Ebrania 3:1 - Biblía Axweesantá Hhohho' ar Mungú 2004

¹ Hhaee'eé', kuungá' awa hhohho', kuungá' sleeme tunda ateét nee Mungú. Yesu ga/aawaak. Inós an ya/abusmo nee an kaahamusmoó úr oo Mungú oo haratlintaaoodá' ta lamabu'uumaan.

Ya/abtór hho' 1977

¹ Hhaee'eé', kuungá' awa hhohho', kuungá' sleeme tunda ateét nee Mungú. Yesu ga/aawaak. Inós an ya/abusmo nee an geeraharusmoó úr oo saaliingw, kudá' atén ta lamabu'uumaan gídaabá u haratlintiaán.

Ebrania 3:1 Iomraidhean Croise

WARA'AMI 110:4

AAKOÓ MUNGÚ tí gaa lo'ór wa /aáy nee slamí i warqayká, «Kuúng a kaahamusmoó úr oo Mungú kureerisleém, ar adoodár Melkisedeki.»

ISAYA 1:3

Awu aakoowós gu xuu', nee daqwaay islángw aakoó dooín gu xuu'. Ala múk Israeli gu xuiiká, muk'eé' gár i tsatsahhan i káhh.»

ISAYA 41:20

Muu doóqa ga ar nee gari xuu', gari aldaakw, kari dinkwár wa tsaahh, adór AAKOÓ MUNGÚ adoorí ngira tleéhh, Kudá' hhoohhoó' oo Israeli adoorí gana tleéhh.› »

ISAYA 5:12

Baraá deelor'ín ar urene gidaandori iqo kahhká, nee seesero, nee mitingarto nee filiímbiro nee difaái. Ala tlehhma'aá AAKOÓ MUNGÚ ngi ya/aa/ana'aaká, tam gadiyér dabaawós ngi gaárí xuiaaká.

ESEKIELI 12:3

«Inooín a múk aa dee/anumiit. Gawaá adoorihe, heewí, gimáy, adór heé lóh tleehheek, tláw qoomár inooín bir kuúng ga/ayá', ta góp dír hatlá' i aleeró. Tláw adór heé aa tlatlaahh dirkár wa alé ay dír hatlá' geeraá ilaaín wa alé. Dooqa ngi tsaahhiyá', tam inooín a múk aa dee/anuuti.

ESEKIELI 18:28

Asma inós gár ganaa' gana aldaákw, nee tlakweemaawós giri máy, kwí aqo in tsuwa hoot, i gwaiiká.

HAGAI 1:5

Gawaá adoorihe AAKOÓ MUNGÚ Aleesleemusmo i kaahi, «Lohduuhúng alqaytsitaak.

HAGAI 2:15

«Nu firiím daxta, iimír laarí ay amoosír aluuwo muruú ti'imiít alqaytsimiitaak, dír Doó AAKOÓ MUNGÚ kura iimu/uundi'iiká tleehhamooro.

Yohana 17:3

Nee slafíngw alhhe'eesay wásl an kwí, kuúng uwa xuiya', Munguúduú ló', kudá' wák, nee Yesu Kristo, kudá' naa ya/áp.

Yohana 20:21

Yesu giri malé báy, «Wayda masók i dirhúng. Adór Baabá aníng ira ya/aáw, aníng kuungá' sleeme nun ya/aáw.»

Yohana 20:27

Aluuwo Yesu iri oó' dír Tomas, «Diitsarók diirí qaaseek, nee dabaaeé' i qaytsiteegáy. Bihhiieé' kwatiiteek dakoge. Insareehhi maweek, ala haratlintií'.»

Tlehhema'aá ya/Abuuse 1:15

Looarka wake Petro iri sihhiít dír tla/ángw hhae. Faaror'ín a tsiiruú wák nee mibeeraá tsár. Iri oó',

Rumi 11:17

Ala daxta a adoorí, múk Yahudi a adór xa'anoó seituúni kudá' taa dahaás, nee múk xoordaá hatlá' a adór xa'anoó seituúni oo baraá sla/a, oo hee aa dahaasiiká. Haleemo bahh'alé awa xa'anoodá' taa dahaás kina tlaáq. Haleemaá hatlá' awa xa'anooduú sla/a, kiri haátl baraá xa'anoodá' taa dahaás, nee di/tá xa'anoodá' taa dahaás ngiri /ayiyé'. Kuungá' a adór haleemiidá' taa haátl.

Rumi 15:27

Inooín kilooín adoorí kana al'axweés, ala tam adoorihe inooín gár kiwa hariím aqo kin alee/iis. Asma mukduú Yahudi múk xoordaá hatlá' nguna alee/iisiyé' muruú baraá qeeruuwo. Gawaá adoorihe múk xoordu daxta inooín gár kiwa hariím a múk Yahudi ngun alee/iisiyá' sleeme muruú slaqoowo.

Rumi 15:8

Án kuungá' nun baw Kristo aa sagadiyusmoó múk Yahudi tleehhiít, as ngiwa laqan adór muruudá' Mungú aa oó' tar ló'. Inós al'axweesantadá' aa dír baabi'iirén i oó' ga boo/ees.

Rumi 9:24

Tam atén sleeme tina ateét tawa xooslár adór tí. Ala múk taa ateét a har múk Yahudi kiloseeká, a múk xoordaá hatlá' sleeme.

1 Korinto 1:2

amorhúng i alé, kuungaásingá' kríshaanáy, awa baraá yaamaá Korintór i diriia'. Kuungá' a múk Mungú gwa haratlintii'. Kuungá' tunduna hhoohhooeés ar baraá Kristo Yesu, tunduri ateét, as tawa múk hhohhó' oo Mungú, dinkwa nee mukdá' sleémeero oo Aakoorén Yesu Kristo gu ateetiím umuúqo diiro. Inós a Aakooín, nee slám a Aakoorén.

1 Korinto 10:17

Atén a slaqwtá wák, tam atén ti yaariire, asma mukatmo a wak, nee atén sleémeero tlaqtá mukatmoodá' wák a ilaohiimaán.

1 Korinto 9:23

Aníng muruuwí sleémeero un tlehhiít as Ya/abtór hho', as kahhó' tsuuqaá Ya/abtór hho' kiwa eemaan nee múk hatlá'.

2 korinto 1:7

Atén harahhifo a ló'wa koomaán daandeemoohunge. Asma atén a xuaán adoodá' kuungá' slahh'amu kur slasleera', an adoodá' kuungá' gurkwa/amis kur sleera' sleeme.

2 korinto 9:13

Alee/isaywí gár i laqaqan a haratlintaaorhúng. Nee inooín Mungú ngun sluufmisiyá' as haratlintaaorhúng. Asma haratlintaaoorí a kaahanaaká Ya/abtór Kristo an tawó katá', ala ana iialooeemisé' sleeme. Asma muruudá' ta koonda' una hanimisé' ar yaareema dir'ín i alé tam dír muu sleémeero.

Efeso 3:6

Lu/aaráy a kwí, baraá Kristo Yesuwo múk xoordu kwaa aaluuse tleéhh dinkwa nee múk Yahudi. Inooín a diqoó slaqwtá wák. Al'axweesantá Mungú a tooín sleeme, ar loohír Ya/abtór hho'.

Efeso 4:1

Aníng kuungá' nun ló'wa firiiriím, aniíwí taa tseék as Aako, hooté' ar adoodá' hariím as ateetamoodá' Aako kuungá' nura ateét.

Efeso 4:4

Slaqwa a wak, tam Qeeru a wak, adoodá' kuungá' tundura ateét nee Mungú, as harahhifór wák kawa sleera'.

Filipi 3:14

A ló'wa naagamiís as amoodá' ta i qwaatlaan ngiwa i hardah, as slaasláwadá' Mungú isa ateét ar loohír Yesu ngiwa slaw, tidá' niwa hoot gawaá doorí wa ale.

Kolosai 1:12

Daqaní kuungá' Baabá kuri sluufmisá' ar qwal/amaaye, kudá' naa aleesleemuú i haniis oo tawa al dinku'uumisa' nee múk hhohhó' oo Mungú baraá aalír waawuti'iimár gwa/aateemaawo.

Kolosai 1:22

Ala hám daxta kuungá' sleeme naa amoorósií haraki/ís ar Garmaawós. Asma Garmaawós ina hoót iri gwaá' as kuungá' nuwa amohhe'eesi, tawa sihhita' dír geeraawós i alé, tawa múk hhohhó' oo xaslxaanslír koomaaká, tam oo hhasaám wásl.

Kolosai 3:12

Kuungá' a múk Mungú aa tsawaár, mukós oo hhohó' oo i slai. Gawaá adoorihe muunuú gurtleemu koomaak, nee hhooeema, ti kiloohúng niinaweemise', nee tsatsaa'areema koomaak, nee qiqtliingw.

1 Tesalonike 2:12

Nuna gurkwa/amisaán nee nuri naanaaqaán, nuri harhhehhe'eemisaán as tawa hota' ar slafíngw hariím dír Munguhe, kudá' kuungá' naa ateet tawa data' baraá waawuti'iimaarós tidá' xirfuú koom.

1 Tesalonike 5:27

Án kuungá' nu hara'ayiím ar umuú Aako, barwaárí ka soomusá' dír hhae sleémeerowo.

2 Tesalonike 1:11

Gawaá adoorihe gaarí an gár atén kuungá' nus aleefiriirimaan umuúqo deelooro, as kahhó' Mungú kuungá' nuwa harafaari tawa hariinda' ateetamoorose. Atén Mungú un firiirimaán as kahhó' inós ar /uuruuwose hhooeemaadá' ta sla'a' tleehhamooro ngiwa boo/eesi baraá munerhunge. Nee slám gadiyérhúng tidá' sleémeero ar haratlintaao ngiwa boo/eesi.

2 Tesalonike 2:14

Mungú kuungá' nuna ateét as tí kawa sleera' ar loohír Ya/abtór hho' tidá' atén naa kuungá' i alki/iitaán, as kuungá' xirfuú Aakoorén Yesu Kristo kuwa sleera'.

1 Timoteo 6:12

Slaqwaraadá' hho' ar haratlintaao ar slaqweek. Slafingwduú alhhe'eesay wásl ooheek, kudá' Mungú kuúng usa ateét. Asma tí kuúnguú kilá' aga lamabu'uún, qoomár lamabu'uungók oo hhó' kuwa ó' dír geeraá lamabu'uusér yaariir wa ale.

1 Timoteo 6:2

Daqaareedár haratlintaauuse lawaaler'ín mingiwa waaqaaqá' asma a hhae. Ala lawaaleedá' gár kawa hariím a daqaarer'ín gan sageegadiyús kángw kilá' wa ale. Asma daqaareedá' alee/isoó slaslaw ar gadiyér lawaaleedá', a haratlintaauuse, slám a sla'aaruuser'ín. Muruuwí na gawdeeseek baraá intsaahhasaroge nee baraá gurbu'ungoge.

2 Timoteo 1:9

Inós atén tina ba/amís, tiri ateét ar ateetamór hhohho'. Adoorí gana tleéhh, ala as tleehhemi'iireneeká, ala gana tleéhh as adoodá' inós aa slaá', nee as gurtleemuuwós. Gurtleemuuwós kwí nguna haniís ar baraá Kristo Yesu iimír qoomaadá' gár taa iimu/ún iwa kahh.

2 Timoteo 2:7

Tí án ni kah aldakuuteek, asma Aako sagalooór mura' sleémeero kur tsahh ngi kuúngií haniis.

Ebrania 10:19

Gawaá adoorihe, hhaee'eé', atén a aleeslawaán tawa dahaan ar pihh'uuma ay Didá' ak Hhoohhoo' ar tseerér Yesu.

Ebrania 10:21

Atén kaahamusmoó úr u koomaán, oo múk doó Mungú sleémeero gu ga/áw.

Ebrania 10:23

Harahhifoorén tidá' taa lamabu'uumaán ka oohaán nee mawa baloó geexawaán. Asma Mungú al'axweesantós ngaa haniís, nee inós i inkihhimuú kón.

Ebrania 13:22

Hháe, án kuungá' nun harhheehhe'eemiís, kuungá' axweesantír gurbu'uungw na ilaoohaak ar inkihhimu. Asma barwaárí naa kuungá' i gooiím axweesanoó yaariír oo i koon i kaahh.

Ebrania 2:11

Inós tlakweemaá muu gin hheehhe'eemiis. Inós nee mukdá' ta tlakweema hheehhe'eemiisi Baabuúín a wak. Gawaá adoorihe inós i murumiitiiká inooín ngiwa hhaeewós ar ateetin.

Ebrania 2:17

Gawaá adoorihe inós gár kuwa hariím, a kun adór hhaeewós tleehh baraá mura' sleémeerowo, as kahhó' inós masók a kaahamusmooín oo úr, oo Mungú kudá' gurtleemuú koóm nee oo inkihhím baraá kángw Munguhe, nee ilaahhooár haraki/isa ngiwa haniisi as tlakweemaá mukós ngiwa hingeesi.

Ebrania 3:12

Hhaee'eé', ti harmagahhe'. Tam heé wák baraá tla/angwhunge miwa deeruút oo muuná tlaákw nee oo haratlintaao wásl, tam iri qwaar as Munguúdá' slaáf nguwa geexáy.

Ebrania 3:14

Asma atén sleémeero a alqaatuusér Kristo, barnaxés atén aga kumiitaán ar pihh'uumarén tidá' iimír iimu/uungo ta koomaan ay alhhe'eesaay.

Ebrania 6:20

Yesu ina dáh baraadí alé tawa heé giiriím dír atene, nee tawa saayusmoorén. Asma inós an kaahamusmoorén ar adoodár Melkisedeki ay alhhe'eesay wasle.

Ebrania 7:26

Gawaá adoorihe Yesu an kaahamusmoó úr oo Mungú oo atén ti gaa wa buú'. Asma inós ku hhoohhoó'. Nee slám inós i tlakweemaá konká, nee i xaslxaanslír konká. Nee slám kwaa paraátl dír tlakuuseero, nee kwaa tsa/aás kway harwaarahhaás doori sleémeerowo.

Ebrania 7:28

Asma hara'ayár Mose muu gun qamiín, tawa kaahamuusér uren, inooín tam a múk tlakweemaá kooma'a. Ala al'axweesantadá' taa oó' ar lo'o, slám kana oó' alaá hara'ayár Mose wa aleeró, al'axweesantí Garma guna kaahamusmoó wa qás, kudá' taa bu'uutiís ay alhhe'eesay wasle.

Ebrania 9:11

Ala Kristo naa hardáh. Inós an kaahamusmoó úr oo Mungú as muruudá' hhó', kudá' ni hardáh. Inós ina waaraáhh ar baraá heémaadá' ak ur, tidá' ak qoom, heémaadá' taa tleehhiiká ar dabaá muu. Gídaabárós a heémár baraá yaamuuwooká.

Ebrania 9:15

Asma aáng Mungú al'axweesani gana dír mukií haniís ar aalír alhhe'eesay wasl kawa slay. Ala muu Mungú guna sadakuús qoomár alqadoodár geeraawo. Kristo iri gwaá' as muu nguwa gweeri baraá tlehhemi'ii'ín kudae. Gawaá adoorihe Kristo an haraki/isusmoó alqadór /aben, as mukdá' taa ateét nee Mungú al'axweesantadá' Mungú aa oó' kawa slay.

1 Petro 2:9

Ala kuungá' a xoorór taa tsawaár, kaahamuusér waawuti'iimár Mungú, xoorór hhoohhoo', xooroodá' Mungú aa tós tleéhh, as kuungá' tlehhemi'iiwós kudá' xirfayen kiwa alki/ita', kudá' inós aa tleéhh. Inós kuungá' nuna ateét baraá giwtír wa ale, nuri dahaás baraá gwa/aateemaawós kudá' waa/oo/amór koomá'.

1 Petro 3:5

/ameenadá' hhohho' ar aáng hhohhoaari adór ngira leelehhít an adoorí. Inooín Mungú kuna harahhiíf, tam iri iialooemís dír hhawaateeine.

1 Petro 5:1

Kuungá' bariíse, án kuungá' nu gurbuú'. Asma aníng sleeme a aakoó adór kuungá'. Slám aníng a lamabu'usmoó slahha'amaayér Kristo. Tam aníng a dinku'uús baraá xirfuudá' tindi geehhooeesi.

1 Petro 5:10

Alaá bur tunda slahh'eemiís deelór niinawe, daqaní Munguúdá' tsuuqa sleémeero gi tawó hanmiís, kudá' kuungá' naa ateet as xirfuuwós kuduú alhhe'eesay wásl kuwa sleera' ar loohír Kristo, inós kungá' nu aleesleemuú i haniis nee nu gawdees, nu /uurií haniis, nee nu sihhitis baraá haratlintaaooro.

1 Yohana 1:3

Tidá' taa araán nee taa axaasaán ngin dirhúngií alki/iitaán, asma kuungá' niwa haragwa'a' dír dinku'uumarén, tidár dinkwa nee Baabá, nee Garmaawós Yesu Kristo.

Yuda 1:1

Anuú Yuda a lawaalmoó Yesu Kristo nee slám a hhiyoó Yakobo. Aníng barwaárí ngina gooiím dír mukdá' taa ateét nee Mungú, kudá' taa slaá' nee Mungú Baabá, nee kiri amohhe'eemiís as Yesu Kristo.

Geehhoeemaá 17:14

Inooínaká' ta slaaqw nee Deelmoó bee/i. Ala Deelmoó bee/i inooín gi ar baa/, asma inós a Aakoó bariise, nee slám inós a Waawutmoó waawitá. Nee mukós kudá' taa ateét nee oo taa tsawaár nee oo inkihhím, inooín baali ngi slayá' dinkwa nee inós.»

Geehhoeemaá 18:20

Kuungá' doóri, nee kuungá' múk hhohhó' oo Mungú, nee ya/abuuse nee aaruuse, kuungá' qwalaala/é' as inós. Asma Mungú gixsarí gaa sakwasleemuút as tlehhemi'iiwós kudá' inós naa kuungá' i tlehhít.