Ebrania 2:9 - Biblía Axweesantá Hhohho' ar Mungú 2004

⁹ Ala heé taa araán a Yesu. Inós qoomarka niinawe kuna qaás tawa heé niiná dír malaykeero, as kahhó' ar gurtleemuú Munguhe inós gwa'ara ngiwa tsaqi as daanduú umuúqo hee. Ala hamí kwaa slamángw xirif nee oo ilaiwa/ameérí dahaás, as slahh'amuuduú gwa'ara aa sláy.

Ya/abtór hho' 1977

⁹ Ala heé taa araán a Yesu. Inós qoomarka niinawe kuna qaás tawa heé niiná dír malaykeero, ala hamí kwaa slamángw i dahaás oo xiríf nee oo ilaiwa/ame, as slahha'amuuduú gwa'ara aa sláy. Mungú adoorí gana tleéhh as Yesu gwa'ara ngiwa tsaqi as daanduú umuúqo heewo.

Ebrania 2:9 Iomraidhean Croise

IIMU/UUNGW 3:15

Aníng wakaari a qaás tla/aangók nee /ameenirí, nee tla/ángw xwaylarók nee xwaylarós. Xwaylarós kuúng un saga naasuúr. Kuúng inós an koolo kíhh.»

ISAYA 11:1

Harma/i ni ti'ít baraá doó Yese wa ale, nee halmi i ti'ít baraá dee/armoowós wa ale.

ISAYA 7:14

Gawaá adoorihe, Aako laya ngi kuungá' i haniis, /amaatliito'o i tsít, na/oó garma gu xwayluúr, nee gu umií tsát gu beer Imanueli.

Matayo 16:28

Án a kah, muu i deer baraá tla/ángw mukwí sihhimiita, oo baloó qatlaaká, ay dír Garmoó Hee kway ari birna hardáh ar baraá waawuti'iimarós.»

Matayo 6:28

«Nee tlaba' gár ki har daawiimita'? /Ayo ga/aawaak, i gadiyuská, slám i hhutlitká.

Marko 9:1

Yesu giri báy, «Án a kah, baraá tla/ángw mukwihe muko i qatliiká, ay dír waawuti'iimár Mungú tidá' hardat ar /uuru kay ari.»

Luka 9:27

Tí ar ló' án ngi kuungií oó', ‹Mukko i deer baraá mukwí diirí wa sihhimita, oo baloó qatlaaká ay dír waawuti'iimár Mungú kay ari.› »

Yohana 1:29

Bál tsár Yesu iwa amór Yoháné kay, kuri ár nee Yohane. Yohane iri oó', «Ga/aawaak Deelmoó bee/i oo Mungú, kudá' tlakweemaá muu gi hingeemiís.

Yohana 10:17

«As adoorí Baabá aníng i slaa', asma slafingw'eé' un haniís as nguwa malé slaw.

Yohana 12:32

Aníng birta gáwtí tleés, muu sleémeero u amor'eé' uuruúx.»

Yohana 3:16

Asma Mungú múk baraaká' yaamu guna ló'wa slaá', tam Garmaawós oo kilós nguri haniís, as umuúqo heewo oo inós gwa haratlintii', miwa qwaár, ala masók slafíngw alhhe'eesay wásl gun sláy.

Yohana 8:51

Án a kah, hee bar axweesante'eé' gaa óh, i baloó gwaaiiká.»

Yohana 8:52

Múk Yahudi iri oó', «Daxta aga tsaahhaán adór kuúng tar neetlaamér koón. Abrahamu aa gwaá', aaruuse aa qátl, ala kuúng a kat, ‹Hee bar axweesante'eé' gaa óh, i baloó gwaaiiká.›

Tlehhema'aá ya/Abuuse 2:33

Gawaá adoorihe kuri xirfayeés, guri tsa/aás ay dákw /iyáy oo Mungú, nee al'axweesantadár Qeeruú hhoohhoó' oo Mungú gari dír Baabá wa ilaaóh. Nee nguri amooréní haniís. Nee hám an kaangwí kuungá' ta ga/eera' nee ta axamisa'.

Tlehhema'aá ya/Abuuse 3:13

Munguú Abrahamu nee oo Isaka nee oo Yakobo, Mungú baabi'iirén, sagadiyusmoowós Yesu guna xirfayeés, ala kuungá' sagadiyusmoowí kuri saki/é', kuri geeraá Pilató wa sié', qoomár Pilato iwa inós gweerár wa slai.

Rumi 5:18

Gawaá adoorihe tlakweemaá heé wák sakwasleema ngina huwiyé' dír muu sleémeerowo. Adoorí an adór tlehhmuú gan'amuú koóm oo heé wák sleeme, gár naa huúw a muu kuwa gan'amuú i harafaari nee slafiingw kuwa slay.

Rumi 5:8

Ala Mungú inósuú kilá' sla'aarirós ngina laqán dirén i aleeró asma Kristo ina gwaá' as daandeemoorén qoomár atén tawa tlakuuse.

Rumi 8:3

Asma muruudá' hara'aya i aleesleeraaká tlehhmuuwo, muruudá' Mungú guna tleéhh. Asma hara'aya i /uuruú koondaaká, as adoodá' slaqoorén iwa tlakweemaá slaiya' tlehhmuuwo. Ala Mungú Garmaawós oo kilá' nguna ya/aáw. Inós slaqwa gari sláy ar slaqás nee tidár múk tlakweemaá koóm. Gawaá adoorihe Mungú tlakweema giri sakwasleemuút baraá slaqoorén awa tlakweemaá koomá'.

Rumi 8:32

Mungú tam Garmaawós gwa ilaa/iiká, ala nguri haniís iwa gwaai as atén sleémeero. Munguúwí mura' sleémeero ngu aténí haniísiíke dinkwa nee inós?

2 korinto 5:15

Nee slám inós ina gwaá' as daanduú muu sleémeero, as mukdá' slaáf matawa kumiít hotaango as inooín kilooín, ala ta hooti as kudaádá' aa gwaa' nee iri waasleé/ as inooín.

2 korinto 5:21

Heedaádá' tlakweemaá xuaaká, Mungú heedaádá' guna tlakweema tleéhh as atén, as atén tiwa gan'amií harafaari dír geeraá Munguhe ar loohír inós.

Galatia 4:4

Ala qooma iwa bó/, Mungú Garmaawós nguna ya/aáw, kuri laqwaál nee /ameeni, kuri laqwaál didár hara'aya i sa waawuti'ii'iin,

1 Timoteo 2:6

Inós kilós tina haniís tawa bu'utuú gweermór muu sleémeero. Adoorí ina tleehharút qoomaadá' Mungú aa qaroó qaás iwa bó/.

Ebrania 1:9

Kuúng hotaá ganaa'á' ina slá', nee tlakweema iga áhh. Gawaá adoorihe, Mungú, inós a Munguúwók, kuúng ugwa iimbalaáx ar di/tá qwala/ ta hhaeewoge.»

Ebrania 10:5

Gawaá adoorihe, qoomár Kristo niwa hi'iiti baraakaá yaamu Mungú guri báy, «Kuúng gár ta sla' a ilahhooarooká, laqaá ilahhooár hikwaá ta tsu/i a sla'aká. Ala slaqwa ngina aníng i hanís.

Ebrania 11:5

Enoki sleeme a heé haratlintaaór koóm. Gawaá adoorihe kuna loohatís nee Mungú ay baraá slafíngw hatlá', nee aa gwaaiiká. Kaa gooín, «Kwaa ariiká malé alé, asma Mungú guna ar tláy.» Asma Gooi i malé kat, qoomár inós kuwa ar tlayká, inós Mungú gwa qwal/atís.

Ebrania 12:2

Atén gár tiwa hariím masók a Yesu un ga/aawaán umuúqo siiwaro. Asma inós an iimu/úngw haratlintaaoorén, nee slám inós haratlintaaoorén ga boo/ees. Inós qwal/uudá' gu daamaaraám guna ár. Gawaá adoorihe gwa'arár msalaába gari qiqtlín, tam murér gwa'arár adoorí ga gaárií xuiiká. Nee hamí aa iwiít bihhaá dákw doó /iyáy oo kitangwduú aleesleemu oo Mungú.

Ebrania 2:7

Qoomarka niinawe inós una qás tawa heé niiná dír malaykeero. Kuúng una slamángwí dahás oo xirif nee oo ilaiwa/ame.

Ebrania 7:25

Gawaá adoorihe kudá' Mungú ngu i daqaqawá' ar loohír inós, inós gi ló'wa aleesláy ba/amisaro, asma inós i slafaafín daqisleém as ngiwa aleefiriirin.

Ebrania 8:3

Umuúqo kaahamusmoó úr oo Mungú kuna qaás as Mungú nguwa qeemií haniisi, nee hikwa ngiwa tsu/i ilahhooár wa ale. Gawaá adoorihe tam kaahamusmoorén kwí oo úr sleeme gár kus hariím masók gár i ilahhooár wa haniisi in deer.

1 Petro 1:21

Kuungá' Mungú ugwa haratlintié' ar inós, Munguúdá' inós gwa waaslee/atis baraá múk aa qaátl wa ale, guri xirfuú i haniís. As kuungá' Mungú kuwa haratlintia' nee kuwa haraxua'.

1 Yohana 2:2

Inós an kudá' taa haniís as atén tiwa haraki/isi nee Mungú as tlakweemaarén, ala as tlakweemaarén kilooineeká, nee tlakweemaá muu sleémeero.

Geehhoeemaá 19:12

Ilaawós a adór tsángw asla, nee gár gawaá sagós a slam'aá yaariir. Inós kwaa umií gooín oo hee i xuiiká, aqo har inós kilós.

Geehhoeemaá 5:9

Inooín daa'ángw /abén ngun daaiyá', tawa kaahi, «Kuúng a hariín kitaábu kuwa taatahh nee dugeeniiwós kudá' ki qaás kiwa gwet, asma kuúng tuna gaás, nee ar tseereeroge muu una tláxw as Mungú, múk umuúqo tlahhaywo nee umuúqo tsifriro, nee umuúqo mar'eefo nee umuúqo xoorooro.