Ebrania 5:14 - Biblía Axweesantá Hhohho' ar Mungú 2004

¹⁴ Ala muruú /aymár gawdén a oo múk urén. Asma inooín muruú hhó' nee oo tlákw kwaa intsaáhh partlituuwo.

Ya/abtór hho' 1977

¹⁴ Ala muruú /aymár gawdén a oo múk urén. Asma inooín muruú hhó' nee oo tlákw kwaa intsaáhh tsatsahhaango.

Ebrania 5:14 Iomraidhean Croise

IIMU/UUNGW 3:5

Asma Mungú ga xuu' bál kuungá' mamaá xa'anoowí bira /agé', ilaahúng ki gwa/atis, kuungá' tari adór Mungú tleehhitá', muruú hhó' nee oo tlákw kuwa xua'.»

2 SAMUELI 14:17

Anír sagadiyuso'oorók ana baraá muunaáeé' oó', ‹Axweesantá aakooeé' waawutmo in waydií hanís baraá muunaáeene.› Asma kuúng aakooeé' waawutámo, kuúng a adór malaykamoó Mungú baraá tsaahhár muruú hhó' nee oo tlakwe. AAKOÓ MUNGÚ, Munguúwók, masók a dinkwa nee kuúng.»

1 WAAWITÁ 3:11

Mungú Solomon guri báy, «Asma kuúng /aymuuwí kuwa firiín, sleeme tam slafíngw deelór yaariir ugwa firiindiiká, tam daqaari'iima aga slaiká, hhintleemaá wakuuse iga slaiká qwaareesaro, gár kuúng taa slá' a sagalooár qaa/oó muu kuwa tlaq ar adór ganaa',

1 WAAWITÁ 3:9

Gawaá adoorihe, anuú sagadiyusmoowók sagalooár i haniisáng as qaa/oó mukók nguwa tlaaq, muruú hhó' nee oo tlákw nguwa paraatl. Asma a heemá heé muruú mukók kwí yaariír gu aleesláw tlaquuwo?»

YOBU 12:11

Ahaá iia axweesani ga tsatsahhandaakáhe, adoodá' tsifraangw muruú /ayma ngur tsaqamin.

YOBU 34:3

Axweesantá tsuu' gár kar tsahh a iia, adoodár muruú /aymár tsuú' gár kur tsaahhi tar tsifraangw.

YOBU 6:30

Kuungá' kawa xua' aníng a lamusmoówo? Laqaá kawa xua' aníng slahh'amu una tsaqiikáhe?»

WARA'AMI 119:103

Axweesantók aga tsaáq i tsú', i nuqnúq adór danuú ba'ari ba/a.

DAA'AANGW 1:3

Mooyángw di/tók tidár slikiingw naa tláy, Umuuwók a adór mooyángw taa tsipipi'iís, an gár /ameena kuúng us sla'.

DAA'AANGW 2:3

Sla'aarusmooeé' baraá tla/ángw daaqaywo a adór xa'anoó tofaá'a oo baraá tla/ángw darma, aníng a qwalalaá/ niwa huungu/uus dír mahhtirós, nee mamuuwós bira tsaáq i ló'wa tsuuiyá'.

ISAYA 7:15

Inós ilwaá oonganáy nee danuhe gin /aay, ay dír muruú tlákw ngway xui si'imaawo, nee oo hhó' tsawaararo.

Matayo 5:48

Gawaá adoorihe kuungá' masók a múk ganaá', adoodár Baabuúhúng kuduú gawaá doori ir ganaai.»

Rumi 14:1

Heedaádá' haratlintaao niiná alee/iisaak, ala mu sakwasleemuutara' as xu'utirós tidá' i kon.

1 Korinto 2:6

Ala sagalooa i deer ar atén ta axweesaan dír múk aa kwa/i baraá slafíngw qeeruuwo. Ala sagalooarí atén ta axweesaan ti slasleeraaká nee sagalooár yaamuuká'. Slám ti slasleeraaká nee sagalooár mukdá' aleesleemuú koóm baraaká' yaamuwo. Asma inooín kaa qaroó sakwasleemuút kiwa qwaareesi.

Efeso 1:18

Aníng a firiiriím inós ilaahúng awa qeeru ngiwa gweeri, as harahhifór ateetmorhúng kawa tsahha', nee daqaari'iimár xirif ar aalirós adór i diri' baraá múk taa hhoohhooeesi.

Efeso 4:13

Gawaá adoorihe atén sleémeero wakleeli'iima a i hardahaán as Garmoó Mungú nguwa haratlintiaán nee nguwa xu'uti hhe'eesaán, tam atén tari kwa/aán baraá heeuumarene, ar uraydá' ta slawaan as tawa ganaa'aan baraá Kristowo.

Filipi 3:15

Ateéká' sleémeero awa ganaa'á', gár tiwa hariím a adoorí an inslaslaawaán. Ala kuungá' bar adór hatlá' aga inslasleeré' gawaá umuúqo gaaro, Mungú muruudá' ngu kuungá' i geehhooatis.

1 Tesalonike 5:21

Mura' sleémeero iiaraagáy, oo hhó' ku otá'.

1 Timoteo 4:7

Ala kuúng ti harmagahh nee tiitadár slasla/aren, tiitadá' amami'i, tidá' hariimaaká alki/ituuwo. Kuúng intsahhaám Mungú kuwa ilaiwawa/ baraá slafiingoge.

Ebrania 6:1

Gawaá adoorihe intsaahhasadá' sleémeero ar iimu/uuma daanduú Kristowo masók an alií geexawaán, nee tari geerií kumiitaán baraá intsaahhasadá' hee gu kwa/as baraá slafíngw qeeruuwo. Atén a sla'aanaaká intsaahhasadár iimu/uuma kawa malé inki/aan, tidá' hee iwa hhu'u'un nee tlehhma'aá slafa'aaká ngiwa may, nee Mungú nguwa haratlintii'i;

Yakobo 3:2

Asma atén sleémeero a dakumaamisaán baraá muruú yaariire. Heé dakumiisaaká baraá axweesanto, inós a heé ganaá', a heé slaqwtós sleémeero ila/aro ga aleesláw, nee geeraharto.