Ebrania 2:3 - Biblía Axweesantá Hhohho' ar Mungú 2004

³ Gawaá adoorihe atén sakwasleemaro adór tar /uwaan a adoomá, bar ba/amár ur ar adór tí a gaárií xuanaaká. Ba/amarí geeraawo kana alki/iít nee Aako inósuú kilá'. Nee aluuwo kingiri diréní lamabu'ún nee mukdá' gaa dír Aakoó wa axaas adór tar ló'.

Ya/abtór hho' 1977

³ Gawaá adoorihe atén sakwasleemaro adór tar /uwaan a adoomá, bar ba/amár ur ar adór tí a gaár i xuanaaká. Ba/amarí geeraawo kana alki/iít nee Aako inósuú kilá'. Nee aluuwo kingiri diirén i xu'utís nee kudá' nga axaasiye' gídaabá ar ló'.

Ebrania 2:3 Iomraidhean Croise

ISAYA 12:2

Ga/aawaak, Mungú an ba/amar'eé', inós un harahhiíf, sleeme a da'ayumitaaká. Asma AAKOÓ MUNGÚ an /uuruueé' nee daa'angw'eé', inós an ba/amusmooeé'.»

ISAYA 20:6

Baalaadae yaamuuloouusér afaá tlawi iri o', ‹Qaytsité', mukdá' atén ta harahhifaafitaan gár gwaa sleer, kudá' tay gwaagowaan tiwa tu/iya' dír waawutmoó Ashuruwo. Hám daxta atén adór tar /uwaan?› »

ISAYA 51:5

Ba/amar'eé' ni gaanslár hardát. Ba/amaadá' naa huúw ka geehhoo'. Dakw'eé' muu gu sawaawuti'ín. Kuungá' hhapeemaá sawen daamaré', /uuruueé' na harahhifaak.

ISAYA 51:8

Inooín ki /aay nee sisibú adór tlawuú qarén, tlusá gi /aay adór kaahari. Ala ba/amar'eé' in kumaamít ay kureeraá kureér, nee ba/amar'eé' ar ni huuw ar qari sleémeero.

ISAYA 62:11

Ga/aawaak, AAKOÓ MUNGÚ kaangwí gwaa alki/iít ay ku/uyaá yaamu, múk Siyoni bawaak, «Ga/aawaak, ba/amusmoohúng naa hardáh. Nee qeemuuwós gu kón, bu'utuwós i dír geeraawós.»

ESEKIELI 17:15

Ala waawutmoodá' /abén aa qaás waawuti'iimár waawutmoó Babuloni gana sií', muu gway ya/aáw ay Misri as alee/isoó faras nee oo slaqwaruusér yaariir nguwa firór ay. Xáy, waawutmoowí ga aleesláya? Xáy, oo adoorí ga tleéhh nee oo al'axweesantí gaa sii', sakwasleemaro i kotsóti?›

ESEKIELI 17:18

Asma lo'oodá' gana waaqaá', nee al'axweesantadá' gana sií', tidá' inósuú kilá' aa oó'. Nee muruú adór kwí sleémeero guri tleéhh, ar ló' waawutmoowí i baloó kotsqotiiká.

Matayo 23:33

Kuungá' a dayshe, slám a na/aá daysheedá' uren. Kuungá' sakwasleemár baraá asltá baloó gwa'aaká adór kar ilagoba' a adoomá?»

Matayo 4:17

Iimír qoomaadá' wa tleemu Yesu axweesantá Mungú gari iimu/ún dahareemisuuwo, iri káh, «Hhu'u'umé' asma waawuti'iimár doori naa naká/.»

Marko 1:14

Tam alaá Yohane kuwa tseék, Yesu iri Galilayár káy, Ya/abtór hho' ar Mungú gari alki/iít,

Luka 1:2

adór kungura atén i alki/iít nee mukduú aáng gwa ar ar ilaaín iimír geeraá wa ale, nee oo axweesantadá' gaa alki/iit.

Luka 1:69

Ba/amusmoorén oo /uuruú koóm ngwa sláy baraá tlahhoó lawaalmoowós Daudi wa ale,

Luka 24:19

Giri yaahaás, «Ahaá, a muruú adoomá oo aa tleehharuut?» Kuri báy, «Kángw Yesú Nasareti. Inós a aarusmo. Inós i aleesleemuú kón baraá tlehhemi'iiwo nee baraá axweesanto, dír geeraá Munguhe, nee dír muu sleémeerowo.

Yohana 15:27

Kuungá' sleeme aníng i lamabu'uundá', asma iimír iimu/uungo kuungá' a dinkwa nee aníng.

Tlehhema'aá ya/Abuuse 1:22

iimír qoomaadár baatimisuú Yohane, ay bál Yesu kuwa dirén wa ar tláy, kuwa tsa/aás gawaá doori. I hariín heé wák iwa lamabu'usmoó waasle/uuwós tleehhiiti dinkwa nee atén.»

Tlehhema'aá ya/Abuuse 2:22

«Kuungá' múk Israeli, axweesanaywí iiárií qaasaak, Yesu, heé yaamaá Nasareti, Mungú nguna dirhúng i laqaqán ar loohír muruú xuawaslén, nee layu nee muruú waa/oo/amór koóm. Muruuwí Mungú guna tleéhh ar dákw Yesu tla/angwhúng wa ale, adoodá' kuungá' kar xua'.

Tlehhema'aá ya/Abuuse 4:12

Asma ba/ama i káhh dír heé hatlae, slám umuú hatlá' i kaahh baraaká' yaamuwo oo taa múk i haniís, oo atén tar ba/aman.»

Rumi 11:14

Asma aníng gár ni slaa' a masók múk xooror'eé' gur'e gun ót, as bahh'alé ngiwa ba/amis.

Rumi 2:3

Mulqumooeé', kuúng múk tlehhmi'iiká' gi tlehhahhiít un sakwasleemút. Ala kuúnguú kilá' baré tlehhmi'iiká' in tlehhaahhít. Kuúng ka xu', sakwasleemár Mungú awa góba'?

1 Korinto 1:21

Asma Mungú gana slaá' baraá sagalooarose, muu inós munguwa tsaáhh ar sagalooar'ín ar kilá'. Gawaá adoorihe inós kwasleema gari tsaát kilós alé as mukdá' haratlintaatií' kuwa ba/amisi ar axweesantadár dakti'iima, tidá' atén ta alki/iitaan.

1 Tesalonike 5:3

Qoomaadá' tawa kaahi, «Wayda i deer nee amohhooa,» qoomaadá' an tidár hhitiru'uuma nuwa hhaawis, adoodá' /ameenír tsiiháy asltá xwayla ngir i hardaraarat. Ala guway ku aleeslayká.

1 Timoteo 1:15

Kaangwí oo ló', oo hariím haratlintaaooro, slám i ló'wa harín ya/aamaro adór Kristo Yesu nira hardáh baraakaá yaamií alé as múk tlakuuse nguwa ba/amisi. Nee aníng a tlakusmoó úr ta tlakuuse sleémeerowo.

Tito 2:11

Asma gurtleemuú Mungú kwa geehhooatís as muu sleémeero kuwa ba/amisi.

Ebrania 1:1

Mungú aáng aa axweés dír baabi'iirén ar afér aaruuse ki/imaá yaariire nee slám ar adór dimbadimbé.

Ebrania 1:14

Gawaá adoorihe malayke sleémeero a qeeru. Inooín kaa ya/aáw nee Mungú as mukdá' ba/ama ga sláw nguwa sagadiyuusiya'.

Ebrania 1:2

Ala de'emaarén kuká' alhhe'eesayhe ina dirén i axweés ar loohír Garmaawós, kudá' aa aaliitmoó mura' sleémeero wa qaás, slamí mura' sleémeero guna baraá inós ar tleéhh.

Ebrania 12:25

Ala qaytsité', Yésuudá' nee kuungá' axweesá' mu siaara'. Asma mukdá' Mungú gwa sii' iiárií qaasaro, qoomár iwa axweés baraá yaamu ar afór Mose, mukdá' aa ba/anká. Ala atén adór tar ba/aman a adoomá, barnaxes kudá' gawaá doorí wa axweés ugwa siaán?

Ebrania 4:1

Tam hamí al'axweesantadá' i deer ar tawa dahaan baraá hungu/umaá Mungú. Gawaá adoorihe, atén ti harmagahhaán, as heé wák baraahunge miwa deeruút oo hungu/umaaká' gi dakuús.

Ebrania 4:11

Ala atén gár tiwa hariím a ilakaaharu un tleehhaán tawa dahaan baraá hungu/umaadá', nee umuúqo heewo dahmaá baraá hungu/umaadá' mingiwa dakuús as dee/aanu, adoodá' inooín tara dee/aanuút.

Ebrania 5:9

Gawaá adoorihe inós kuri bu'uutiís nee Mungú. Bu'uutisaro kuwa hhe'eés, inós tari heé ba/amár alhhe'eesay wásl ngaa huuw dír mukdá' sleémeero inós ngu iialooemisa'a.

Ebrania 9:28

Adoorí an adoodár Kristo sleeme ku laqi. Inós kuna ilahhooár wa haniís sagaáwa wák wa ale as tlakweemaá múk yaariír ngiwa hingeesi. Inós nin malé ti'iit baraakaá yaamuwo sagaáwa tsár wa ale. Ala gár nis hardihi a tlakweema hingeesarooká, ala a mukdá' inós gu daamaaraám nguwa ba/amisi.

1 Yohana 1:1

Kángw axweesantá slafiingw ngun gooiimaán amorhúng, axweesantadá' qaroó daadáw iimír iimu/uungo, tidá' taa axaasaán, nee taa araán ar ilaarén, tidá' taa ga/aawaán kay kwatimiitaán ar dabaarén.

Yuda 1:17

Ala kuungá' sla'aaruúse, /ayma'aá aáng taa káh aáng nee Ya/abuusér Aakoorén Yesu Kristo inslawaak.

Geehhoeemaá 7:10

Inooín tari tseeamín ar afór ur, ta kaahi, «Ba/ama amór i dahh a amór Munguúrén kudá' aa iwiit gawaá kitangwduú aleesleemu, nee amór Deelmoó bee/i.»