Ebrania 3:5 - Biblía Axweesantá Hhohho' ar Mungú 2004

⁵ Mose a sagadiyusmoó inkihhím baraá doó Mungú sleémeerowo. Inós muruudá' Mungú i aluú wa alki/iiti guna lamabu'ún.

Ya/abtór hho' 1977

⁵ Musa inós a heé inkihhimuú koóm baraá doó Munguhe, asma inós tawa sagadiyusmo. Inós muruudá' Mungú i alki/iiti aluuwo guna lamabu'ún.

Ebrania 3:5 Iomraidhean Croise

NEHEMIA 9:14

Ar loohír Mose sagadiyusmoowoge kiri xu'utís deeloorók tidá' hhoohhoo' ar Sabaátoro, nee kiri ádbeér hara'ayarók kawa eehari nee dabeero nee kaahiroge.

WARA'AMI 105:26

Aluuwo lawaalmoowós Mose guri ya/aáw, nee Aronidá' aa tsawaár guri ya/aáw.

TI'INAANGW 14:31

Múk Israeli gadiyeédá' ur ar AAKOÓ MUNGÚ aa dír múk Misrírí tleéhh kari ár. Naagáy inooín AAKOÓ MUNGÚ nguri ilaiwawa/iyé' nguri haratlintii'iyé', nee sagadiyusmoowós Mosewo.

TI'INAANGW 40:16

Mose adoodá' sleémeero AAKOÓ MUNGÚ aa hara'ayín gari tleéhh.

FAARO 12:7

Ala daanduú sagadiyusmooeé' Mosewo a adooriheeká. Inós ku inkihhím baraá dooeé' sleémeero.

Matayo 24:45

«Sagadiyusmoó inkihhím nee oo sagaloó', oo aakoowós i do'ósií saayin a gaalá? As múk doó aakoowós nguwa muruú /aymár i hanmiisi ar qoomár hariima.

Matayo 25:21

Aakoowós iri oó', ‹I qoón, kuúng a lawaalmoó hhoó' nee oo inkihhím. Kuúng tu inkihhím baraá tidá' niina tuy saayini. Án kuúng u muruú yaariír i saayiím daxta. Qwál daháng baraá qwal/uueé'.›

Luka 12:42

Aako iri oó', «Sagadiyusmoó inkihhimuú koóm nee oo sagalooár koóm a gaalá, oo aakoowós i qaasi gawaá daanduú sagadiyuuseerós sleémeero, as muruú /aymar'ín nguwa hanmiisi qoomár hariima.

Luka 24:27

Yesu muruudá' sleémeero Gooi i kat daanduuwose guri dir'ín i xu'utimís, guri iimír kitaaba'aá Mosé wa iimu/ún ay aaruuse sleémeero.

Luka 24:44

Aluuwo Yesu giri báy, «Kaangwí a kudá' naa káh qoomár niwa dinkwár i dirii' nee kuungá', niwa káh tidá' sleémeero taa gooín daanduueén i alé, baraá hara'ayár Mosewo, nee baraá gooír aaruuseero, nee baraá Wara'amto, gár iwa hariin aqo in bó/ sleémeero.»

Yohana 5:39

Kuungá' tidá' taa gooín baraá Gooiro a mak tsee/ariindá', asma kawa xua', kuungá' slafíngw alhhe'eesay wásl u koondá' baraawose. Nee Gooisíng an tidá' aníng i lamabu'uum.

Tlehhema'aá ya/Abuuse 28:23

Deelo kari al'axweés ar kuwa iiárií qaasár ay. Múk ló'wa yaariír guri i daqáy dír do'dá' inós i hooti. Iimír matlaatle ay tsiindo Paulo kángw waawuti'iimár Mungú guri dir'íní alki/iít ar axweesanoó aleesleemuú koóm, gari laqaqán ar gooír Mose nee aaruuse adór Yesu tar Kristo.

Tlehhema'aá ya/Abuuse 7:37

Mosewí an kudá' múk Israeli gwa bay, ‹Aakoó Munguúhúng aarusmoó adór aníng ngu sláy baraá tla/ángw hhaeehúng wa ale, inós iiárií qaasaak.›

Rumi 3:21

Ala daxta loohír hatlá' kaa geehhooeés, ar Mungú hee ngur gan'amií harafaari. Gan'amuuwí ku slayká ar hara'aya. Gan'amuuwí an kudá' Mose nee aaruuse aáng naa lamabu'uné'.

1 Korinto 4:2

Ala dír mukduú saayuuseero gár ta slai masók kin inkihhím.

DABE 3:24

‹Aá, AAKOÓ MUNGÚ, anuú sagadiyusmoowók a xuú' adór kuúng ira sangw aleesleemuuwók oo úr i laqaán. Asma a mungú gaalá gawaá dooriwo, laqaá baraá yaamuwo oo muruú urén nee oo waa/oo/amo oo adór kwí tleehharo gu aleesláw, kwí kuúng taa tlehhít?

DABE 34:5

Naagáy Mose, sagadiyusmoó AAKOÓ MUNGÚ, iri gwaá' baraá yaamaá Moabu, adoodá' aáng AAKOÓ MUNGÚ ngira oó'.

1 Timoteo 1:12

Aníng Kristo Yesu Aakoorén un sluufmiís, kudá' aníng iga /uurií haniis. Slám un sluufmiís asma aníng ina harafaár tawa heé inkihhimuú koóm, iri qaás baraá gadiyeérós i alé,

Ebrania 1:1

Mungú aáng aa axweés dír baabi'iirén ar afér aaruuse ki/imaá yaariire nee slám ar adór dimbadimbé.

Ebrania 3:2

Inós ku inkihhím dír Munguhe, kudá' inós gwa qaas baraá gadiyeérós i alé. Adoodá' Mose sleeme kur inkihhím baraá doó Mungú sleémeerowo.

Ebrania 3:4

Umuúqo do'o i tleehharusmoowós kón, ala Mungú mura' sleémeero guna tleéhh.

Ebrania 8:5

Inooín gadiyeé ngin tleehhiyá'. Gadiyér'ín tidá' an adór slaqsaay nee hhaantamo oo muruú gawaá doori. Gawaá adoorihe inooín an adór Mose. Asma Mose heéma ngiwa tleehhamór wa slaá', Mungú guna báy, «Ga/aaweek, umuúqo gaaro tleehheek ar adór slaqsaydá' tinda kuúngií laqán gawaá tloomár wa ale.»

Ebrania 9:24

Asma Kristo aa dahiiká baraá doó hhoohhoó' i alé, oo taa tleéhh ar dabaá muu. Asma do'wí taa tleéhh ar daba', an slaqsoó do'duú kilá' oo hhoohhoó'. Ala inós ina dáh gawaá dooraá kilá', as hamí iwa dír geeraá Mungú i dirii'i.

YOSHUA 1:15

Alee/iisaak ay dír AAKOÓ MUNGÚ yaamaá hhaeehúng tay hungu/uusi ngay haniisi, adór koohúng ngira haniís, inooín sleeme yaamaá AAKOÓ MUNGÚ, Munguúhúng, aa haniís kin aal, daqaní kuungá' tari ki/á' amór yaamuuhúng kudá' tinda haniís nee Mose sagadiyusmoó AAKOÓ MUNGÚ kudá' bihhaá da/ií diriiá' yaaér Yordaniro as kiwa ala'.»

YOSHUA 1:2

«Sagadiyusmooeé' Mose aa gwaá'. Gím daxta tláw, kuúng nee múk Israeli sleémeero, yaaér Yordani waarahhaak, ta datá' baraá yaamuudá' aníng ni haniis dír xoorór Israeli.

YOSHUA 1:7

Gimáy piíhh nee ilakaahareés ló'wa ale, nee dabe sleémeero na boo/eeseek adoodá' sagadiyusmooeé' Mose ngira kuúngí hara'ayín. Ma warqawaar laqaá ma bihhií paslaar, daqaní arba/ati a sleér amór taqo keera.

YOSHUA 8:31

Yoshua kitángw ilahhooa guna tleéhh ar adoodá' Mose sagadiyusmoó AAKOÓ MUNGÚ ngira oó' dír múk Israeli, nee adoodá' kara gooín baraá kitaábuú dabér Mosewo, iwa kaahi, «Kitángw ilahhooa ku tleehhi ar tlaa/aá taa dakwiiká ar muqsli.» Múk Israeli sleémeero ilahhooár da/a kari haniís dír AAKOÓ MUNGÚ, nee ilahhooár muruú ta tsu/i ar wayda sleeme.

YOSHUA 8:33

Múk Israeli sleémeero dinkwa nee geeraharuuser'ín nee bariise nee har'ohuuseero nee hooma sleémeero ar baraá tla/angw'íní dirii', tana sihhiít bihhér sandakmoó alqado, dír geeraá kaahamuusér Mungú ar tlahhoó Laáwi, tidá' sandakmooduú alqadór AAKOÓ MUNGÚ loohamamiis. Muu tina tla/a tsaát, bahh'alé ta geeraá tloomár Gerisimu wa sihhimiit, bahh'alé ta geeraá tloomár Ebali, adoodá' Mose, sagadiyusmoó AAKOÓ MUNGÚ ngira qaroó oó', tawa adór múk Israeli kur tsuuqi.

Geehhoeemaá 15:3

Nee slám inooín daa'ángw ta daai oo Mose, sagadiyusmoó Mungú, nee daa'ángw Deelmoó bee/i, ta kaahi, «Aakoó Mungú, Aleesleemusmoó mura' sleémeero, tlehhemi'iiwók ki uren, nee i waa/oo/amór koná'. Waawutmoó xoordu sleémeero, kuúng lohuwók i ganaaiyá' nee slám awa ló'.