Ebrania 7:6 - Biblía Axweesantá Hhohho' ar Mungú 2004

⁶ Melkisedeki a heé baraá tlahhaydá' dahhaaká. Ala tam adoorihe inós ilahhooa gana óh dír Abrahamú wa ale, gár wák baraá umuúqo muruú mibaango. Slám inós Abrahamu guri tsuúq, kudá' al'axweesantá Mungú gaa slay.

Ya/abtór hho' 1977

⁶ Melkisedeki inós a heé baraá tlahhaydá' dahhaaká. Ala tam adoorihe inós ilahhooa gana óh dír Abrahamú wa ale, gár wák baraá umuúqo muruú mibaango. Slám inós Abrahamu guri tsuúq, kudá' al'axweesantá Mungú gaa slay.

Ebrania 7:6 Iomraidhean Croise

IIMU/UUNGW 12:13

Án kiíng i firiím, kiíng ta o', ‹Inós a hhiyaaeé',› as aníng niwa /uw, nee slafingw'eé' iwa ba/an as kiíng.»

IIMU/UUNGW 12:2

Án kuúng u xoorór ur tleéhh, án kuúng u tsuúq, nee umuuwók nguri ureés, nee kuúng tari tsuuqa tleehhít.

Tlehhema'aá ya/Abuuse 3:25

Kuungá' a na/aá aaruuse, nee slám a na/aá alqadoodá' Mungú aa qaroó alqadín dír baabi'iihúng, tidá' aa oó' dír Abrahamu iwa kaahi, ‹Baraá xwaylaroge xoordu sleémeero awa baraá yaamu ki tsuuq.›

Rumi 4:13

Mungú al'axweesani gana oó' dír Abrahamu nee xwaylarós yaamu kiwa aali. Al'axweesantí kaa haniisiiká asma Abrahamu hara'aya ngiwa eehár, ala kana haniís as adoodá' inós kuwa gan'amuú i harafaár nee Mungú as haratlintaao.

Rumi 9:4

Inooín a múk Israeli. Kina harafadiít tawa na/aá Mungú. Inooín xirfuú Mungú nguna ariyé'. Slám Mungú gina alqadoorós i haniís, nee hara'ayaaro. Nee slám dabér saalíngw Doó Mungú kana amor'ín i haniís, nee al'axweesantá Munguhe.

Galatia 3:16

Ala Mungú al'axweesantós gana oó' dír Abrahamu nee oo wák baraá xwaylarose. Al'axweesantí i katká, «dír xwaylarós.» Gawaá adoorihe a dír múk yaariireeká. Ala al'axweesantí gár i kat a «dír oo wák baraá xwaylarose.» An heé wák, nee heewí an Kristo.

Ebrania 11:13

Mukwí sleémeero ina qaátl, tawa baraá haratlintaaór i dirii'i. Ala muruudá' Mungú aa al'axweés inooín kwaa slayká. Kuna ár amór saáw i alé, kuri sa qwalaalaá/. Nee adór inooín tar dahaaye nee aauuse baraá yaamuwo kari ya/an.

Ebrania 11:17

Abrahamu a heé haratlintaaór koóm, tam garmaawós oo kilós Isaka guri ilahhooár wa haniís, qoomár Munguú Abrahamu nguwa iiár, Abrahamu an kudá' Mungú aa al'axweesantós i haniís. Ala Abrahamu ina ya/án garmaawós oo kilós nguwa ilahhooár wa haniisi,

Ebrania 7:1

Melkisedeki a waawutmoó Salemu. Slám inós a kaahamusmoó Munguúdá' gáwtí dirií'. Melkisedeki Abrahamu guna al'áy qoomaadá' Abrahamu iwa slaqwarár dahhi, waawitá nguwa tsuú/. Abrahamu kuri tsuúq nee Melkisedeki.

Ebrania 7:7

Ala gaarí a gár taa si'iiká asma kudá' tsuuqa gi hanmiís ku úr ta kudá' taa tsuuqi.