Ebrania 3:18 - Biblía Axweesantá Hhohho' ar Mungú 2004

¹⁸ Nee slám múk Mungú lo'o ngisa /aáy iwa oó' ta dahiiká baraá hungu/umaaeé', a ín heemá? Ar ló', a mukdá' inós gwa sii'.

Ya/abtór hho' 1977

¹⁸ Nee slám múk Mungú aa lu'ús gídaabá i dahiiká baraá amohhooarós i alé, a ín heemá? Ar ló', a mukdá' inós gwa sii'.

Ebrania 3:18 Iomraidhean Croise

WARA'AMI 78:22

asma Mungú nguwa haratlinti'iiká, tam aleesleemuuwós oo ngiwa ba/amisi nguwa harahhifi'iiká.

FAARO 14:11

Aluuwo AAKOÓ MUNGÚ Mose guri báy, «Mukwí aníng i waaqa'a'ati ay xaylá? Nee ay xaylá ta kumaamiti haratlintao wasleero, tam tlehhma'aá waa/oo/amo iga tla/angw'ín wa tlehhaahhiti?

FAARO 14:23

ar looeemaawo, mukwí yaamuudá' naa lo'ór wa /aáy ngiwa dír baabi'ii'ín haniis ngi ariiaaká tam kudá' sleémeero aníng iga waaqaaiye' oo gi ár i kaahh.

FAARO 14:30

oo dáh baraá yaamuudá' naa lo'ór wa /aáy ngiwa dirhúng haniis i kaahh, aqo har Kalebu garmoó Yefune nee Yoshua garmoó Nuni.›

FAARO 14:37

Mukdá' kángw tlákw gwa kah daanduú yaamuudae kiri dír geeraá AAKOÓ MUNGÚ i tsuú/ nee pu/i.

FAARO 20:12

Ala AAKOÓ MUNGÚ Mose nee Aroni giri báy, «Asma kuungá' aníng iga haratlinti'ii'iiká laqaá hhohhoaarir'eé' aga laqaandi'iiká dír geeraá múk Israeli sleémeero, daxta kuungá' mukwí u dahasa'aaká baraá yaamuudá' naa lo'ór wa /aáy ngiwa inooín i haniis.»

Yohana 3:36

Heé Garma gwa haratlintii', slafíngw alhhe'eesay wásl gu kón. Heé Garma gwa haratlintii'iiká slafiingw gu ariiká, aqo har sakwasleemár Mungú gun i dirí' daqisleém.»

Rumi 11:30

Kuungá' múk xoordu, kuungá' aáng ana dee/aanuté' dír Munguhe, ala hám daxta gurtleemuú Mungú ugwa sleeré', as adoodá' múk Yahudi iwa dee/aanuút.

DABE 9:23

Qoomaadá' AAKOÓ MUNGÚ kuungá' nuwa Kadesh-barneár wa ya/aáw iwa kaahi, ‹Tlawsé', yaamuudá' aníng naa kuungá' i haniís i hotaá awaak!› Kuungá' tari sié', kuungá' tidá' inós aa oó' aga haratlinti'ii'iiká, laqaá aga iialooesi'iiká.

Ebrania 3:11

Aníng ana buúhh, lo'o ngiri /aáy niwa kah, ‹Inooín i baloó dahiaaká baraá amohhooar'eéní alé.› »

Ebrania 4:11

Ala atén gár tiwa hariím a ilakaaharu un tleehhaán tawa dahaan baraá hungu/umaadá', nee umuúqo heewo dahmaá baraá hungu/umaadá' mingiwa dakuús as dee/aanu, adoodá' inooín tara dee/aanuút.

Ebrania 4:2

Asma Ya/abtór hho' direne kinga alki/iít adoodá' kara alki/iít dír mukduú aange. Ala Ya/abtoodá' inooín gár ngiwa gaa bú' i káhh. Asma kaa axaás, ala kaa haratlintii'iiká baraá muner'ine.

Ebrania 4:6

Gawaá adoorihe a gár xu'utír koom adór múk dáh baraá hungu/umaaká' ir deér. Ala mukdá' Ya/abtór hho' gaa geerií axaas, inooín dahmu ngwa aleeslay'iiká, asma Ya/abtór hho' nga haratlinti'ii'iiká.