Ebrania 8:1 - Biblía Axweesantá Hhohho' ar Mungú 2004

¹ Gár ak ur baraá muruuwí taa axweesani a tí, atén kaahamusmoó úr oo adoorí hamí u koomaán. Inós aa iwiít dákw doó /iyáy oo kitángw aleesleemu oo Munguúduú aleesleemuú koóm dooriwo.

Ya/abtór hho' 1977

¹ Gár ak ur baraá muruuwí taa axweesani a tí gídaabá, atén geeraharusmoó úr oo saaliingw oo adoorí hamí u koomaán. Inós aa iwiít dákw doó /iyáy oo kitángw aleesleemu oo Mungúduú aleesleemuú koóm oo gawaá doori.

Ebrania 8:1 Iomraidhean Croise

1 QOM'I 29:11

Aá AAKOÓ MUNGÚ, uraay a kók nee /uuru nee xirif nee baaliro nee aleesleemuuwo. Asma umuú gaaro ar gawaá dooriwo, laqaá ar baraá yaamu a tók. Waawuti'iima a tók, kuúng taa xirfayeés nee tu úr dír umuú gaaro.

YOBU 37:22

Gwa/aateemaá kaloó hhoohhoó' oo sahaábu na bihhaá /iíkwár ti'iitiyé', Mungú kwaa harweér nee xirfuú de'e tlaáq.

WARA'AMI 104:1

Muunaáeé', AAKOÓ MUNGÚ diidi'iimiseek! AAKOÓ Munguúeé', kuúng tu ló' wa úr! Xirif nee aleesleemuwo ugwa tuuntukiyé'.

WARA'AMI 110:1

AAKOÓ MUNGÚ iri oó' dír Aakooeé', «Iwiít bihhaá dakw'eé' oo doó /iyáy, ay dír wakuuseerók ngay qaas baraá tsa/aá ya'aawók.»

WARA'AMI 145:12

as muu kuwa xu'utisi daanduú tlehhmi'iiwók kudaádá' uren, nee xirfuú waawuti'iimarók.

WARA'AMI 21:5

Xirfuuwós ku úr asma kuúng una alee/ís, kuúng una iiatleerés kuri ilaiwa/amérí hanís.

ISAYA 24:14

Panaydá' aa meet iri tseeamín, iri daa' ar qwala/, tari tseeamín iimír /uwá wa alé as aleesleemuú AAKOÓ MUNGÚ.

MIKA 5:4

Inós in sihhiit nee daqtós gari de'én ar /uuruú AAKOÓ MUNGÚ nee ar aleesleemuú waawuti'iimár umuú AAKOÓ MUNGÚ, Munguúwós. Mukós iri saxareemár hoot, asma inós uraay guri sláy baraá yaamu sleémeero.

Marko 16:19

Aako Yesu axweesantá dir'ín ngiwa hhe'eés, kurira tláy gawaá doori, iri iwiít dákw doó /iyáy oo Mungú.

Efeso 6:20

Aníng a ya/abusmoó Ya/abtoorí hho', ala tam taa tseegi. Gawaá adoorihe, án aleefiriirimaaré' as Ya/abtoorí hho' ngi axwees ar pihh'uuma adoodá' aníng wá hariim.

Kolosai 3:1

Kuungá' tunda al waaslee/atís dinkwa nee Kristo. Gawaá adoorihe muruuduú gawaá doori na leelehhiitaak, amoodá' Kristo i dirii'i, aa iwiít dákw doó /iyáy oo Mungú.

Ebrania 1:13

Asma Mungú iimír aange tam malaykamoowós oo wák gwaa bayká, «Iwiít bihhaá dakwe'eé' oo doó /iyáy ay dír wakuuseerók ngay qaas baraá dabaawók i alé.»

Ebrania 1:3

Inós an miiraa/ór xirfuú Mungú, nee an slaqsoó Munguú kilá'. Inós mura' sleémeero gun amohhe'eemaamiis ar axweesantós tidá' aleesleemuú koom. Tlakweema hamaatlaro ngiwa hhe'eés, iri iwiít dákw doó /iyáy oo Munguú Aleesleemusmo gawaá dooriiwo.

Ebrania 10:12

Ala Kristo ilahhooár wák kilós gana haniís as tlakweema. Ilahhooarí an tidá' hoot ay alhhe'eesay wasle. Adoorí tleehhamooro ngiwa hhe'eés, iri iwiít bihhaá dákw /iyáy oo Mungú.

Ebrania 12:2

Atén gár tiwa hariím masók a Yesu un ga/aawaán umuúqo siiwaro. Asma inós an iimu/úngw haratlintaaoorén, nee slám inós haratlintaaoorén ga boo/ees. Inós qwal/uudá' gu daamaaraám guna ár. Gawaá adoorihe gwa'arár msalaába gari qiqtlín, tam murér gwa'arár adoorí ga gaárií xuiiká. Nee hamí aa iwiít bihhaá dákw doó /iyáy oo kitangwduú aleesleemu oo Mungú.

Ebrania 2:17

Gawaá adoorihe inós gár kuwa hariím, a kun adór hhaeewós tleehh baraá mura' sleémeerowo, as kahhó' inós masók a kaahamusmooín oo úr, oo Mungú kudá' gurtleemuú koóm nee oo inkihhím baraá kángw Munguhe, nee ilaahhooár haraki/isa ngiwa haniisi as tlakweemaá mukós ngiwa hingeesi.

Ebrania 3:1

Hhaee'eé', kuungá' awa hhohho', kuungá' sleeme tunda ateét nee Mungú. Yesu ga/aawaak. Inós an ya/abusmo nee an kaahamusmoó úr oo Mungú oo haratlintaaoodá' ta lamabu'uumaan.

Ebrania 4:14

Gawaá adoorihe atén haratlintaaoorén tidá' ta koomaan masók an ló'wa oohaán. Asma atén kaahamusmoó úr oo Mungú u koomaán. Inós aa waaraáhh ar tla/ángw doori ay dír geeraá Mungú. Inós an Yesu, Garmoó Mungú.

Geehhoeemaá 3:21

Heedaádá' arba/ati gaa slay, aníng inós u iwiitiís dinkwa nee aníng gawaá kitangw'eé' kuduú aleesleemu, adoodá' aníng arba/ati ngira sláw, niri iwiít dinkwa nee Baabuúeé' gawaá kitaangós kuduú aleesleemu.