Ebrania 7:1 - Biblía Axweesantá Hhohho' ar Mungú 2004

¹ Melkisedeki a waawutmoó Salemu. Slám inós a kaahamusmoó Munguúdá' gáwtí dirií'. Melkisedeki Abrahamu guna al'áy qoomaadá' Abrahamu iwa slaqwarár dahhi, waawitá nguwa tsuú/. Abrahamu kuri tsuúq nee Melkisedeki.

Ya/abtór hho' 1977

¹ Melkisedeki inós a waawutmoó Salemu. Slám inós a geeraharusmoó saaliingw oo Mungúduú gawtí dirií'. Melkisedeki Abrahamu guna al'áy qoomaadár Abrahamu iwa slaqwarár dahhi, waawitá nguwa tsuú/. Abrahamu kuna tsuúq nee Melkisedeki.

Ebrania 7:1 Iomraidhean Croise

WARA'AMI 57:2

Munguúdá' Gáwtí dirií' un i /aá/, Munguúdá' sla'aarirós ga boo/eemaamiís dir'eene,

WARA'AMI 76:2

Xaftós i baraá Salemu, hotaarirós i Siyonírií dirí'.

WARA'AMI 78:35

Kari insláy adór Mungú tar tlaa/ar'ín, Munguúduú Gáwtí dirií' an ba/amusmooín.

WARA'AMI 78:56

Ala tam adoorihe Munguú Gáwtí dirií' nguna iiaraa'ariyé', ngway si'iyé', tam kaahirós ngaa iialooeesi'iiká.

DANIELI 4:2

Aníng aga slaá' kaanguú layu nee muruú waa/oo/amo nguwa dirhungí gooiim kudá' Munguú úr naa dir'eéní tleéhh ngiwa dír kuungá' i oo'.

DANIELI 5:18

«Aá waawutámo, Munguú úr baabuúwók Nebukadnesa guna waawti'iimárí haniís nee uraay nee xirif nee aleesleemuwo.

DANIELI 5:21

Inós kuri guús dír muko, fuquraangós kuri adór kuquú makiito'ór sla/a tleéhh. Inós nee daqwaayér sla/a tari alhoót, gitso gari /aáy adór awu wa ale. Slaqwtós kari naa/amiís nee har'uú gawaá doori ay qoomár ngiwa tsaáhh adór Munguúdá' úr tar kudá' waawuti'iimár muu ga sawaawuti'i'iím, nee inós heedaádá' i waawuti'iimár ár slai gun waawutmoó wá qaas.

MIKA 6:6

«Aníng gár ni huuw a milá birni dír geeraá AAKOÓ MUNGÚ káw as Munguúdá' gáwtí dirií' nguwa i tumbarara'aat? Xáy, gár ni huuw a tsa/eetaá naa sangw /oní'i? As ngiwa ilahhooár da/tá wa haniis.

Marko 5:7

iri tseé' ar afór ur i kaahi, «Yésu, Garmoó Munguú Gawa, án nee kuúng a milá? Un firiím ar umuú Mungú, mi slahh'eemisaar.»

Tlehhema'aá ya/Abuuse 16:17

Paulo guri eehát, nee atene, i aluurén wa tseeamiín i kat, «Mukwí a sagadiyuusér Munguú Gáwtí dirií'. Inooín kángw loohír ba/ama kun alki/iit.»

Ebrania 6:20

Yesu ina dáh baraadí alé tawa heé giiriím dír atene, nee tawa saayusmoorén. Asma inós an kaahamusmoorén ar adoodár Melkisedeki ay alhhe'eesay wasle.

Ebrania 7:2

Abrahamu ilahhooa gari haniís dír Melkisedeki. Gár aa haniís a gár wák baraá umuúqo muruú mibaango kudá' i kona. Umuú Melkisedeki gídaabárós ar geera a «Waawutmoó Gan'amu.» Nee slám inós a waawutmoó Salemu, gídaabárós an «Waawutmoó Wayda».

Ebrania 7:3

Inós i baabuú konká, slám i aayór konká, slám tlahhaywós i kaahh. Iimu/úngw deeloorós i kaahh, slám alhhe'eesoó slafiingós i kaahh. Ala inós a adór Garmoó Mungú. Inós a kaahamusmoó Mungú ay alhhe'eesay wasle.

Ebrania 7:6

Melkisedeki a heé baraá tlahhaydá' dahhaaká. Ala tam adoorihe inós ilahhooa gana óh dír Abrahamú wa ale, gár wák baraá umuúqo muruú mibaango. Slám inós Abrahamu guri tsuúq, kudá' al'axweesantá Mungú gaa slay.