Ebrania 6:1 - Biblía Axweesantá Hhohho' ar Mungú 2004

¹ Gawaá adoorihe intsaahhasadá' sleémeero ar iimu/uuma daanduú Kristowo masók an alií geexawaán, nee tari geerií kumiitaán baraá intsaahhasadá' hee gu kwa/as baraá slafíngw qeeruuwo. Atén a sla'aanaaká intsaahhasadár iimu/uuma kawa malé inki/aan, tidá' hee iwa hhu'u'un nee tlehhma'aá slafa'aaká ngiwa may, nee Mungú nguwa haratlintii'i;

Ya/abtór hho' 1977

¹ Gawaá adoorihe intsaahhasadá' sleémeero ar iimu/uuma daanduú Kristowo masók an alí geexawaán, nee tari geerí kumiitaán baraá intsaahhasadár hee gu kwa/as baraá slafíngw qeeruuwo. Atén a sla'aanaaká kawa malé inki/aan intsaahhasadár iimu/uuma, gídaabá, hee iwa hhu'u'un as tlehhma'aá slafa'aaká ngiwa may, nee Mungú nguwa haratlintii'i;

Ebrania 6:1 Iomraidhean Croise

AXWEESANOÓ SAGALOOA 4:18

Ala loohír heé ganaá' a adór tsiraahhór tsee/amá, tse/amangwí in kumaamiit ay /ametleemu.

SEKARIA 12:10

«Aníng múk doó Daudi nee yaamuloouusér Yerusalemu i qeeruú i haniís oo firo nee oo gurtleemu, gawaá adoorihe, qoomár kudá' naa mutiyé' burngwa i qaytsitiyé', inooín nguri satsuunqumisiyá', adór hee na/aywós oo kilós ngur santsuunqumisi, inooín nguri sa/a/amná' adór heé na/aywós oo baris ngur alee/aa/amaamin.

Matayo 21:29

Garmaadá' iri oó', ‹Ka hhoo', baabá.› Ala aa daqayká.

Matayo 21:32

Asma Yohane nina dirhúng i hardáh ar loohír gan'amu, kuungá' kuri haratlinti'i'iiká. Ohomuusér koódi nee tsaatuuseero kuri haratlintií'. Kuungá' adoodá' kawa aandé' tam sleeme aga hhu'u'uundi'iiká as kuwa haratlintia'.»

Matayo 3:2

«Hhu'u'umé', asma waawuti'iimár Mungú naa naká/.»

Matayo 4:17

Iimír qoomaadá' wa tleemu Yesu axweesantá Mungú gari iimu/ún dahareemisuuwo, iri káh, «Hhu'u'umé' asma waawuti'iimár doori naa naká/.»

Matayo 5:48

Gawaá adoorihe kuungá' masók a múk ganaá', adoodár Baabuúhúng kuduú gawaá doori ir ganaai.»

Matayo 7:25

Tluwaay iri tluúw, yau niri wa/iyé' amór dó' i alé, nee fur'a guri i fukuukú', ala do'dá' aa huuiiká, asma koo/irós kaa tleéhh gawaá daanduú tlaa/a.

Marko 1:1

Gaarí a iimu/úngw Ya/abtór hho' daanduú Yesu Kristo, Garmoó Mungú.

Marko 6:12

Gawaá adoorihe Ya/abtór hho' kari alki/iít, as muu sleémeero iwa hhu'u'un.

Luka 6:48

Slaqsaywós a adór heé doó tleéhh, gway yaamií foola hhe'eés, iihafiirír do' gan tleéhh gawaá tlaa/a. Duxér ma'aay niwa wá/, ma'aay do'dá' nguna i dahiyé' ar /uuru, ala do'dá' ngwaa dingisi'iiká, asma gwaa gawdeés tleehhamooro.

Yohana 12:44

Yesu iri tseé' ar afór ur, iri oó', «Hee bar aníng iga haratlintií', heé aa haratlintií' a aningeeká, ala a kudá' aníng iga ya/aaw guna haratlintií'.

Yohana 14:1

«Ma amoqwaqwadiimara' baraá munerhunge. Kuungá' Mungú ugwa haratlintié', án na haratlintiaré' sleeme.

Yohana 5:24

«Án a kah, heé axweesante'eé' ga axamiís, nee kudaádá' aníng iga ya/aaw guri haratlintii', slafíngw alhhe'eesay wásl gu kón, slám i dahiiká baraá sakwasleema. Ala ina waaraáhh ar baraá gwa'ara, iri hardáh baraá slafiingw.

Tlehhema'aá ya/Abuuse 11:18

Axweesantí kawa axaás tari xasliít, Mungú kuri xirfeés, tari oó', «Laatí Mungú tam múk xoordaá hatlá' sleeme gwa pa/ángw i haniís oo hhu'u'uungw, as slafiingw nguwa slaya'.»

Tlehhema'aá ya/Abuuse 17:30

Qoomaadá' iimi kawa boó/, Mungú muruuwí guna al qiqtlín, asma tawa adór muruú i ga/ayká. Ala hamí muu sleémeero umuúqo diiro gun ádbabáy tawa hhu'u'un.

Tlehhema'aá ya/Abuuse 2:38

Petro iri oó', «Hhu'u'uumé', tundu baatimiisi ar umuú Yesu Kristo, as tlakweemaahúng kiwa gurtlay, nee daqaní kuungá' Qeeruú hhoohhoó' oo Mungú u sleerá'.

Tlehhema'aá ya/Abuuse 20:21

Án múk Yahudi nee Yunaniro una ló'wa gurbuú' tlakweemaaín kiwa hhu'u'n dír Mungú i hhu'u'un, nee Aakoorén Yesu Kristo kuwa haratlintii'i.

Tlehhema'aá ya/Abuuse 26:20

Án kángw Mungú una alki/iít har geeraawo dír múk Damasko. Aluuwo baraá Yerusalemu tin wa alki/iít, nee baraá yaamu sleémeero awa Yudea, nee dír múk xoordu sleeme, as tawa hhu'u'un nee Mungú kuwa i warqay, nee tlehhma'aá nee hhu'u'ungw'ín ti slawá' kiwa tleehhi.

Tlehhema'aá ya/Abuuse 3:19

Gawaá adoorihe kuungá' hhu'u'uumé', nee ki/é' amór Mungú, as tlakweemaahúng kiwa fiitsi. As kahhó' qooma niwa hardat ar Aako nuwa qwal/asi dír geeraawose,

1 Korinto 13:10

Ala tidá' ganaa' binda hardát, muruudaá /aaruy sleémeero iri waaraahh.

1 Korinto 2:6

Ala sagalooa i deer ar atén ta axweesaan dír múk aa kwa/i baraá slafíngw qeeruuwo. Ala sagalooarí atén ta axweesaan ti slasleeraaká nee sagalooár yaamuuká'. Slám ti slasleeraaká nee sagalooár mukdá' aleesleemuú koóm baraaká' yaamuwo. Asma inooín kaa qaroó sakwasleemuút kiwa qwaareesi.

2 korinto 7:1

Sla'aaruuser'eé', al'axweesantí sleémeero a toorén. Gawaá adoorihe, atén ti kilootén hhoohhooeesaán baraá umuúqo slasla/aruú gawaá slaqwa nee oo baraá qeeruuwo. Nee tawa hootaan ar slafíngw ló'wa hhohhó', Mungú kuwa ilaiwawa/aan.

2 korinto 7:10

Asma gurhaamír adoodá' Mungú aa slaá', gár i huwahup a hhu'u'ungwdá' ba/amár huwahuúw. Heé gurhaamír adór tí gaa slay, inós i ooiiká gurhaamirí geera alók ana slawiiká. Ala gurhaamír adoodá' yaamu i slaiya', gár i hup a gwa'ara.

Efeso 2:1

Aáng kuungá' aga qatlé' baraá munerhunge asma dakumisuuhúng nee tlakweemaahúng.

Efeso 2:5

asma inós atén tina slafís dinkwa nee Kristo, qoomár atén tawa múk aa qaatl baraá muneerene as tlakweemaarén. Gár tundusa ba/amís a gurtleemuú Mungú.

Efeso 4:12

Gadiyér'ín a tí, múk hhohhó' oo Mungú kuwa amohhe'eemisi, as inooín Mungú nguwa sagadiyusiya', as slaqwtá Kristo kawa kwa/amisi.

Kolosai 1:28

Inós an kwí ni alki/iitaan, muu sleémeero un gurbu'uumaán. Umuúqo heewo un intsaahhatimiisaán ar sagalooa sleémeero tidá' Mungú ni amoorén i hanmiisi. Asma gár ta sla'aan a umuú heewo un amohhe'eemisaán iwa sihhiiti dír geeraá Mungú tawa heé aa kwaa/ baraá Kristoowo.

Kolosai 3:14

Ala ak aleeró ti sla'aslae', asma sla'aari an gár mura' sleémeero gu haragaamiis ar baraá wakleeli'iimár ganaa'.

Kolosai 4:12

Epafra kuungá' nu intsihhiimiis. Inós a heehúng. Slám a lawaalmoó Kristo Yesu. Umuúqo daqto inós kuungá' nun aleeslaaqw baraá firooro, as kahhó' kuungá' tawa sihhita' nee tawa kwa/a' baraá haratlintaaooro, nee umuúqo gár Mungú i slai kawa tsahha' nee kawa eehada'.

1 Timoteo 3:16

Ar ló', naaqór haratlintaaoorén ka ló'wa ur. Mungú kuna geehhooatís ar slaqsoó hee. Gan'amuuwós kuna laqán nee Qeeru. Inós kuri ár nee malayke. Kaangós kuri alki/iít dír xoorduuwo, inós kuri haratlintií' baraá yaamuwo, kurir tláy gawaá doori.

1 Timoteo 6:19

Gawaá adoorihe inooín ti daqaari'iimár i slayá', daqaari'iimár ló'wa hhoo' ar qoomaadá' xaw, as slafíngw ló' kuwa slay.

2 Timoteo 2:19

Ala iimu/úngw haratlintaao aa sihhiít, kudá' Mungú aa qaroó qaás. Iimu/uungwí layár kway gooín a tí, «Aako mukós gu xuu',» nee slám «Umuúqo heewo oo umuú Aako gu ateetiím, tlakweema ngi may.»

Ebrania 11:6

Ala heé haratlintaaór koomaaká, Mungú qwal/atisaro gu aleeslayká. Asma heé amór Mungú káw, gár kuwa hariím a in haratlintii' adór Mungú ir deér, nee Mungú mukdá' inós gu leelehhiít gu qeemií haniis.

Ebrania 12:13

Lohudaá ya'aahúng qwatsaak, as yaaeedá' aa sol'ot miwa qét, ala masók a kan hungu/uus.

Ebrania 7:11

Ala hám daxta hara'aya sleémeero, tidá' taa amór múk i haniís, iimu/uungós a hara'ayaadá' taa haniís daanduú kaahamusi'iimár Mungú ar tlahhoó Laáwi. Ala gár yaahasár slaa' i deer diirihe. Barnaxes kahamuusi'iimarír Mungú ar tlahhoó Laáwi bir gan'amuú huwahúp, kaahamusmoó adór hatlá' gár nisa hardáh a milá? Asma kaahamusmoowí a adór Aroniwooká, ala a adór Melkisedeki.

Ebrania 9:14

xáy, tseerér Kristo tí ga ló'wa bá/áke? Asma inós tina kilós haniís dír Mungú ar /uuruú Qeeruú alhhe'eesay wásl as tawa ilahhooár xaslxaansli wasl. Tseereerós muneerén ga hamátl nee tlehhema'aá slafíngw kooma'aaká, as masók atén Munguúdá' slaáf kuwa sagadiyuusaan.

Yakobo 1:4

Ala qiqtliingw gadiyér ganaa' ngi tleehhi, as masók kuungá' tawa múk ganaá' baraá umuúqo gaaro, nee tawa múk qoóm, slám kuungá' gár nuwa /aaruw i káhh.

1 Petro 1:21

Kuungá' Mungú ugwa haratlintié' ar inós, Munguúdá' inós gwa waaslee/atis baraá múk aa qaátl wa ale, guri xirfuú i haniís. As kuungá' Mungú kuwa haratlintia' nee kuwa haraxua'.

1 Petro 5:10

Alaá bur tunda slahh'eemiís deelór niinawe, daqaní Munguúdá' tsuuqa sleémeero gi tawó hanmiís, kudá' kuungá' naa ateet as xirfuuwós kuduú alhhe'eesay wásl kuwa sleera' ar loohír Kristo, inós kungá' nu aleesleemuú i haniis nee nu gawdees, nu /uurií haniis, nee nu sihhitis baraá haratlintaaooro.

1 Yohana 4:12

Heé Mungú gwa baloó ar i kaahh. Atén birti sla'asla'aán, Mungú i baraarén wa hoot, sla'aarirós iri ganá' baraarene.