARO 8:4

Adoorí an adór kitangwduú tsaa'aso kura tleéhh nee heé sahaábu kwahhooro gu xuú'. Iimír baráy wa tleemu ay dír /ayoorós kana tleéhh nee heé kwahho ga xuú', ar adór slaqsaydá' AAKOÓ MUNGÚ aa laqán dír Mose.

Matayo 2:12

Inooín Mungú giri gurbuú' ar baraá tlata as mindiwa dír Herodér ki/iyé'. Inooín tari waátl ar loohír hatlá'.

Tlehhema'aá ya/Abuuse 7:44

«Baraá xaanxaywo baabi'iirén heémár lamabu'uungw ngi koná'. Mungú tina geehhoeés dir'ín i aleeró ar baraá heémadá'. Heémadá' kana tleéhh ar adoodá' Mungú ngira hara'ayín dír Mose, nee ar slaqsaydá' Mungú aa laqán dír Mose.

Kolosai 2:17

Asma mura' sleémeero oo adór kwí a geehhaantamoó tawo oo kudá' hardáh. Ala gár kilá' an Kristo.

Ebrania 10:1

Hara'ayár Mose a geehhaantamoó tawo oo muruudá' hhó' oo hardáh, ala a muruudá' oo kil'eeká. Asma hikwaá ilahhooa kin adoodár tsu/aa/ín umuúqo kurko. Ala gawaá loohír adoorihe hara'ayár Mose muu boo/eesaro gu aleesleeraaká, kudá' ilahhooadá' ga hanmamiís.

Ebrania 11:7

Noa a heé haratlintaaór koóm. Inós kuna gurbuú' nee Mungú daanduú muruú hardáh oo geetlaákw qoomaadae. Adoodá' Mungú aa oó' gari ilaiwawaá/, miringamo guri tleéhh as múk do'ós nguwa ba/amisi. Múk aa haratlintii'iiká kuna sakwasleemuút as haratlintaaoorós. Inós gan'amu guri sláy as haratlintaaoorós.

Ebrania 12:25

Ala qaytsité', Yésuudá' nee kuungá' axweesá' mu siaara'. Asma mukdá' Mungú gwa sii' iiárií qaasaro, qoomár iwa axweés baraá yaamu ar afór Mose, mukdá' aa ba/anká. Ala atén adór tar ba/aman a adoomá, barnaxes kudá' gawaá doorí wa axweés ugwa siaán?

Ebrania 13:10

Atén kitángw ilahhooa u koomaán. Kaahamuusér Mungú, tidá' gadiyuus baraá heémár wa ale, i harina'aaká muruuduú gawaá daanduú kitangwrén kwí nguwa /ayiya'.

Ebrania 9:9

Gaarí a slaqsaay oo qoomaarí ga laqaqaám. Gídaabárós a tí: Qeemuú ta hanmiisi dír Mungú i alé ar loohirí, nee hikwaá ta ilahhooár wa tsu/i munér mukdá' sluufmiís hhoohhooeesaro ngi aleeslay'aaká.

YOSHUA 22:28

Atén kawa xuaán geeraawo bar kangwdá' kunga atén báy, laqaá tam kwaa xwaylarén ar hi'iít báy, daqaní atén tari ooaan, ‹Ga/aawaak slaqsaywuú kitángw ilahhooa oo AAKOÓ MUNGÚ, kudá' baabi'iirén naa tleehhiyé', ala kwí ku ilahhooár wa da/aa/anká, tam ku ilahhooár muruú ta tsuú/ wa haniisiiká, ala gár kusa tleéhh a as tawa laya tla/ángw atén nee kuungá'.›

Geehhoeemaá 15:5

Alaá muruuwihe niri qaytsiít, Doó Mungú nguri ár, kuwa gweér. Do'wí a heémadár lamabu'uungw, tidár gawaá doorií dirii'.