Ebrania 7:11 - Biblía Axweesantá Hhohho' ar Mungú 2004

¹¹ Ala hám daxta hara'aya sleémeero, tidá' taa amór múk i haniís, iimu/uungós a hara'ayaadá' taa haniís daanduú kaahamusi'iimár Mungú ar tlahhoó Laáwi. Ala gár yaahasár slaa' i deer diirihe. Barnaxes kahamuusi'iimarír Mungú ar tlahhoó Laáwi bir gan'amuú huwahúp, kaahamusmoó adór hatlá' gár nisa hardáh a milá? Asma kaahamusmoowí a adór Aroniwooká, ala a adór Melkisedeki.

Ya/abtór hho' 1977

¹¹ Ala hám daxta hara'aya sleémeero, tidá' taa amór múk i haniís, iimu/uungós a hara'ayaadá' taa haniís daanduú geeraharu'uumadár saaliingw ar tlahhoó Lawi. Ala gár yaahasár slaa' i deer diirihe. Barnaxes geeraharu'uumarí ar saaliingw ar tlahhoó Lawi bir gan'amuú huwahúp, geeraharusmoó saaliingw oo adór hatlá' gár nisa hardáh a milá? Asma geeraharusmoowí a adór Haruniwooká, ala a adór Melkisedeki.

Ebrania 7:11 Iomraidhean Croise

Galatia 2:21

Aníng gurtleemuú Mungú u siaasiiaaká. Ala barnaxes hee ku gan'amií harafadiit as hara'aya ngiwa óh, daqaní Kristo ina tawo gwaá'.

Galatia 4:3

Tam atén sleeme qoomár tawa na/ii, atén a adór lawaale tawa baraá /uuruú aleesleemuudá' waawuti'ii'iím baraakaá yaamuwo.

Galatia 4:9

Ala hám daxta kuungá' Mungú ugwa xué', laqaá an oo', hám daxta kuungá' Mungú naa xuú'. Kuungá' adór tara ki/é' a adoomá baraá /uuruú muruudá' liitlakwén nee oo /uuruú koomaaká? Asma gár kuungá' ta sla'a' a lawaali'iimár muruudá'.

Ebrania 5:10

Nee slám Mungú guri kaahamusmoó úr wa qaás ar adoodár Melkisedeki.

Ebrania 5:6

Slám dír hatlae i malé kaahi, «Kuúng a kaahamusmoó Mungú ay alhhe'eesay wasle, ar adór Melkisedeki.»

Ebrania 6:20

Yesu ina dáh baraadí alé tawa heé giiriím dír atene, nee tawa saayusmoorén. Asma inós an kaahamusmoorén ar adoodár Melkisedeki ay alhhe'eesay wasle.

Ebrania 7:10

Asma qoomár Abrahamu kuwa al'áy nee Melkisedeki, Laáwi qoomaadae i baraá slaqwtá Abrahamú i kaahh.

Ebrania 7:12

Asma kahamuusi'iima bira warqeér, hara'aya sleeme gár kawa hariím aqo in warqeér.

Ebrania 7:13

Heé taa axweesantí káh an Aako Yesu. Nee inós a heé tlahhoó hatlá'. Slám baraá tlahhaywose heé gadiyér kitángw sluufaay gaa tleehh i kaahh.

Ebrania 7:15

Gaarí kaa geehhooesa hhe'eés ar adoorí Kaahamusmoó hatlá' naa ti'iít. Inós a adór Melkisedeki.

Ebrania 7:21

Ala Yesu kuna kaahamusmoó wa qaás ar lo'o. Asma Mungú guna adoorí báy, «Aako lo'o gana /aáy, slám ga baloó amohhu'unká, ‹Kuúng a kaahamusmo ay alhhe'eesay wasle.› »

Ebrania 8:7

Alqadoodár geera barnaxes i dakuúsár koondaaká, geera alók alqadór hatlá' gár kas leelehhiiti nee Mungú i káhh.

Ebrania 9:6

Adoorí an adór muruuwí sleémeero kura qamín. Nee kaahamuusér Mungú in dararát umuúqo daqto baraá matla/angwduú geera oo heéma, as gadiyér'ín ar kahamuusi'iima kawa tleehhi.