Ebrania 3:17 - Biblía Axweesantá Hhohho' ar Mungú 2004

¹⁷ Mungú múk aa i buhhabuúhh kureeraá mibeeraá tsiyahhe a ín heemá? A kudá' tlakweema gaa tleéhhiíke, kudá' aa qaatl baraá xaanxáy i alé.

Ya/abtór hho' 1977

¹⁷ Mungú múk aa i buhhabuúhh kureeraá mibeeraá tsiyahhe a ín heemá? Múk aa i buhhabuúhh a kudáeéke tlakweema nga tleehhiye', kudá' aa qaatl baraá xanxáy i alé.

Ebrania 3:17 Iomraidhean Croise

WARA'AMI 95:10

Baraá kureeraá mibeeraá tsiyahhe ana gurboo/áw as qartadá', nari oó', «Muksíng a múk aa hhitaruut baraá muner'ín, loohir'eé' ngaa gaár i xuii'iiká.»

YEREMIA 9:22

AAKOÓ MUNGÚ ina báy, «Tí ooeek, ‹Tuaá muu naa qaqatiné' umuú diiro, naa tlufaafuiyé' baraá qamuwo adór tsuunkáy. Tu'u a adór hhaanslaá taa fiíq, heé gi burumbuúr i kaahh tumu wák.› »

FAARO 14:22

hee i kaahh tumu wák baraá kuká' xirfuueé' nee waa/o/aamooro ngaa ariye', tidá' naa baraá yaamaá Misrír wa tleéhh nee baraá xaanxaywo iri alkomkaakoné' iiara'aduuwo ay waiká' mibaangw, nee afor'eé' ngaa iiárií qaasi'iiká,

FAARO 14:28

Hamí daxta adoorí tir mu/aywatse', ‹Anuú AAKOÓ MUNGÚ a kah, adoodá' nir hotaatima, tidá' kuungá' ta kata' aníng naa axaás, ngi kuungá' i tleéhh.

FAARO 14:29

Kuungá' a qatlá' nee tu'uuhúng kiri kwakwaahh baraá xaanxaywí, asma ana qununu/é' daanduueene. Dír kuungae oo har kureeriiwós mibeeri tsár nga aye' nee gaa ba/i,

FAARO 14:37

Mukdá' kángw tlákw gwa kah daanduú yaamuudae kiri dír geeraá AAKOÓ MUNGÚ i tsuú/ nee pu/i.

Yuda 1:5

Kaangwí ngun dirhúngií inslawtisár wa slaá', ala tam ugwa geerií xui'i, gídaabá Aako mukós nguwa baraá yaamaá Misrír wa ba/amís, aluuwo mukdá' inós gwa haratlintii'iiká guri qwaareés.