Ebrania 4:8 - Biblía Axweesantá Hhohho' ar Mungú 2004

⁸ Yoshua geeraawo bar muu ngwa dahaás baraá hungu/umaá ló', Mungú geera kángw baalár hatlá' ngwa ooiiká.

Ya/abtór hho' 1977

⁸ Yoshua geeraawo bar muu ngwa dahaás baraá amohhooár i alé, Mungú geera iidíguú deelór hatlá' ngwa ooiiká.

Ebrania 4:8 Iomraidhean Croise

1 QOM'I 7:27

Elishama ina laqwaál Nuni, Nuni ina laqwaál Yeshua.

WARA'AMI 105:44

Yaamaá xoordaá hatlá' gay haniís gadiyér muu kari aál,

WARA'AMI 78:55

Xoordu giri guús geeraaín wa ale, yaamuuín giri qasmiís, digeemi giri qoomeemeés, nee tlahh'aá Israeli gina iwiitiís baraá xafay'ín.

Tlehhema'aá ya/Abuuse 7:45

Aluuwo bariiseerén heémarí gari ilaaót dír baabi'ii'ín wa ale. Kari gagaarín qoomár kiwa geeraharahari nee Yoshua. Qoomaadae Mungú múk xoordu guri guús geeraá baabi'iirén wa ale. Baabi'iirén niri dahiyé' baraá yaamuudá', yaamuudá' ngiri hayohiyé'. Heémadá' iri hotaatiín baraá yaamuudá' wa ale ay qoomár Daudi.

DABE 12:9

Asma aga dati'iiká didá' tawa hungu/usa, nee baraá yaamuudá' ta ala', kudá' AAKOÓ MUNGÚ, Munguúhúng, nuy haniisi.

DABE 25:19

Gawaá adoorihe qoomár AAKOÓ MUNGÚ, Munguúhúng burna amohhooárí haniís dír wakuuserhúng sleémeero, nee burna dahaás baraá yaamuudá' naa dirhúng i haniís tawa aalirhúng, daqaní múk Amaleki sleémeero ku suquurá' baraá yaamuwo. Gaarí ma baloó gunqaareesara'.»

Ebrania 1:1

Mungú aáng aa axweés dír baabi'iirén ar afér aaruuse ki/imaá yaariire nee slám ar adór dimbadimbé.

Ebrania 4:9

Gawaá adoorihe hungu/umaá deelór Sabaáto i dayá', awa taa amohhe'eés as múk Mungú.

YOSHUA 1:15

Alee/iisaak ay dír AAKOÓ MUNGÚ yaamaá hhaeehúng tay hungu/uusi ngay haniisi, adór koohúng ngira haniís, inooín sleeme yaamaá AAKOÓ MUNGÚ, Munguúhúng, aa haniís kin aal, daqaní kuungá' tari ki/á' amór yaamuuhúng kudá' tinda haniís nee Mose sagadiyusmoó AAKOÓ MUNGÚ kudá' bihhaá da/ií diriiá' yaaér Yordaniro as kiwa ala'.»

YOSHUA 11:23

Yoshua yaamu sleémeero gina hayóh, ar adoodá' AAKOÓ MUNGÚ aa oó' dír Mose. Inós yaamu gay qasiís dír tlahh'aá Israeli, nee umuúqo tlahhaywo guna dirósí sláy. Múk Israeli iri hoót ar wayda.

YOSHUA 22:4

Nee hamí AAKOÓ MUNGÚ, Munguúhúng hhaeehúng gaa waydií haniís ar adoodá' ngira al'axweés. Gimsé' daxta kuungá', ki/é' baraá yaamuuhúng kudá' Mose sagadiyusmoó AAKOÓ MUNGÚ naa haniís kiwa ala', kudaá gayuú da/aáw yaaér Yordaniro.

YOSHUA 23:1

Alaá qoomár tleere AAKOÓ MUNGÚ xoorór Israeli gari waydií haniís, slaqwarár nee wakuuser'ín iri fák badu sleémeero, qoomaarihe Yoshua a aakoó kureeraá yaariir gaa /aay.