Ebrania 6:19 - Biblía Axweesantá Hhohho' ar Mungú 2004

¹⁹ Harahhifoorí a toorén. Haraxu'utirí muneerén gaa ló'wa ót as miwa qwát. Adoodá' miringamo kur baraá ma'áy ila/aa/an ar tlaa/a, as mukuwa tliw/ín nee gwaanduú ma'aay. Harahhifoorén tí alhhe'eesaywós dír kway tseék a gawaá doori, dír ira waaráhh a dír baquú baraá doó Mungú i dirií'.

Ya/abtór hho' 1977

¹⁹ Haraxu'utirí a toorén. Haraxu'utirí muneerén gaa ló'wa ót as miwa qwát. Adoodár miringamo kur baraá ma'áy i ila/aa/an ar tlaa/a, as mukuwa tliw/ín nee gwaanduú ma'aay. Haraxu'utirén tí alhhe'eesaywós dír kay tseék a gawaá doori, dír ira waaráhh a dír baquú baraá doó Mungú i dirií'.

Ebrania 6:19 Iomraidhean Croise

WARA'AMI 39:7

Nee hám heé hatlá' oo ni harahhiif a heemá, AAKOÓ MUNGÚ? Harahhifor'eé' a dirók.

WARA'AMI 42:11

Aníng gár nis gurhaamuut a milá? Nee mahar amoqwaqwadiím baraaeene? Mungú un harahhiíf. Asma aníng u malé xirfayeés, kuduú alee/isusmooeé' nee Munguúeé'.

WARA'AMI 42:5

Aníng gár nis gurhamuut a milá? Nee mahar amoqwaqwadiím baraaeene? Mungú un harahhiíf, asma aníng u malé xirfayeés, kuduú alee/isusmooeé' nee Munguúeé'.

WARA'AMI 43:5

Aníng gár nis gurhaamuut a milá? Nee mahar amoqwaqwadiím baraeene? Mungú un harahhiíf, asma aníng u malé xirfayeés, kuduú alee/isusmooeé' nee Munguúeé'.

ISAYA 12:2

Ga/aawaak, Mungú an ba/amar'eé', inós un harahhiíf, sleeme a da'ayumitaaká. Asma AAKOÓ MUNGÚ an /uuruueé' nee daa'angw'eé', inós an ba/amusmooeé'.»

ISAYA 28:16

Gawaá adoorihe Aako, AAKOÓ MUNGÚ i kaahi, «Ga/awaak, aníng tlaa/ár iihhafiiri a qaás baraá gixsár Siyoni, a tlaa/ár taa iiár, a tlaa/ár tlaxo gawit ar do' ir gawduy, tlaa/ár iihhafiiri ar do' ir gawduy, ‹Umuú heé gaa haratlintii' i kwareeiiká.›

TLAHHOÓ LAÁWI 16:15

«Aluuwo gurtuú ilahhooár tlakweema hingeesa guri gaas as muu sleémeero. Tseerér gurtuudá' gari baraádií huúw, didá' ak hhoohhoo', ar adór tseerér awu ngaa /imiís, gari hikimiís gawaá kitángw gurtleemu nee amór geeraá kitaango.

TLAHHOÓ LAÁWI 16:2

Guna báy, «Hhiyaawók ádbaweek, umuúqo qoomaaro miwa daráh didá' hhoohhoo', ar alaá inqwaaridá' do' gwaa tla/a qasis, dír geeraá kitángw gurtleemu, kuduú gawaá sandakmoó alqado, as kahhó' miwa gwaá'. Asma aníng ti geehhooeés ar baraá huunki gawaá kitangwdú gurtleemuú wa ale.

SEKARIA 9:12

Kuungaásingaá taa tsegiít awa harahhifór koomá', ki/é' amór koo/irhúng tidá' gawit. Hamí án kuungá' nun baw, nu hhooeemáy ki/ís sagaáwa tsár wa ale.

Matayo 27:51

Inqwaarír baraá Doó Mungú, ar do' gwa qasis, iri tla/a feehhít gáwtá wa ale ay baraay. Yaamu nay daaraxaatiyé' as kunseeli, tla/u nay feehhamitiyé',

Tlehhema'aá ya/Abuuse 23:6

Paulo ngiwa tsaáhh adór baraadae bahh'alé tar múk Sadukayo nee bahh'alé a múk Farisayo, iri baraá doó kwasleemár wa tseé' ar afór ur, iri oó', «Hhaee'eé', aníng a heé Farisayo, garmoó heé Farisayo. Aníng tin sakwasleemuut asma harahhifór ni koom ar múk aa qaatl kuwa waaslee/atisi.»

Tlehhema'aá ya/Abuuse 27:29

Tari da'ayuút as miringamo iwa iisi'in gawaá tlaa/ár baraá tlawi. Tlaa/aá tsiyáhh awa miringamo ilaa/aro ngu aleeslaawá', kiri /aytiís baraá tlawi, awa taa tseék alaá miringamo. Tari firirín as looa niwa tleer.

Tlehhema'aá ya/Abuuse 27:40

Him'eedá' tlaa/aá koom kari tsaát, kari máy baraá tlawi. Nee him'eedá' miringamo kur madiiti kari slakwekwe'eés. Warqamooduú fur'ár ila/aám kuri tleés amór ságw miringamoó wa ale, as fur'a miringamo nguwa geerií surkus, tari tseewúy afaá tlawi.

Rumi 4:16

Gawaá adoorihe muruudá' Mungú aa axweés dír Abrahamú i aleeró, sleemuuwós gár i ga/ay a haratlintaao. Gawaá adoorihe hee bir haratlintaaór kón, Mungú muruuwí guqo tawó haniis. Al'axweesantí a dír xwaylár Abrahamu sleémeerowo. Ala a dír kudá' kilooineeká awa hara'ayár Mose koomá', ala tam dír kudá' haratlintaaór Abrahamú koomá' sleeme. Asma inós dír atén sleémeerowo a baabá,

Rumi 4:18

Qoomár haraxu'uti iwa kahh, inós ina haratlintií' ar haraxu'uti adór inós ir baabuú xoordaá yaariir tleehhiiti, adoodá' kura ádbáy tawa kaahi, «Adoorí an adór xwaylarók ir tlahh.»

Rumi 5:4

Nee qiqtliingw gár ni huwahuwi a muunuú gawít, nee muunuú gawít gár ni huwahuwi a haraxu'uti.

1 Korinto 13:13

Ala daxta gár kumiit a haratlintaao nee harahhifo nee sla'aari, muruuwí tám. Ala baraá muruuwihe gár ak afhhamít a sla'aari.

1 Korinto 15:58

Gawaá adoorihe, hhaee'eé' awa sla'aaruúse, kuungá' gawduwé', ma daaraaxaatara', kumiité' ló'wa alé baraá gadiyér Aakoowo umuúqo daqto. Asma kuungá' a xuá' baraá Aakoowo gadiyérhúng tidá' ta tlehhahhita' a taworooká.

Efeso 2:6

Tina waaslee/atís dinkwa nee inós, nee tina iwiitiís gawaá doori dinkwa nee inós, ar baraá Yesu Kristo.

Kolosai 1:27

Asma Mungú gana slaá' ngiwa gwa/atisi dir'íní alé adór lu/aaráydá' ir daqaari'iimár kón nee xirif baraá múk xoorduuwo. Lu/aaráy an kwí, Kristo i baraahúng i dirii'. Gawaá adoorihe kuungá' haraxu'uti a koondá' ar xirfuú Mungú kuwa sleera'.

Kolosai 3:1

Kuungá' tunda al waaslee/atís dinkwa nee Kristo. Gawaá adoorihe muruuduú gawaá doori na leelehhiitaak, amoodá' Kristo i dirii'i, aa iwiít dákw doó /iyáy oo Mungú.

2 Timoteo 2:19

Ala iimu/úngw haratlintaao aa sihhiít, kudá' Mungú aa qaroó qaás. Iimu/uungwí layár kway gooín a tí, «Aako mukós gu xuu',» nee slám «Umuúqo heewo oo umuú Aako gu ateetiím, tlakweema ngi may.»

Ebrania 4:16

Gawaá adoorihe atén masók an tseewuwaán ar pihh'uuma dír kitángw Mungú, didá' tsuuqaá Mungú kiwa slay, as tíwa gurtleemuú i haniisi, nee /uuru kuwa slawaan, kudá' atén ti alee/iimiís qoomár hariima.

Ebrania 9:3

Alaá baquuwo matla/ángw hatlá' i deer, oo ta babay Didá' ak ló'wa Hhoohhoo'.

Ebrania 9:7

Ala baraá matla/angwduú tsár oo heémaro, heé daraaráh a kaahamusmoó úr oo Mungú kilós. Slám inós in dah sagaáwa wák wa ale baraá kurkú wake. Slám i dahiiká tawó alé barnaxes tseere i káhh. Tseereerí gan haniis dír Mungú as inós nee as tlakweemaá muu, kudá' taa xuiiká.

1 Petro 1:3

Mungú Baabuú Aakoorén Yesu Kristo i xirfuuti. Inós atén tina sagaáwa tsár wa laqwaál ar gurtleemuuwós oo yaariír, qoomár Yesu Kristo nguwa waaslee/atís baraá múk aa qaátl wa ale, as atén harahhifór slafiingw kawa slawaan,