Ebrania 3:7 - Biblía Axweesantá Hhohho' ar Mungú 2004

⁷ Gawaá adoorihe Qeeruú hhoohhoó' oo Mungú i kaahi, «Laarí bar afór Mungú aga axasé',

Ya/abtór hho' 1977

⁷ Gawaá adoorihe Qeeruú hhoohhoó' i kaahi, “Laarí bar afór Mungú aga axasé',

Ebrania 3:7 Iomraidhean Croise

2 SAMUELI 23:2

«Qeeruú AAKOÓ MUNGÚ i axwees ar loohír aníng, axweesantós ngina qaás baraá afkueé'.

WARA'AMI 81:11

Ala muk'eé' afor'eé' ngaa axaasi'iiká, tam múk Israeli i slaiiká.

WARA'AMI 81:13

A gár hhoo' geera bar muk'eé' kangw'eé' ngwa iiárií qaás, nee múk Israeli bar loohir'eé' ngaa slaiyé'.

AXWEESANOÓ SAGALOOA 27:1

Matlo mir axweesaar Asma looár laarí adór ir dat a xu'uká.

DAHARUSMO 9:10

Gár taa haraasliqít dabaawoge tleehheek ar /uuruwók sleémeero, asma bara gwá', baraá gi'iiwo gadiyeé i káhh, laqaá inslawaay, laqaá xu'uti laqaá sagalooa.

ISAYA 55:3

Iaahúng qaasaak, nee amor'eé' hardahare'. Aníng iiárií qaasaré', daqaní a hotá'. Aníng alqadór alhhe'eesay wasl a tleéhh nee kuungá', sla'aarir'eé' ar warqawaaká tidá' ló' dír Daudiwo.

ISAYA 55:6

AAKOÓ MUNGÚ leelehhitaak qoomaarí iwa deér firirimaak qoomaarí kuwa tseéw.

Matayo 17:5

Qoomár tawa axweesi, huunkír /awaak gina mahhtír i tléhh. Afo nina baraá huunkidá' wa ilawáts i kat, «Kwí a Garmaaeé', sla'aarusmooeé' oo aníng iga qwal/atis. Inós iiárií qaasaak.»

Matayo 22:43

Giri yaahaás, «Ala Daudi musungwa Aakoowós ar ateetín, ar baraá aleesleemuú Qeeru, iwa kaahi,

Marko 12:36

Daudi inósuú kilá' ar aleesleemuú Qeeruú hhoohhoó' oo Munguhe ina oó', ‹Mungú Aakooeé' guna báy. Iwiít bihhaaeé' awa doó /iyáy tam ay dír wakuuseerók ngi baraá dabaawók i qaás.›

Yohana 10:16

Bee/ángw hatlá' sleeme u koóm, ala i baraá daqtiheeká. Bee/aangwí gár kuwa hariím a ngun huúw baraá daqtí alé. Inooín afor'eé' ngiri iiárií qaasiyá', aluuwo tari daqtá wák nee de'eemusmo tari wak.

Yohana 10:27

Bee/angw'eé' afor'eé' ga iiárií qamín. Aníng u xuú', nee inós aníng i eeharahaar.

Yohana 10:3

Heedaádá' afkú doó xuúm, afkú do' gu gweer dír heewihe. Nee bee/aangw afoorós gari axaas. Inós bee/aangós guri ateetín ar ume, nee sleémeero guri tsee/í duux.

Yohana 5:25

Án a kah, qooma ni hardát, nee hám naa hardát, ar tu'u afór Garmoó Hee ngiwa axaasiya', nee kudá' afo ngaa axaasiye' tari slaaf.

Tlehhema'aá ya/Abuuse 1:16

«Hháe, Gooi gár kawa hariím aqo in bó/, tidá' Qeeruú hhoohhoó' oo Mungú aáng ira axweés ar afkú Daudi, daanduú Yudawo. Inós an kudá' múk Yésú oohár áw gwa geerahaar.

Tlehhema'aá ya/Abuuse 28:25

Ala inooín awa kilá' ti slaslay'aaká, qoomár tawa tlatlay Paulo /aymi'iiká' ngina oó', «Qeeruú hhoohhoó' oo Mungú looeema gaa káh qoomár iwa axweés dír baabi'iihúng ar afkú aarusmo Isaya.

Tlehhema'aá ya/Abuuse 8:29

Qeeruú hhoohhoó' oo Mungú Filipo guri báy, «Tseewúw dír bihhaá gaárirí, ti alkoonde'.»

Ebrania 10:15

Asma Qeeruú hhoohhoó' oo Mungú sleeme i lamabu'ún. Geeraawo gár i kaahi a tí,

Ebrania 3:13

Ala kuungá' umuúqo deelooro ti gurbu'uunde' dír /aymuuwí «laarí» ir kumiiti, as tam heé wák baraá tla/angwhunge miwa ya/án kuwa al/ayi nee tlakweema, iri saga gawdúy.

Ebrania 3:15

Gaarí an gár Gooi is kat, «Laarí bar afór Mungú aga axasé', munerhúng ma gawdeesara' adoodá' taa tlehhé' qoomár aníng iwa sié'.»

Ebrania 4:7

Gawaá adoorihe Mungú deelór hatlá' gari qaás, deeloodá' gari báy «Laarí». Kaanguú deeloorí guna alki/iít ar afkú Daudi alaá kureeraá yaariir niwa waarahhiyé'. Kaangwí kwa gooín baraá gooirí taa qaroó ooaán tí kah, «Laarí bar afór Mungú aga axasé', munerhúng ma gawdeesara'.»

Ebrania 9:8

Gawaá adoorihe Qeeruú hhoohhoó' oo Mungú ga laqaaqán adór loohír tar dahi baraá matla/angwduú tsár oo heéma, oo ta babay Didá' ak Hhoohhoo' kara gweeriiká, asma ay hamí matla/angwduú geera oo heéma i kumiit.

2 Petro 1:21

Asma axweesantá aaru'uuma kinga baloó huwiiká as adoodá' hee i slai. Ala muu axweesantá Mungú gana axweés kiwa geeraharahaár nee Qeeruú hhoohhoó' oo Mungú baraá muner'ine.

Geehhoeemaá 3:20

Ga/aaweek, aníng a sihhimiít afkú dó' wa ale, a ateetiím. Hee barnaxes afor'eé' gaa axaás, nee afkú do' guri gweér, aníng a dáh amoorós, aníng niri al/ayiím nee inós, nee inós iri al/ayín dinkwa nee aníng.