Ebrania 5:13 - Biblía Axweesantá Hhohho' ar Mungú 2004

¹³ Umuúqo heewo oo ilwaá wa hariím a na/aay, gár ganaa' nee ar tlaakwe paratlaro ga aleeslayká.

Ya/abtór hho' 1977

¹³ Umuúqo heewo oo ilwaá slaá', inós a na/aay, nee iidíguú gár ganaa' nee ar tlaakw ga tsaahhiiká.

Ebrania 5:13 Iomraidhean Croise

WARA'AMI 119:123

Ilaaeé' naa ma/utiyé', ba/amisáng, u daamaraám, a daamaraám tidá' taa ó' kawa boo/es.

ISAYA 28:9

Inooín aníng in niqimiisiyá' iwa yaahamisiya', «Heé i intsaahhatisi a heemá? Heé i ya/abtoórí ooi a heemá? A na/iidá' naa sangw /oní'i? Kudá' taa sangw iseemaá /íti?

Matayo 11:25

Qoomaadae Yesu iri axweés iri oó', «Aníng kuúng u sluufiís, Baabá, Aakoó doori nee yaamu, asma muruuwí ugwa lú/ dír múk sagalooár kooma nee fuquraangw, kuri laqaán dír na/aá ninakw.

Marko 10:15

Án a kah, heé waawuti'iimár Mungú gaa ya/aniká adór na/oó niinár ale, i dahiiká baraá waawuti'iimarihe.»

Rumi 2:20

geeraharusmoó múk gár xuaaká, nee intsaahhatusmoó na/aá ninakw, asma kuúng xu'uti sleémeero nee looeemaawo i koón baraá hara'ayár Mosewo.

1 Korinto 13:11

Qoomár án tawa na/oó niiná, ana axweés adór na/oó niiná. Nee mura' una tsatsahhaám adór na/oó niinár alé. Nee mura' una aldakuút adór na/oó niinár alé. Ala qoomár niwa uráw, lohuudaá na/uuma ina máw.

1 Korinto 14:20

Hhaee'eé', kuungá' masók a adór na/aá ninakweeká baraá fuqureerihunge. Baraá muruú tlakwe kuungá' masók a adór na/aá ninakw, ala baraá fuqureerihunge kuungá' masók a múk urén.

1 Korinto 3:1

Ala hhaee'eé', aníng niwa axweés dirhúngií alé, aga aleeslawiiká niwa axwees ar adoodár /iisí nir axweemaamiis dír múk Qeeruú kooma. Ala ana dirhúngií axweés ar adoodá' nir axweemaamiis dír múk Qeeruú koomaakahe, nee ar adoodá' nir axweemaamiis dír na/aá ninakw baraá Kristowo.

2 korinto 3:9

Gadiyeédá' sakwasleemár alki/iit daandeemoorene barnaxes xirfuú úr oo adór kwí gu koón, xáy, gadiyeédá' atén ti ádbabaw tiwa gan'amií harafaari, xirfuuwós ku ak úreéke?

Efeso 4:14

Daqaní atén a kumiitanaaká adór na/aá ninákw wa ale, tiwa kwakwaahhi nee gwaanduú ma'aay umuúqo barto, nee tiwa huwahuwi nee fur'ár intsaahhatimisuú dimbadimbé oo lama, oo mukdá' ti al/agiím. Inooín an kudá' atén ti qwaareesár wa sla'á' ar al/aymar'ín.

2 Timoteo 3:16

Gooi sleémeero i hiinsluú Mungú koón, nee i hariín muu nguwa looeemaá i intsaahhatimis, nee muu nguwa afa dukuun nee nguwa qwatsiin, nee slám muu nguwa geeraharahat as slafíngw ganaá' kuwa ar hooti.

1 Petro 2:2

Adoodár na/aá qaweero ilwa ngir ilatleeruumaamisiya', kuungá' sleeme ilwadaá ló' awa axweesantá Mungú, ilatleeruusaak, as kuungá' axweesantí nuwa ureemis ay dír ba/ama kay i hardata,

2 Yohana 1:11

Asma heé gu taaqweemiís, in dinku'uumiis baraá tlehhemi'iiwós kudá' tlakw i tlehhiiti.