Ebrania 8:2 - Biblía Axweesantá Hhohho' ar Mungú 2004

² Inós an kaahamusmoó úr oo Mungú. Dír iwa gadiyuusi an didá' ak hhoohhoo', baraá heémaadár ló', tidá' hee aa tleehhiiká ala Aako gana tleéhh.

Ya/abtór hho' 1977

² Inós an geeraharusmoó úr oo saaliingw. Dír iwa gadiyuusi an didá' ak hhoohhoo', gídaabá baraá heémaadár ló', tidá' Aako aa tleéhh. Slám a gár hee aa tleehhiiká.

Ebrania 8:2 Iomraidhean Croise

TI'INAANGW 25:9

Kuúng heémár Mungú an tléhh ar xosluuká' sleémeero ar slaqsaywí ni kuúng i laqaqaam.»

TI'INAANGW 28:1

«Kuúng Móse, tláw hhiyaawók Aroni nee daaqaywós Nadabu, nee Abihu, nee Eleasari nee Itamariwo paraatleek dír xoorór Israeliro, as tawa kaahamuusér aníng i sagadiyuus.

TI'INAANGW 28:35

Aroni hiyaysíng ngu dahamiisi a qoomár bir gadiyeérós ar kaahamusi'iimár tleehh, nee afór mitingaraydá' ka axamiis qoomár bira dáh dír geeraeéní ale, nee qoomár bir ti'iimiit daqaní inós ku gaasiiká.

TI'INAANGW 33:7

Mose alhotaariro heémaadá' hhoohhoo' gana kikií' amorqá' saáw i ale dír xafaywo. Umuú heémaadá' guri báy a Heémár Mungú. Nee umuúqo heewo oo axweesantá koóm nee AAKOÓ MUNGÚ in amoodá' i hardah, didá' saaw dír xafaywo.

Luka 24:44

Aluuwo Yesu giri báy, «Kaangwí a kudá' naa káh qoomár niwa dinkwár i dirii' nee kuungá', niwa káh tidá' sleémeero taa gooín daanduueén i alé, baraá hara'ayár Mosewo, nee baraá gooír aaruuseero, nee baraá Wara'amto, gár iwa hariin aqo in bó/ sleémeero.»

Rumi 15:8

Án kuungá' nun baw Kristo aa sagadiyusmoó múk Yahudi tleehhiít, as ngiwa laqan adór muruudá' Mungú aa oó' tar ló'. Inós al'axweesantadá' aa dír baabi'iirén i oó' ga boo/ees.

2 korinto 5:1

Asma atén a xuaán heémaarén tí tawa hootaan baraaká' yaamuwo, bira hhitirút, atén do' u koomaán gawaá dooriwo, kudaádá' Mungú aa tleéhh. Do'wí a doó alhhe'eesay wásl, oo taa tleehhiiká ar dabaá muu.

Kolosai 2:11

Sleeme kuungá' nee inós tawa aldinku'uumisé' tunduna al/utlín, ala ar al/utlór slaqwtooká, ala aqo ar al/utlodár Kristó kilá', slaqwtahúng tidár tlakweema kawa hingesé'.

Ebrania 10:11

Umuúqo kaahamusmoó Munguhe gadiyeérós gan tlehhahhiit umuúqo deelooro ar ilahhooadár muruú ta tsu/i ngiwa hanmaamisi umuúqo daqto. Ala ilahhooarí tlakweema hingeesaro gi baloó aleesleeraaká.

Ebrania 10:21

Atén kaahamusmoó úr u koomaán, oo múk doó Mungú sleémeero gu ga/áw.

Ebrania 11:10

Asma Abrahamu gár i haraxui, a gixsadá' Mungú aa geerií aldakuút as ngiwa tleehhi, nee gari tleéhh, gixsadá' iihhafiirír hhoo' ga koom.

Ebrania 9:1

Alqadoodár geera i dabeerós koón gawaá daanduú sluufaaywo. Slám dír hhoohhoo' ar baraakaá yaamu i deer.

Geehhoeemaá 21:3

Aníng afór ur ngiri axaás ar baraá kitangwduú aleesleemuú daahh. Afoorí i kat, «Ga/aawaak, hotángw Mungú dír i dirii'i a dír tla/ángw muu. Inós iri hoot tla/angw'ín wa ale, nee inooín tari mukós. Nee Mungú inósuú kilá' tari dinkwa nee inooín.