Ebrania 4:15 - Biblía Axweesantá Hhohho' ar Mungú 2004

¹⁵ Asma atén kaahamusmoó úr oo Mungú oo ta koomaan, atén ti gurtleemuú wa ara'ar baraá liitlakweerene. Asma inósuú kilá' kuna iiara'ár adór atén wa aleeró baraá mura' sleémeerowo, ala tlakweema gaa tleehhiiká.

Ya/abtór hho' 1977

¹⁵ Geeraharusmoorén kudá' úr oo saaliingw, inós atén ti gurtleemuú wa ara'ar baraá liitlakweerene. Asma inósuú kilá' kuna iiara'ár adór atén wa aleeró baraá mura' sleémeerowo, ala tlakweema gaa tleehhiiká.

Ebrania 4:15 Iomraidhean Croise

TI'INAANGW 23:9

«Hoomoó baraá tla/angwhúng hoót mu baramaanuusara', asma kuungá' adór hotaá dah'iima i dirii'iya' a xuá'. Asma kuungá' aáng sleeme dah'iima ana /agé' baraá yaamaá Misriro.»

ISAYA 53:9

Kuna foól dinkwa nee tlakuuse, baraá gwa'araro i dinkwa nee daqaare, tam handá' sagagawduú aa tleéhh i kahhi, tam sleeme afkose /aysantá aa tsaát i kahha.

HOSEA 11:8

Aá múk Efraimu adór nur geexaw? Án kuungá' múk Israeli adór nur sii'? Adór ngir aslaw nuwa adór gixsár Adma tleehh? Adór ngir aslaw nuwa adór gixsár Seboimu tleehh? Muunaáeé' aa warqáy, guruueé' aa ló'wa tláy.

Matayo 12:20

Daaír aa qwaambit ga geeqayká, slám taámbír quu' ga gaasiiká, ay dír kwasleemár ganaa' tidá' inós i huwi i baaliin.

Matayo 4:1

Yesu kuri huúw nee Qeeruú hhoohhoó' oo Mungú ay baraá darma, as kuwa iiaraa'ari nee Neetlaangw.

Luka 22:28

«Ala kuungá' an kudá' aga qiqtliinde' dinkwa nee aníng baraá iiara'aduueene.

Luka 4:2

as kuwa iiaraa'ari nee Neetlaangw. Inós i /ayaayinká deeloodá' sleémeerowo. Deeloodá' iwa fák iri qwariít.

Yohana 8:46

Heé baraá tla/angwhunge tlakweemaaeé' ngi laqaám a heemá? Nee bar aníng looeema ngi káh, kuungá' mas ya/a/aanda'aaká?

Rumi 8:3

Asma muruudá' hara'aya i aleesleeraaká tlehhmuuwo, muruudá' Mungú guna tleéhh. Asma hara'aya i /uuruú koondaaká, as adoodá' slaqoorén iwa tlakweemaá slaiya' tlehhmuuwo. Ala Mungú Garmaawós oo kilá' nguna ya/aáw. Inós slaqwa gari sláy ar slaqás nee tidár múk tlakweemaá koóm. Gawaá adoorihe Mungú tlakweema giri sakwasleemuút baraá slaqoorén awa tlakweemaá koomá'.

2 korinto 5:21

Heedaádá' tlakweemaá xuaaká, Mungú heedaádá' guna tlakweema tleéhh as atén, as atén tiwa gan'amií harafaari dír geeraá Munguhe ar loohír inós.

Ebrania 4:14

Gawaá adoorihe atén haratlintaaoorén tidá' ta koomaan masók an ló'wa oohaán. Asma atén kaahamusmoó úr oo Mungú u koomaán. Inós aa waaraáhh ar tla/ángw doori ay dír geeraá Mungú. Inós an Yesu, Garmoó Mungú.

Ebrania 5:2

A gár ya/aam inós tawa heé tsatsa'aár dír mukdá' liitlakwene nee oo aa dakuus. Asma inósuú kilá' ku liitlaákw baraá muruú yaariire.

Ebrania 7:26

Gawaá adoorihe Yesu an kaahamusmoó úr oo Mungú oo atén ti gaa wa buú'. Asma inós ku hhoohhoó'. Nee slám inós i tlakweemaá konká, nee i xaslxaanslír konká. Nee slám kwaa paraátl dír tlakuuseero, nee kwaa tsa/aás kway harwaarahhaás doori sleémeerowo.

Ebrania 9:28

Adoorí an adoodár Kristo sleeme ku laqi. Inós kuna ilahhooár wa haniís sagaáwa wák wa ale as tlakweemaá múk yaariír ngiwa hingeesi. Inós nin malé ti'iit baraakaá yaamuwo sagaáwa tsár wa ale. Ala gár nis hardihi a tlakweema hingeesarooká, ala a mukdá' inós gu daamaaraám nguwa ba/amisi.

1 Petro 2:22

Inós tlakweemaá aa tleéhh i kahhiyá', slám lama afkose gaa baloó ooiiká.

1 Yohana 3:5

Kuungá' a xuá' adór Yesu kungura geehhooatís tlakweema ngiwa hingeesi, asma inós i tlakweemaá konká.