Ebrania 7:19 - Biblía Axweesantá Hhohho' ar Mungú 2004

¹⁹ Asma hara'ayaadár Mose gár aa aleesleér boo/eesaro i káhh. Ala daanduú hara'ayaadae harahhifór ak hhoo' kingina haniís. Ar loohír harahhifoorihe a aleeslawaán Mungú kuwa i hardahaan.

Ya/abtór hho' 1977

¹⁹ Asma hara'ayaadár Musa gár aa aleesleér i káhh boo/eesaro. Ala daanduú hara'ayaadae haraxu'utír ak hho' kingina haniís. Ar loohír haraxu'utirihe a aleeslawaán Mungú kuwa i hardahaan.

Ebrania 7:19 Iomraidhean Croise

WARA'AMI 73:28

Ala dir'eene Mungú nguwa i tseewúw a gár ló' wa hhoo', AAKOÓ MUNGÚ a dír guway'eé'. Aníng tlehhmi'iiwók sleémeero i lamabu'uúm.

WA/AA/I 3:57

Uwa ateét ina haratsewuúr iri beér, «Ma da'ayumitaar!»

Yohana 1:17

Asma hara'aya kana haniís ar dákw Mose, ala gurtleemu nee looeema nina hardihiyé' ar dákw Yesu Kristo.

Yohana 14:6

Yesu iri oó', «Aníng an loohi nee looeema nee slafiingw. Heé naa dir'ér oohiiká, i amór Baabá i hardihiiká.

Tlehhema'aá ya/Abuuse 13:39

Umuúqo heewo oo inós gu haratlintií', sakwasleemadá' inós gu wa hariim kan fiits, inós kuri gan'amií harafaar. Gár adoorí hara'ayár Mose gaa aleesleeriiká tleehhamooro.

Rumi 5:2

Baraá Yesu Kristowo sleeme atén pa/aangw ugwa slawaán oo gurtleemuuwí nguwa i hardahaan. Atén hamí an baraá gurtleemuuwí wa iwiwiitaán. Slám atén a qwalaala/aán asma haraxu'utirén tidá' ta koomaan ar xirfuú Mungú kuwa slawaan.

Rumi 7:7

Ala atén gár taa ooaan a milá? Hara'aya a tlakweemaáwo? Aasla'áy a tlakweemaawooká. Ala án geeraawo tlakweema tsaahharo i aleeslawaaká hara'aya bir káhh. Án geeraawo ilatleeri a tsaahhaaká bar hara'aya iga beeriká, «Ma ilatleeruusaar.»

Rumi 8:3

Asma muruudá' hara'aya i aleesleeraaká tlehhmuuwo, muruudá' Mungú guna tleéhh. Asma hara'aya i /uuruú koondaaká, as adoodá' slaqoorén iwa tlakweemaá slaiya' tlehhmuuwo. Ala Mungú Garmaawós oo kilá' nguna ya/aáw. Inós slaqwa gari sláy ar slaqás nee tidár múk tlakweemaá koóm. Gawaá adoorihe Mungú tlakweema giri sakwasleemuút baraá slaqoorén awa tlakweemaá koomá'.

Galatia 2:16

Ala atén a xuaán adór hee kur gan'amií harafaariiká as hara'aya ngiwa eehár, ala hee kun gan'amií harafaar as Yesu Kristo nguwa haratlintií'. Atén sleeme Kristo Yesu una haratlintiiaán as tiwa gan'amií harafaari, as Kristo kuwa haratlintiiaán, ala as tlehhema'aá hara'ayaarooká. Asma heé ta gan'amií harafaari as hara'aya ngiwa eehár i kaahh.»

Galatia 3:21

Daxta bar adoorí, an ooána hara'ayár Mungú nee al'axweesantá Mungú ti slaslay'aaká? Aasla'áy, a adooriheeká. Ala geera barnaxes hara'ayár aleesleemuú koom kinga haniís, ar muu gu slafíngw i haniis, geera alók muu gan'amu gu sláy as hara'aya ngiwa óh.

Galatia 3:24

Gawaá adoorihe hara'aya direne a adór geeraharusmo oo atén ti geeraharahaár amór Kristo i alé, as kahhó' atén tiwa gan'ámií harafaari ar loohír haratlintaao.

Efeso 3:12

Gawaá adoorihe atén Kristo bura haratlintiaán, daqaní atén a da'ayumitanaaká Mungú i tseewuwto ar baraawós, nee tari axweesaán nee Mungú ar wayda.

Kolosai 1:27

Asma Mungú gana slaá' ngiwa gwa/atisi dir'íní alé adór lu/aaráydá' ir daqaari'iimár kón nee xirif baraá múk xoorduuwo. Lu/aaráy an kwí, Kristo i baraahúng i dirii'. Gawaá adoorihe kuungá' haraxu'uti a koondá' ar xirfuú Mungú kuwa sleera'.

1 Timoteo 1:1

Anuú Paulo barwaárí ngina gooiím. Aníng a ya/abusmoó Kristo Yesu ar hara'ayár Mungú Ba/amusmoorén nee Kristo Yesu kuduú harahhifoorén.

Ebrania 10:1

Hara'ayár Mose a geehhaantamoó tawo oo muruudá' hhó' oo hardáh, ala a muruudá' oo kil'eeká. Asma hikwaá ilahhooa kin adoodár tsu/aa/ín umuúqo kurko. Ala gawaá loohír adoorihe hara'ayár Mose muu boo/eesaro gu aleesleeraaká, kudá' ilahhooadá' ga hanmamiís.

Ebrania 11:40

Asma Mungú gár ak hhoo' gaa amohhe'eés iimír aáng wa ale as atén. Inós gár i slai a boo/eesár axweesantós inooín makawa i giirín hardahamuuwo ta atene, ala masók an al i hardahaán.

Ebrania 11:6

Ala heé haratlintaaór koomaaká, Mungú qwal/atisaro gu aleeslayká. Asma heé amór Mungú káw, gár kuwa hariím a in haratlintii' adór Mungú ir deér, nee Mungú mukdá' inós gu leelehhiít gu qeemií haniis.

Ebrania 3:6

Ala Kristo ku inkihhím asma inós tawa Garma. Inós kwaa qaás gawaá daanduú doó Mungú sleémeerowo as nguwa baali. Atén an do'ós, barnaxes a kumiitaán baraá pihh'uumarene nee harahhifoorene, harahhifoorén kawa diidi'iimisaan ay alhhe'eesaay.

Ebrania 4:16

Gawaá adoorihe atén masók an tseewuwaán ar pihh'uuma dír kitángw Mungú, didá' tsuuqaá Mungú kiwa slay, as tíwa gurtleemuú i haniisi, nee /uuru kuwa slawaan, kudá' atén ti alee/iimiís qoomár hariima.

Ebrania 6:18

Gawaá adoorihe Mungú muruuwí tsár gwa oó', al'axweesantós nee lo'o. Muruuwí i baloó warqayká, nee Mungú lama ga baloó ooiiká daanduú muruuwihe. Ateéká' inós ugwa i guwaan, muruuwí atén tin ló'wa gurkwa/amis, as harahhifoodá' taa geeraarén i qaás kawa slawaan.

Ebrania 7:11

Ala hám daxta hara'aya sleémeero, tidá' taa amór múk i haniís, iimu/uungós a hara'ayaadá' taa haniís daanduú kaahamusi'iimár Mungú ar tlahhoó Laáwi. Ala gár yaahasár slaa' i deer diirihe. Barnaxes kahamuusi'iimarír Mungú ar tlahhoó Laáwi bir gan'amuú huwahúp, kaahamusmoó adór hatlá' gár nisa hardáh a milá? Asma kaahamusmoowí a adór Aroniwooká, ala a adór Melkisedeki.

Ebrania 7:20

Gaarí iwa tleehharút, Mungú lo'o gana /aáy. Kaahamuuseedár aáng kawa qamín, Mungú lo'ór aa /aáy i káhh.

Ebrania 7:25

Gawaá adoorihe kudá' Mungú ngu i daqaqawá' ar loohír inós, inós gi ló'wa aleesláy ba/amisaro, asma inós i slafaafín daqisleém as ngiwa aleefiriirin.

Ebrania 8:6

Ala hám daxta gadiyér kahamuusi'iima tidá' Yesu aa sláy, ka ló'wa hhoo' ta tooine. Sleeme alqadoodá' Yesu aa tleéhh tla/ángw Mungú nee muko ka ak hhoo' ta tidár geeraawo, asma alqadoorí kaa qaás gawaá al'axweesantá ak hhoo'.

Ebrania 9:9

Gaarí a slaqsaay oo qoomaarí ga laqaqaám. Gídaabárós a tí: Qeemuú ta hanmiisi dír Mungú i alé ar loohirí, nee hikwaá ta ilahhooár wa tsu/i munér mukdá' sluufmiís hhoohhooeesaro ngi aleeslay'aaká.

Yakobo 4:8

Mungú i tseewuwaak, daqaní inós ni dirhúngií tseewúy. Dabaahúng hhoohhooeesaak, kuungaásingá' tlakuuse. Nee munerhúng hamaatlaak, kuungaásingá' badu tsadér.