Ebrania 5:1 - Biblía Axweesantá Hhohho' ar Mungú 2004

¹ Umuúqo kaahamusmoó úr oo Mungú kun tsawaar baraá tla/ángw múk wa ale. Kuri qaas tawa heé Mungú sagadiyuús daandeemooín wa ale. Inós muruudá' muu naa qeemuú wa huúw nee ilahhooár muruú ta tsu/i, guri huuw dír geeraá Mungú as tlakweema.

Ya/abtór hho' 1977

¹ Umuúqo geeraharusmoó úr oo saalíngw múk Yahudi kun tsawaar baraá tla/ángw múk wa ale. Kuri qaas tawa heé Mungú sagadiyuús daandeemooín wa ale. Inós muruudá' muu naa ilahhooár wa huúw guri huuw dír geerá Mungú, nee hikwaadá' tinda huúw sleeme, kudá' ta tsu/i as tlakweema.

Ebrania 5:1 Iomraidhean Croise

TLAHHOÓ LAÁWI 8:2

«Aroni ar tlaweek nee daaqaywose, nee tlabadaá kaahamuuseero, nee dí/tá kir iimbalaxa nee awuú ilahhooár tlakweema hingeesaro, nee gwaandaawe tsár, nee lakwaantír mikaátér taa sluuftisiiká.

TLAHHOÓ LAÁWI 9:7

Naagáy Mose Aroni guri báy, «Kitángw ilahhooa i tseewuweek, as ilahhooarók ar tlakweema hingeesa nee as ilahhooár da/ato kawa hanis, nee haraki/isa tleehheek as kuúng nee as xoorór Israeli. Kuúng ilahhooár muu haniiseek nee haraki/isa tleehheek as inooín, adoodá' AAKOÓ MUNGÚ ngira hara'ayín.»

Rumi 15:17

Ala baraá Yesu Kristowo aníng gár tis xirfayeemiis a gadiyeédár Mungú ni tlehhahhiit.

1 Korinto 15:3

Kaangwí afhhamít aníng una ilaóh nguri kuungá' i oó'. Kaangwí an kwí, Kristo ina gwaá' as tlakweemaarén, ar adoodá' Gooi i kat,

Ebrania 10:11

Umuúqo kaahamusmoó Munguhe gadiyeérós gan tlehhahhiit umuúqo deelooro ar ilahhooadár muruú ta tsu/i ngiwa hanmaamisi umuúqo daqto. Ala ilahhooarí tlakweema hingeesaro gi baloó aleesleeraaká.

Ebrania 10:12

Ala Kristo ilahhooár wák kilós gana haniís as tlakweema. Ilahhooarí an tidá' hoot ay alhhe'eesay wasle. Adoorí tleehhamooro ngiwa hhe'eés, iri iwiít bihhaá dákw /iyáy oo Mungú.

Ebrania 11:4

Abeli Mungú guna haratlintií', ilahhooár ak hhoo' ar gár ta gaasi ta tidár Kainiwo gari amór Mungú i haniís. Mungú ilahhooár Abeli gari ya/án, gari ilaóh. Gawaá adoorihe Mungú Abeli gway lamabu'ún as haratlintaaoorós, adór tar heé ganaá'. Abeli tim aa gwaai ala tam laarí inós i kumiit axweesanto ar haratlintaaoorós.

Ebrania 2:17

Gawaá adoorihe inós gár kuwa hariím, a kun adór hhaeewós tleehh baraá mura' sleémeerowo, as kahhó' inós masók a kaahamusmooín oo úr, oo Mungú kudá' gurtleemuú koóm nee oo inkihhím baraá kángw Munguhe, nee ilaahhooár haraki/isa ngiwa haniisi as tlakweemaá mukós ngiwa hingeesi.

Ebrania 7:27

Inós a adór kaahamuuseedár hatlaeeká. Asma inós gár hikwaá ngis tsu/i umuúqo deelooro i káhh, adoodá' kaahamuuseedá' aáng ngira hanmís. Inooín ilahhooa kana geerií hanmiís, as tlakweemaaín awa kilá', aluuwo as tlakweemaá muu. Ala inós ilahhooár wák kilós ar bu'uut qooma sleémeero gana haniís sagaáwa wák wa ale as muu sleémeero qoomár inós kilós tiwa haniís.

Ebrania 8:3

Umuúqo kaahamusmoó úr oo Mungú kuna qaás as Mungú nguwa qeemií haniisi, nee hikwa ngiwa tsu/i ilahhooár wa ale. Gawaá adoorihe tam kaahamusmoorén kwí oo úr sleeme gár kus hariím masók gár i ilahhooár wa haniisi in deer.

Ebrania 8:4

Inós geera barnaxes in baraakaá yaamuwo, geera alók inós a kaahamusmoowooká. Asma kaahamuuse i deer, ar ilahhooár hanmamiis ar adoodá' hara'ayár Mose i kat.

Ebrania 9:9

Gaarí a slaqsaay oo qoomaarí ga laqaqaám. Gídaabárós a tí: Qeemuú ta hanmiisi dír Mungú i alé ar loohirí, nee hikwaá ta ilahhooár wa tsu/i munér mukdá' sluufmiís hhoohhooeesaro ngi aleeslay'aaká.