Ebrania 6:7 - Biblía Axweesantá Hhohho' ar Mungú 2004

⁷ Yaamaá ta du'umiís nee tluwaay daqtá yaariire, nee bu'úngw hhó' nguri laqwaaliyé', oo slaasláwár huwahuúw dír dooslusmoowo, yaamaá adoorí tsuuqaá Mungú ngi slayá'.

Ya/abtór hho' 1977

⁷ Yaamaá ta du'umiís nee tluwaay daqtá yaarire, nee bu'úngw hhó' nguri laqwaaliyé', oo gídaabár koóm dír dooslusmoowo, yaamaá adoorí tsuuqaá Mungú ngi slayá'.

Ebrania 6:7 Iomraidhean Croise

IIMU/UUNGW 1:11

Mungú iri oó', «Yaamu umuúqo gaaro ngi duuxiye', gitsór dahaasíngw koom, nee xaa'aá mamaá koomá', awa dahaasíngw koomá' baraaine, umuúqo gitsooro ar adoorós, nee umuúqo xaaiiwo ar ador'ín.» Adoodá' iri tleehharút.

IIMU/UUNGW 27:27

Naagáy Yakobo iri suruúk dír baabuúwós, guri ma'aás. Baabuúwós xarángw tlabaawós nguwa sláy, guri tsuúq, i kaahi, «Ga/aaweek, xarángw tsuú' oo garmaaeé' a adór xarángw qaymór taa tsuúq nee AAKOÓ MUNGÚ.

WARA'AMI 126:6

Tan ti'imiit ar /aa/e tawa qwaree/amaá dahaasíngw kon, nin watliyá' ar bara/, tawa bu'úngw kon.

WARA'AMI 24:5

Heewí tsuuqa gi ilaoh dír AAKOÓ MUNGÚ wa ale, nee inós ku waahhamín nee AAKOÓ MUNGÚ ba/amusmoowós adór kur dakuús wásl.»

ISAYA 44:3

Aníng ma'aay i ku'uús baraá yaamaá naa waxitiye', nee duxe an wa/ás gawaá yaamaá kaahaar aníng qeeruueé' un haniís dír xwaylarhúng nee xwaylarhúng ngari tsuúq.

ESEKIELI 34:26

«Aníng ngiri hootiís bihhaá tloomar'eé' tidá' hhoohhoó' wa ale, nee nguri tsuúq. Tluwaay nguri huúw ar qom'aá hariimá', nee tluwaaywí a tluwoó tsuuqaá koóm.

HOSEA 10:12

Hotaá ganaa'á' ar hootaak, sla'aarír warqawaaká ka sleerá', slafingwhúng amohhe'eesaak, asma qoomaarí an qoomár AAKOÓ MUNGÚ kuwa leelehhita', as kahhó' inós niwa hardihi, nuri geerahaar baraá hotaá ganaa'á'.

TLAHHOÓ LAÁWI 25:21

Gimsé', aníng yaamu in tsuúq bál kurkú lahhooe as bu'úngw bu'uút oo kureeraá tám nguwa hamareesiya'.

MALAKI 3:10

Gár wák baraá umuúqo muruú mibaango ar ádkoom na huwaare' baraá kuunti, as muruú /ayma iwa deeruuti baraá dooeene, án iiaraaré' ar loohisíng. Áx, ka aandá' adór pa/eeraá gawaá doori ngir gweér, nee nuri tsuúq, tam pa/ángw bu'uungw kway qasa' iri qwaar.

Matayo 7:8

Asma umuúqo heé firiiriím ku qáy, nee kudá' leelehhiít ga sláy, nee kudá' afkú doó wa ateetiím, piindo ka qo duux.

2 Timoteo 2:6

Dooslusmoodá' gadiyeé gaa tleehh ar /uuru, inós gár kuwa hariím a bu'ungwduú gadiyeérós gun geerií /aay.

Yakobo 5:7

Gawaá adoorihe, hhaee'eé', qiqtliimé' ay dír hardahamuú Aako. Qaytsiité', dooslusmo adór ir qiqtlaatlin qoomár bu'uungós oo afhhamít nguwa daamaaran baraá qaymoorós. In qiqtlaatlín iimír tluwoó saxi ay tluwoó buhaare.