Ebrania 4:10 - Biblía Axweesantá Hhohho' ar Mungú 2004

¹⁰ Asma heé aa dah baraá hungu/umaá Mungú, inós aa hungu/uús baraá gadiyeérose, adoodá' Mungú sleeme ira hungu/uús baraá gadiyeeduwose.

Ya/abtór hho' 1977

¹⁰ Asma heé aa dah baraá amohhooár Mungú, inós aa hungu/uús baraá gadiyeérose, adoodár Mungú sleeme ira hungu/uús baraá gadiyeeduwose.

Ebrania 4:10 Iomraidhean Croise

IIMU/UUNGW 2:2

Ay bál baalár faanqw Mungú gadiyeérós sleémeero gaa hhe'eés, tidá' sleémeero ar aa tleéhh. Mungú iri hungu/uús bál baalár faanqwe, gadiyeeduwós kudá' sleémeero ngiwa hhe'eés.

Yohana 19:30

Yesu difaáidá' qarqaar ngiwa sláy, iri oó', «Aa hhooeér.» Saga guri xupu'uús, muunaáwós iri /eét.

Ebrania 1:3

Inós an miiraa/ór xirfuú Mungú, nee an slaqsoó Munguú kilá'. Inós mura' sleémeero gun amohhe'eemaamiis ar axweesantós tidá' aleesleemuú koom. Tlakweema hamaatlaro ngiwa hhe'eés, iri iwiít dákw doó /iyáy oo Munguú Aleesleemusmo gawaá dooriiwo.

Ebrania 10:12

Ala Kristo ilahhooár wák kilós gana haniís as tlakweema. Ilahhooarí an tidá' hoot ay alhhe'eesay wasle. Adoorí tleehhamooro ngiwa hhe'eés, iri iwiít bihhaá dákw /iyáy oo Mungú.

Ebrania 4:9

Gawaá adoorihe hungu/umaá deelór Sabaáto i dayá', awa taa amohhe'eés as múk Mungú.

Geehhoeemaá 14:13

Aluuwo afór gawaá dooraá daahh ngiri axaás i kat, «Gooimeek, ‹Múk amohhoó' a kudá' qaátl baraá Aakoó i alé iimír hamí.› » Qeeru iri oó', «A ló', asma inooín ta hunguu/ alaá daawitimer'ine. Asma tlehhemi'ii'ín ti alkoná' nee inooín.»

Geehhoeemaá 6:11

Umuúqo heewo baraaine kuri hiyoó tleér i haniís oo /awaák. Kiri báy, «Kuungá' iwiiwité', deelór niiná kilós i káhh, ay dír faarór sagadiyuusér adór kuungá' nee ar hhaeehúng i bo/, kudá' ta tsu/i adoodá' kuungá' tundura tsuú/.»