Ebrania 3:6 - Biblía Axweesantá Hhohho' ar Mungú 2004

⁶ Ala Kristo ku inkihhím asma inós tawa Garma. Inós kwaa qaás gawaá daanduú doó Mungú sleémeerowo as nguwa baali. Atén an do'ós, barnaxes a kumiitaán baraá pihh'uumarene nee harahhifoorene, harahhifoorén kawa diidi'iimisaan ay alhhe'eesaay.

Ya/abtór hho' 1977

⁶ Ala Kristo inós i inkihhimuú kón asma inós tawa Garma. Inós kwaa qaás gawaá daanduú doó Mungú sleémeerowo as nguwa baali. Atén an do'ós, barnaxes a kumiitaán baraá pihhu'uumarene nee haraxu'utirene, haraxu'utirén kawa diidi'iimisaan ay alhhe'eesaay.

Ebrania 3:6 Iomraidhean Croise

WARA'AMI 2:12

as miwa buúhh, kuungá' tay qwadá' baraá loohi, asma buhhtaawós ni hardihiyá' ar gaanslaay. Kudá' sleémeero ngwa i guwiye' ki amohhoo'.

ESEKIELI 46:10

Geeraharusmo nee muu tan aldah nee tan alti'iit nee muu sleeme.

Matayo 10:22

Kuungá' muu sleémeero nu aahh as aníng. Ala heedaádá' aa qiitl ay alhhe'eesaay, an kudá' ba/ám.

Matayo 16:18

Ala aníng kuúng u baw, kuúng a Petro, gidaabárós a tlaa/a. Gawaá tlaa/arihe aníng mukdá' iga haratlintii' u gawdeemiís. Tam gwa'ara sleeme muk'eé' kwí gu aleesleeraaká arba/ato.

Matayo 24:13

Ala heé ba/ám a kudá' aa qiitl ay alhhe'eesaay.

Rumi 11:22

Gawaá adoorihe ana araán adór Mungú ir xaraásl, nee slám ku hhoó'. Inós i xaraasl dír mukdá' aa huui baraá tlakweema. Ala diroge ku hhoó', kuúng bar baraá hhooeemaawós wa kumaamít. Ala bar kumaamitká, kuúng sleeme tu adór haleemiidá' wa tsaat.

Rumi 12:12

Kuungá' qwalaala/é' baraá haraxu'utír wa aleeró, qiitlé' baraá slahh'amaayerhunge, kumiité' baraá firooro.

Rumi 15:13

Mungú, kudá' haraxu'uti sleémeero i diri', inós kuungá' nu hatsiisi qwala/ sleémeero nee waydawo ar loohír haratlintaao, as haraxu'utirhúng iwa ló'wa doogiin ar baraá /uuruú Qeeruú hhoohhoó' oo Mungú.

Rumi 5:2

Baraá Yesu Kristowo sleeme atén pa/aangw ugwa slawaán oo gurtleemuuwí nguwa i hardahaan. Atén hamí an baraá gurtleemuuwí wa iwiwiitaán. Slám atén a qwalaala/aán asma haraxu'utirén tidá' ta koomaan ar xirfuú Mungú kuwa slawaan.

1 Korinto 3:16

Kuungá' a xua'akáhe adór kuungá' tar Doó Mungú, nee adór Qeeruú Mungú ir baraahúng hoót.

1 Korinto 6:19

Kuungá' a xua'akáhe adór slaqoohúng tar Doó Qeeruú hhoohhoó' oo Mungú, kudá' baraahúng wa hoót? Inós an kudá' tinda haniís nee Mungú. Kuungá' ti kiloohúng bal'aaká. Ala kuungá' awa Mungú.

2 korinto 6:16

Slám Doó Munguú nee munguaá hatlá', adór tir slaslaya' a adoomá? Asma atén an Doó Munguú kudá' slaáf. Asma Munguú ina oó', «Aníng a baraaín wa hoót, nee nay baraá tla/angw'ín wa hi'iimiít. Aníng tari Munguúín, nee inooín tari muk'eé'.»

Galatia 6:10

Gawaá adoorihe atén qoomaarí tawa baraaká' yaamuú i diriiaan, hhooeema ki tlehhiitaán dír muu sleémeerowo, ak alé dír kudá' haratlintaauuse.

Galatia 6:9

Mawa slaaqataán hhooeema tlehhtuuwo. Bar aga mune sianiiká, bu'uungw u slawaán qooma bira xeér.

Efeso 3:12

Gawaá adoorihe atén Kristo bura haratlintiaán, daqaní atén a da'ayumitanaaká Mungú i tseewuwto ar baraawós, nee tari axweesaán nee Mungú ar wayda.

Kolosai 1:23

Ala kuungá' gár tunduwa hariím masók an kumitá' baraá haratlintaaooro, tawa sihhita' ar gawdeema gawaá iihhafiirír gawít i alé, nee tawa qutla'aaká baraá haraxu'utír taa sleeré' qoomár Ya/abtór hho' kawa axasé'. Ya/abtoorí hho' kaa alki/iít baraá yaamu sleémeero, nee anuú Paulo tina sagadiyusmoowós wa qaás.

1 Tesalonike 5:16

Qwalaala/é' daqisleém.

2 Tesalonike 2:16

Aakoorén Yesu Kristo inósuú kilá' nee Mungú Baabuúrén, kudá' atén ti slaa', nee slám gurkwa/asár alhhe'eesay wasl ngaa haniís ar baraá sla'aarirós, nee haraxu'utír hhooe,

1 Timoteo 3:15

Ala tam adoorihe aníng binda tliík hardahamuwo, kuúng masók adór umuúqo heewo kuwa hariím hotaango baraá dinkwár múk Munguhe a xú'. Dinkwaarí an múk kríshaanáy, inooín an uhmo nee iihhafiirír looeema.

Ebrania 1:2

Ala de'emaarén kuká' alhhe'eesayhe ina dirén i axweés ar loohír Garmaawós, kudá' aa aaliitmoó mura' sleémeero wa qaás, slamí mura' sleémeero guna baraá inós ar tleéhh.

Ebrania 10:19

Gawaá adoorihe, hhaee'eé', atén a aleeslawaán tawa dahaan ar pihh'uuma ay Didá' ak Hhoohhoo' ar tseerér Yesu.

Ebrania 10:21

Atén kaahamusmoó úr u koomaán, oo múk doó Mungú sleémeero gu ga/áw.

Ebrania 10:23

Harahhifoorén tidá' taa lamabu'uumaán ka oohaán nee mawa baloó geexawaán. Asma Mungú al'axweesantós ngaa haniís, nee inós i inkihhimuú kón.

Ebrania 10:35

Gawaá adoorihe, pihh'uumarhúng ma qwaareesara', asma qeemuú ak úr gu koón.

Ebrania 11:1

Haratlintaao bar koomaán a ló'wa xuaán adór gadá' ta harahhifaan ir tleehharút, slám muruudá' ta araanaaká u tsaahhaán adór ir deér.

Ebrania 3:14

Asma atén sleémeero a alqaatuusér Kristo, barnaxés atén aga kumiitaán ar pihh'uumarén tidá' iimír iimu/uungo ta koomaan ay alhhe'eesaay.

Ebrania 4:11

Ala atén gár tiwa hariím a ilakaaharu un tleehhaán tawa dahaan baraá hungu/umaadá', nee umuúqo heewo dahmaá baraá hungu/umaadá' mingiwa dakuús as dee/aanu, adoodá' inooín tara dee/aanuút.

Ebrania 4:14

Gawaá adoorihe atén haratlintaaoorén tidá' ta koomaan masók an ló'wa oohaán. Asma atén kaahamusmoó úr oo Mungú u koomaán. Inós aa waaraáhh ar tla/ángw doori ay dír geeraá Mungú. Inós an Yesu, Garmoó Mungú.

Ebrania 4:16

Gawaá adoorihe atén masók an tseewuwaán ar pihh'uuma dír kitángw Mungú, didá' tsuuqaá Mungú kiwa slay, as tíwa gurtleemuú i haniisi, nee /uuru kuwa slawaan, kudá' atén ti alee/iimiís qoomár hariima.

Ebrania 6:11

Gár atén ta ló'wa sla'aan masók umuúqo heewo dirhunge ilakaaharuudá' gun ar kumiit ar inkihhimu ay alhhe'eesaay, as muruudá' ta harahhifa' kuwa sleera'.

Ebrania 6:18

Gawaá adoorihe Mungú muruuwí tsár gwa oó', al'axweesantós nee lo'o. Muruuwí i baloó warqayká, nee Mungú lama ga baloó ooiiká daanduú muruuwihe. Ateéká' inós ugwa i guwaan, muruuwí atén tin ló'wa gurkwa/amis, as harahhifoodá' taa geeraarén i qaás kawa slawaan.

Ebrania 7:19

Asma hara'ayaadár Mose gár aa aleesleér boo/eesaro i káhh. Ala daanduú hara'ayaadae harahhifór ak hhoo' kingina haniís. Ar loohír harahhifoorihe a aleeslawaán Mungú kuwa i hardahaan.

1 Petro 1:8

Kuungá' inós u sla'á' tam ugwa aandi'iikahe. Slám inós u haratlintaatiá' tam hamí u ara'aanda'aakahe. Kuungá' u sageeqwalaala/á' ar qwal/uú xirfuú koóm, kudá' alki/ituuwo ta aleesleera'aaká,

1 Petro 2:5

Kuungá' kilá' sleeme masók a adór tlaa/aá slafá', tundu tleehhi tawa doó qeeru tleehhita'. Kuungá' masók a kaahamuusér Mungú ar hhohho', nee ilahhooár qeeru ar muruú ta tsu/i kawa huba', tidá' ta ya/an nee Mungú ar loohír Yesu Kristo.

1 Petro 4:17

Asma qooma naa xeér ar sakwasleema iwa iimu/uun dír múk Mungú wa ale. Ala barnaxes sakwasleema in iimu/uún dirén wa ale, ala alhhe'eesaywós a adoomá dír mukdaádá' Ya/abtór hho' ar Mungú gaa si'i?

Geehhoeemaá 2:18

«Kaangwí gooiimeek amór malaykamooduú múk kríshaanáy oo baraá Tiatírár i dirií', «Axweesantí dír i dahh a dír Garmoó Mungú, kudá' ilaawós gwa/aatá' adór tsángw asla, nee ya'aawós a adór muqslír sirdaa/aat ar taa ló'wa hhohhoeés ar asla.

Geehhoeemaá 2:25

Ala tisíng ta koonda' na ooha hhe'eesaak ay dír án ni hardah.

Geehhoeemaá 2:26

Heedaádá' arba/ati gaa slay, nee adoodá' aníng ni slaa' gari tlehhahhiit ay alhhe'eesaay, aníng heewí u waawutmoó wa qaás daanduú múk xoorduwo.

Geehhoeemaá 3:11

Aníng ni hardáh ar gaanslaay. Tidá' ta koon ooha hhe'eeseek, as kahhó' hee slamaangók munguwa hayóh.