Ebrania 6:11 - Biblía Axweesantá Hhohho' ar Mungú 2004

¹¹ Gár atén ta ló'wa sla'aan masók umuúqo heewo dirhunge ilakaaharuudá' gun ar kumiit ar inkihhimu ay alhhe'eesaay, as muruudá' ta harahhifa' kuwa sleera'.

Ya/abtór hho' 1977

¹¹ Gár atén ta ló'wa sla'aan masók umuuqo heewo dirhunge in adoodár kumiit ar inkihhimu ay alhee'eesaay, as muruudá' ta haraxua' kuwa sleera'.

Ebrania 6:11 Iomraidhean Croise

ISAYA 32:17

Nee as sakwasleemár ganaa'a muu iri hoot ar wayda, nee as hotaá ganaa'á', muu in hoot ar amohhooa nee saxareema ay kureeraá kureér.

Matayo 24:13

Ala heé ba/ám a kudá' aa qiitl ay alhhe'eesaay.

Luka 1:1

Amór Teofíló xiríf. Múk yaariír kángw muruudá' yaariír aa tleehharuut direne gwaa iiár gooiro,

Rumi 12:8

Nee heé aleesleemuú gurbu'uungw gu koóm, muu ngu gurbu'un. Heé muruuwós hanmiís, ngu hanmiisi ar muunuú /awaák. Heé múk hatlá' sageesihhimiít, muu ngu sagesihhimiiti ar ilakaaharu. Heé gurtleemuú koóm, muu ngu gurtlatlay ar qwala/.

Rumi 15:13

Mungú, kudá' haraxu'uti sleémeero i diri', inós kuungá' nu hatsiisi qwala/ sleémeero nee waydawo ar loohír haratlintaao, as haraxu'utirhúng iwa ló'wa doogiin ar baraá /uuruú Qeeruú hhoohhoó' oo Mungú.

1 Korinto 13:13

Ala daxta gár kumiit a haratlintaao nee harahhifo nee sla'aari, muruuwí tám. Ala baraá muruuwihe gár ak afhhamít a sla'aari.

1 Korinto 15:58

Gawaá adoorihe, hhaee'eé' awa sla'aaruúse, kuungá' gawduwé', ma daaraaxaatara', kumiité' ló'wa alé baraá gadiyér Aakoowo umuúqo daqto. Asma kuungá' a xuá' baraá Aakoowo gadiyérhúng tidá' ta tlehhahhita' a taworooká.

Galatia 5:5

Ala atén, harahhifoorén a Mungú ti gan'amií harafaar. Gaarí an gár ta daamaaramaan ar haratlintaao ar /uuruú Qeeruú Mungú.

Galatia 6:9

Mawa slaaqataán hhooeema tlehhtuuwo. Bar aga mune sianiiká, bu'uungw u slawaán qooma bira xeér.

Filipi 3:15

Ateéká' sleémeero awa ganaa'á', gár tiwa hariím a adoorí an inslaslaawaán. Ala kuungá' bar adór hatlá' aga inslasleeré' gawaá umuúqo gaaro, Mungú muruudá' ngu kuungá' i geehhooatis.

Kolosai 1:23

Ala kuungá' gár tunduwa hariím masók an kumitá' baraá haratlintaaooro, tawa sihhita' ar gawdeema gawaá iihhafiirír gawít i alé, nee tawa qutla'aaká baraá haraxu'utír taa sleeré' qoomár Ya/abtór hho' kawa axasé'. Ya/abtoorí hho' kaa alki/iít baraá yaamu sleémeero, nee anuú Paulo tina sagadiyusmoowós wa qaás.

Kolosai 1:5

Mungú un sluufmiisaán as haraxu'utidá' ta koonda', ar taa amohhe'eés gawaá doorí wa ale as kuungá'. Kángw haraxu'utirí una axasé' qoomár Ya/abtór hho' ar ló' niwa amorhúng i hardát.

Kolosai 2:2

Gár ni slaa' masók inooín kin gurkwa/as, nee kiwa haragaasi baraá sla'aari, as xu'utír baraá qeeru ngiwa slaya', lu/aaroó Mungú kuwa tsaahha hhe'eesi. Nee lu/aaroó Mungú an Kristo inósuú kilá'.

1 Tesalonike 1:5

asma qoomár atén Ya/abtór hho' ngiwa amorhúng i huwaán, ngaa huwaaniiká ar axweesanaay kilós, ala ngina huwaán ar /uuruú Qeeruú hhoohhoó' oo Mungú, nee ataá kilá' qoomaadae a hatsaán haratlintaaór /uuruú kooma. Slám kuungá' kilá' a xuá' adór atén tara tla/angwúng wa hootaán, as kuungá' as tawa slaqsaay tleehhitaan.

1 Tesalonike 4:10

Nee kuungá' adoorí aga tlehhité' dír hhae sleémeero, kudá' baraá yaamu sleémeero awa Makedonia. Ala hháe, kuungá' nun firiimaán tawa kángw kilá' wa ak kumita' baraá sla'aariro.

2 Tesalonike 3:13

Ala kuungá' hháe, ma baloó slaaqataara' tidá' ganaa' kawa tlehha'.

Ebrania 10:22

Tlakweemaá muneerén kaa hamaátl, nee muneerén kaa hhoohhooeés. Slám slaqoorén kaa hamaátl ar ma'aá hhohho'. Gawaá adoorihe atén Mungú ku haratseewuwaán ar haratlintaaór ló', ar xure wasl.

Ebrania 3:14

Asma atén sleémeero a alqaatuusér Kristo, barnaxés atén aga kumiitaán ar pihh'uumarén tidá' iimír iimu/uungo ta koomaan ay alhhe'eesaay.

Ebrania 3:6

Ala Kristo ku inkihhím asma inós tawa Garma. Inós kwaa qaás gawaá daanduú doó Mungú sleémeerowo as nguwa baali. Atén an do'ós, barnaxes a kumiitaán baraá pihh'uumarene nee harahhifoorene, harahhifoorén kawa diidi'iimisaan ay alhhe'eesaay.

YOSHUA 7:3

Inooín niwa ki/iyé' amór Yoshua ngway bayé', «Gár muu sleémeero is daawiiti daqeemuuwo i káhh, hhawaataá daqawá' masók a har afiqoomár kume tsár laqaá tám, gixsár Ai kawa i haratlay, asma múk gixsár Ai ku ureeká.»

1 Petro 1:21

Kuungá' Mungú ugwa haratlintié' ar inós, Munguúdá' inós gwa waaslee/atis baraá múk aa qaátl wa ale, guri xirfuú i haniís. As kuungá' Mungú kuwa haratlintia' nee kuwa haraxua'.

2 Petro 1:10

Gawaá adoorihe, hháe, ilakaaharu ló'wa tleehhaak as ateetamorhúng kawa gawdesa', nee tsawdorhúng. Ala kuungá' bar aga hoté' ar adoorí, kuungá' daqaní gár dirhunge dukutsmo tleehhiit i káhh.

2 Petro 3:14

Gawaá adoorihe sla'aaruuser'eé', dír kuungá' tar muruuwí daamaraanda', ilakaaharu tleehhaak tawa wayduú koonda', nee tawa sihhita' dír geeraawós i alé tunduwa hhohhó' nee tawa múk xaslxaansli wásl.

1 Yohana 3:14

Atén a xuaán adór gwa'ara ngira geexawaán nay waarahhaán amór slafiingw. Tí an xuaán asma hhaeerén i sla'aán. Heé sla'aari wásl i baraá gwa'arár i kaahh.

1 Yohana 3:19

Gawaá adoorihe daqaní a xuaán adór atén tar múk looeema, nee tari gurkwa/aán dír geeraawose,

Geehhoeemaá 2:26

Heedaádá' arba/ati gaa slay, nee adoodá' aníng ni slaa' gari tlehhahhiit ay alhhe'eesaay, aníng heewí u waawutmoó wa qaás daanduú múk xoorduwo.