Ebrania 2:6 - Biblía Axweesantá Hhohho' ar Mungú 2004

⁶ Adoorí heeko wák gaa lamabu'ún baraá Gooiro iwa kaahi, «Hee a gár milá, tam kuúng kuwa inslasleer? Laqaá hee a gár milá, tam kuúng inós kuwa sa daawimit?

Ya/abtór hho' 1977

⁶ Adoorí heeko wák gaa lamabu'ún baraá Gooiro gídaabá, “Hee a gár milá, tam kuúng kuwa inslasleer? Laqaá na/oó hee a gár milá, tam kuúng inós kuwa sa daawimit?

Ebrania 2:6 Iomraidhean Croise

IIMU/UUNGW 50:24

Yosefu hhaeewós giri báy, «Án hám gwa'arar'eé' naa hamát. Ala Mungú niqo hardah dirhúng i alé, as nuwa duuxi baraá yaamuká' Misriro ay dír yaamuudá' aa oó' dír Abrahamu nee Isaka nee Yakobo.»

YOBU 15:14

Hee a gár milá tam kuwa gan'ámkwí harafaari, laqaá heé /ameeni aa laqwál iqo baloó gan'amuú kóna?

YOBU 25:6

Áx alók masasakmowuú hee a gár milá? Nee daxta an tsuuito'oorír heéwo!»

WARA'AMI 144:3

AAKOÓ MUNGÚ, hee a gár milá kuwa inslasleer? Laqaá na/oó hee a gár milá tam kuúng kuwa i qaytsit.

ISAYA 40:17

Xoordu dír ilaawose a gár tawo. Inooín a muruú gaa wásl.

ISAYA 51:12

AAKOÓ MUNGÚ i kaahi, «Aníng a kudá' kuúng u gurkwa/ás. Ahaá waáy gár heé gwaá' kus da'ayuumit Heé qo ilaá wa qwaár adór gitso?

Luka 1:68

«Aakoó Munguú Israeli i xirfuuti, asma aa dír mukósií hardáh nguwa gweeri.

Luka 1:78

ar gurtleemuú Munguúrén. Kwí gwa/aateemaá dooraá dahhá' ngi dirén i hardahaas,

Luka 7:16

Muu sleémeero iri da'ayuút, Mungú kuri xirfayeemiís ta kaahi, «Aarusmoó úr naa ayaarén wa ti'iít,» nee «Mungú naa mukós ba/amisár áy.»

1 Tesalonike 4:6

Umuúqo heewo dirhunge hhiyaawós munguwa al/aáy, laqaá munguwa sadakuús baraá kaangwihe. Asma heé adoorí gaa tleehh ku li/áy buu' nee Mungú, adoodá' ngira qaroó geerií gawdeesaán dirhúng i alé.

Ebrania 4:4

Asma dirkaaro Gooi daanduú bál faanqwe i kat, «Bál faanqwe Mungú ina hungu/uús baraá gadiyeeduuwós sleémeerowo.»

Ebrania 5:6

Slám dír hatlae i malé kaahi, «Kuúng a kaahamusmoó Mungú ay alhhe'eesay wasle, ar adór Melkisedeki.»

1 Petro 1:11

qooma gari leelehhít axáy i tleehharuuti a qooma gaalá, nee a qoomár adoomá. Asma Qeeruú Kristo, kudá' baraaín i dirií', kángw qoomaadá' gwa qaro geerií oó', nee slahha'amaayér Kristo i slay gari dir'ín i lamaabu'ún, nee xirfuú i slay aluudae.