Ebrania 5:9 - Biblía Axweesantá Hhohho' ar Mungú 2004

⁹ Gawaá adoorihe inós kuri bu'uutiís nee Mungú. Bu'uutisaro kuwa hhe'eés, inós tari heé ba/amár alhhe'eesay wásl ngaa huuw dír mukdá' sleémeero inós ngu iialooemisa'a.

Ya/abtór hho' 1977

⁹ Gawaá adoorihe inós kuri bu'uutiís nee Mungú. Bu'uutisaro kuwa hhe'eés, inós tari heé ba/amár alhhe'eesay wásl ngaa huuw dír mukdá' sleémeero oo inós ngu iia looemisa'a.

Ebrania 5:9 Iomraidhean Croise

WARA'AMI 45:17

Umuuwók in iiaatleerúy baraá qari sleémeero as aníng. Gawaá adoorihe xoordu kuúng uri xirfayemiisiyá' ay kureerisleém.

WARA'AMI 51:6

Qaytsiít, kuúng tu sla'atimis nee looeemaá baraá muuná, kuúng aníng intsaahhatisáng sagalooaroge.

WARA'AMI 51:8

Qwala/ nee bar/uuwo hatsiisáng. Tam iga fadu giqeeri ar muxta, aníng kuúng u sa baraá/.

ISAYA 45:22

Amor'eé' ki/aare' nee tundu ba/amisi, kuungaásíngaá ku/iyaá yaamu sleémeero. Asma aníng a Mungú, Munguú hatlá' i kaahh.

ISAYA 49:6

i kaahi, «A gár ló'wa niina kuúng tawa sagadiyusmooeé', oo tlahh'aá Yakobo gi gáwtí tleés, nee mukdá' aa meet oo Israeli nguwa ki/is. Ala aníng kuúng sleeme un gwa/aateemaá xoordu tleéhh, as ba/amar'eé' iwa hardat ay ku/uyaá yaamu.»

ISAYA 50:10

Baraá tla/angwhunge heé AAKOÓ MUNGÚ gu ilaiwawaá/ i deéro, nee oo afór sagadiyusmoowós ga iialooeemiís, kudá' baraá giwtír wa hi'iimiít nee gwa/aateemaá koomaaká, tam adoorihe haandá' umuú AAKOÓ MUNGÚ gun harahhifiit nee Munguúwós guri haratlintatii'?

ISAYA 55:3

Iaahúng qaasaak, nee amor'eé' hardahare'. Aníng iiárií qaasaré', daqaní a hotá'. Aníng alqadór alhhe'eesay wasl a tleéhh nee kuungá', sla'aarir'eé' ar warqawaaká tidá' ló' dír Daudiwo.

DANIELI 9:24

«Afiqoomár wiikadaá mibeeri faanqw, kaa qaás as mukók nee daanduú gixsarók tidá' hhoohhoo' as dakuús kawa faaki, tlakweema kiwa gurtlay, nee gan'amuú alhhe'eesáy wasle kunguwa huwi iigu'utu nee aaru'uuma kiwa dugunó i qaasi, nee didá' ló'wa hhoohhoo' kawa di/tí qaasi.

SEKARIA 6:15

«Múk sawén ni hardah as niwa alee/isoó tlehhmuú Doó Mungú ay.» Kuungá' kari tsahhá' adór AAKOÓ MUNGÚ Aleesleemusmo ira amorhúng i ya/aáw. Muruuwí i tleehharuut bar kuungá' aga ilakaaharesé' afór AAKOÓ MUNGÚ, Munguúhúng kawa iialooeemisa'.

Matayo 17:5

Qoomár tawa axweesi, huunkír /awaak gina mahhtír i tléhh. Afo nina baraá huunkidá' wa ilawáts i kat, «Kwí a Garmaaeé', sla'aarusmooeé' oo aníng iga qwal/atis. Inós iiárií qaasaak.»

Luka 13:32

Yesu giri báy, «Tlawsé', intsangwdá' ku beera', ‹Iia qaaseek, laarí nee matlo aníng a neetlaamér duxuúm, nee tiqtuuse ngiwa hungu/umiis. Ala bál tám gadiyér'eé' a boo/eés.›

Yohana 19:30

Yesu difaáidá' qarqaar ngiwa sláy, iri oó', «Aa hhooeér.» Saga guri xupu'uús, muunaáwós iri /eét.

Tlehhema'aá ya/Abuuse 3:15

Kudá' úr oo slafiingw kuri gasé', ala Mungú guri waasle/atís baraá múk aa qaátl wa ale, nee atén a lamabu'uusér waasle/uuwí.

Tlehhema'aá ya/Abuuse 4:12

Asma ba/ama i káhh dír heé hatlae, slám umuú hatlá' i kaahh baraaká' yaamuwo oo taa múk i haniís, oo atén tar ba/aman.»

Tlehhema'aá ya/Abuuse 5:32

Nee atén a lamabu'uusér muruuwí, dinkwa nee Qeeruú hhoohhoó', kudá' Mungú aa haniís dír mukdá' sleémeero inós gu iialooeemiís.»

Rumi 1:5

Mungú aníng ina tsuuqaá i haniís niwa ya/abusmo tleehhiit as Kristo. Adoorí gana tleéhh ar loohír Kristo, as aníng xoordu sleémeero ngiwa geerahaar amoorós, as nguwa haratlintii'iya', nee nguwa iialooeemisiya'.

Rumi 10:16

Ala a mukdá' sleémeerowooká oo Ya/abtoodá' gaa iialooees. Asma Isaya i kaahi, «Aáko, ya/abtoodá' inooín naa axaasiyé' dirén wa ale, heé gaa haratlintii' a heemá?»

Rumi 15:18

Ala aníng gár ooaro ni qiitl i káhh daanduú gár hatlae, ala aqo har tidá' Kristo aa tleéhh kilós, ar loohír aníng, as múk xoordaá hatlá' nguwa amór Mungú i huwi, as inooín Mungú kuwa iialooeemisi. Gadiyeérí aníng ana tleéhh ar axweesani nee ar tlehhmi'i,

Rumi 2:8

Ala awa hatlá' a múk qahuuse nee kudá' looeema ngaa si'iye' as muruú tlákw nguwa eeharahariya', Mungú buhhtaawós nee xarasleemaawós ga ku'uus gawaá múk adoorí.

Rumi 6:17

Ala Mungú ku xirfayeesi. Asma kuungá' aáng a lawaalér tlakweema. Ala hamí intsaahhasadá' taa ilaoté', aga ló'wa iialooesé' ar mune sleémeero.

2 korinto 10:5

Nee slám gár atén ta fee/itaan a umuúqo inslawaywo, kudá' il/aám, oo daara/ángw koóm, oo taa tleéhh as hee kángw Mungú munguwa xuú'. Atén umuúqo inslawaywo un ohiimaán, nee kuwa iialooesaan dír Kristo i alé.

Filipi 2:12

Sla'aaruuser'eé', án qoomár niwa dirhúng i dirii', kuungá' axweesante'eé' ana iialooeemisé' umuúqo daqto, ala a qoomár aníng niwa dawaaká kilós. Gawaá adoorihe gadiyuusé' ar dae nee daaraxaay, as ba/amarhúng kawa boo/esa'.

2 Tesalonike 1:8

Qoomaadae tsángw asla iri deeruut. Inós mukdaádá' Mungú gwa xuiiká guri sakwasleemuut, nee kudá' Ya/abtór hho' ar Aakoorén Yesu nga iialooeesiiká.

2 Tesalonike 2:16

Aakoorén Yesu Kristo inósuú kilá' nee Mungú Baabuúrén, kudá' atén ti slaa', nee slám gurkwa/asár alhhe'eesay wasl ngaa haniís ar baraá sla'aarirós, nee haraxu'utír hhooe,

2 Timoteo 2:10

Gawaá adoorihe aníng umuúqo gaaro an saqiqtliím as múk taa tsawaár oo Mungú, asma inooín sleeme masók alhhe'eesaywo ba/amadár baraá Kristo Yesu i dirii' ngiwa slaya', dinkwa nee xirfuuduú alhhe'eesay wásl.

Ebrania 1:14

Gawaá adoorihe malayke sleémeero a qeeru. Inooín kaa ya/aáw nee Mungú as mukdá' ba/ama ga sláw nguwa sagadiyuusiya'.

Ebrania 11:40

Asma Mungú gár ak hhoo' gaa amohhe'eés iimír aáng wa ale as atén. Inós gár i slai a boo/eesár axweesantós inooín makawa i giirín hardahamuuwo ta atene, ala masók an al i hardahaán.

Ebrania 11:8

Abrahamu sleeme a heé haratlintaaór koóm. Inós kuwa ateét, ateetamór Mungú gari iiárií qaás, iri tláy dír yaamuuwós wa ale, iri hardáh ay dír yaamuudá' Mungú aa al'axweés dirós i alé ngiwa aali. Slám iri tláy yaamuuwós wa ale, ala amór i kay ga xuiiká.

Ebrania 12:2

Atén gár tiwa hariím masók a Yesu un ga/aawaán umuúqo siiwaro. Asma inós an iimu/úngw haratlintaaoorén, nee slám inós haratlintaaoorén ga boo/ees. Inós qwal/uudá' gu daamaaraám guna ár. Gawaá adoorihe gwa'arár msalaába gari qiqtlín, tam murér gwa'arár adoorí ga gaárií xuiiká. Nee hamí aa iwiít bihhaá dákw doó /iyáy oo kitangwduú aleesleemu oo Mungú.

Ebrania 2:10

Mungú an kudá' mura' sleémeero gwa tleehh, nee slám inós an kudá' mura' sleémeero gu amohhe'eemiís. Slám Mungú gana slaá' na/aá yaariir ngiwa hardahaasi dír xirfií alé. Gawaá adoorihe, dirose a gár hariim Yesu nguwa bu'utisi ar loohír slahh'amaaye. Asma Yesu an kudá' muu gu geerahaár amór ba/ama.

Ebrania 2:3

Gawaá adoorihe atén sakwasleemaro adór tar /uwaan a adoomá, bar ba/amár ur ar adór tí a gaárií xuanaaká. Ba/amarí geeraawo kana alki/iít nee Aako inósuú kilá'. Nee aluuwo kingiri diréní lamabu'ún nee mukdá' gaa dír Aakoó wa axaas adór tar ló'.

Ebrania 9:12

Slám inós aa dahiiká baraá heéma i alé ar tseerér gurtaawe nee ar damaay, ala ina dáh sagaáwa wák kilós didár hhoohhoó' i alé ar tseereerós ar kilá'. Gawaá adoorihe ba/amár alhhe'eesay wasl gana tleéhh.

Ebrania 9:15

Asma aáng Mungú al'axweesani gana dír mukií haniís ar aalír alhhe'eesay wasl kawa slay. Ala muu Mungú guna sadakuús qoomár alqadoodár geeraawo. Kristo iri gwaá' as muu nguwa gweeri baraá tlehhemi'ii'ín kudae. Gawaá adoorihe Kristo an haraki/isusmoó alqadór /aben, as mukdá' taa ateét nee Mungú al'axweesantadá' Mungú aa oó' kawa slay.

Ebrania 9:28

Adoorí an adoodár Kristo sleeme ku laqi. Inós kuna ilahhooár wa haniís sagaáwa wák wa ale as tlakweemaá múk yaariír ngiwa hingeesi. Inós nin malé ti'iit baraakaá yaamuwo sagaáwa tsár wa ale. Ala gár nis hardihi a tlakweema hingeesarooká, ala a mukdá' inós gu daamaaraám nguwa ba/amisi.

1 Petro 1:22

Kuungá' taa hhoohhooesé' asma looeema kiwa ilaiwawa/é', as tawa hota' ar sla'aarír hhaahhafiingw wasl dír hhaeewo. Gawaá adoorihe kuungá' ti ló'wa sla'aaslae' ar mune sleémeero.

1 Yohana 5:20

Garmoó Mungú adór nira hardáh, atén a xuaán, nee inós fuquraangw ngwa haniís oo inósuuduú Munguú ló' kuwa xuaan. Nee atén a baraá inósuuduú ló' i diriiaán, as tawa baraá Garmaawós Yesu Kristo. Kwí an Munguú ló' nee slafíngw alhhe'eesay wásl.

Yuda 1:21

Kuungá' kumiité' baraá sla'aarír Munguhe, nee slafíngw alhhe'eesay wásl kuwa daamaaraanda', kudá' Aako Yesu Kristo ni haniisi ar gurtleemuuwós.