Ebrania 2:2 - Biblía Axweesantá Hhohho' ar Mungú 2004

² Asma tam Axweesantadá' taa alki/iít nee malayke, a Axweesantá /uuruú koom. Nee umuúqo hee oo axweesantadá' gaa eeharahaariiká, laqaá oo gaa ilaiwawa/iiká, inós sakwasleema gari sláy adoodár inós wa hariim.

Ya/abtór hho' 1977

² Asma tam Axweesantadá' taa oó' nee malayke, a Axweesantá /uuruú koom. Nee umuúqo hee oo axweesantadá' gaa eeharahaariiká, laqaá oo gaa ilaiwawa/iiká, inós sakwasleema gari sláy adoodár inós wa hariím.

Ebrania 2:2 Iomraidhean Croise

WARA'AMI 68:17

Gaardaá Mungú i /uuruú koná', ki ló'wa yaariir. Faaror'ín a kumér kúm. Aakoó Mungú nina Sinaír wa tláy, ay dirós tidá' hhoohhoo'.

FAARO 11:33

Ala qoomár fu'unaá yaariir niwa kumiitiya' nee dír fu'unaydá' ngira faaki'iiká /aymaro, AAKOÓ MUNGÚ muu guri slaáhh ar slahhtá ur.

FAARO 16:49

Faarór múk aa qaatl baldae a kume mibaá nee tsiyáhh nee tsiire faanqw, kudá' naa qatliye' as dee/anuú Kora kaa dír kuká' i harafariiká.

FAARO 21:6

AAKOÓ MUNGÚ dayshér qarkú koom gari huúw baraá tla/ángw múkwí ale, múk yaariír oo Israeli kuri kikiíhh nee tari qaátl.

FAARO 25:9

Múk tiqtidár pu/i aa hhaamís a kume mibeeri tsár nee tsiyáhh.

Tlehhema'aá ya/Abuuse 7:53

Kuungá' tam hara'ayár Mose aga sleeri'i ar loohír malayke, ala tam adoorihe hara'ayaadá' aga oti'iiká.»

Galatia 3:19

Ala gár hara'aya kingisa haniís a milá? Hara'aya kingina doók daanduú al'axweesantadí alé as dakuús ngiwa laqaan, nee iwa kumit ay dír Kristo i hardihi. Inós an oo wák baraá xwaylár Abrahamu oo al'axweesantadá' gaa slay. Mungú hara'ayaarí gana haniís dír malayke. Malayke gari hanís dír muu.

DABE 17:12

Barnaxes hee kaahamusmoó Mungú kudá' taa qaás, as AAKOÓ MUNGÚ, Munguúhúng nguwa sagadiyuusi, laqaá har'ohusmo, gu iialooeemisiiká, heewí a gaasa. Adoorí an adór tlakweema kir hingeesa' baraá tla/angw múk Israeliwo.

DABE 17:2

«Barnaxes aga axasé' baraá gixsaduhúng kudá' AAKOÓ MUNGÚ naa kuungá' i haniís, heé hhawaata laqaá /ameeni tlakweema gaa tleehh dír geeraá AAKOÓ MUNGÚ, Munguúhunge, nee alqadoorós gari sií',

DABE 17:5

daqaní heesíng laqaá /ameenisíng duuxaak baraá gixsaaro, nee ka tlaqutá' ar tlaa/e ay dír i gwa'.

DABE 27:26

«Umuúqo heé axweesantá dabeerí gaa haalin nee gaa iialooeesiiká, kwaa lu'ús.» «Nee muu sleémeero ta ooi, Amin.»

DABE 32:2

Intsaahhasar'eé' masók i tlúp adór tluwaay, axweesante'eé' i páhh, adór har'uú wa ale, adór tluwoó baáf baraá gitso, adór ilaá tluwaay awa paahhá' baraá loo/ór dutlutluu/.

Ebrania 1:1

Mungú aáng aa axweés dír baabi'iirén ar afér aaruuse ki/imaá yaariire nee slám ar adór dimbadimbé.

Ebrania 10:28

Heé hara'ayár Mose gaa sii', inós gár kuwa hariím a in gwaa', ku gurtlayká, barnaxes múk tsár, laqaá tám, tlakweemaawós gaa lamabu'ún.

Ebrania 10:35

Gawaá adoorihe, pihh'uumarhúng ma qwaareesara', asma qeemuú ak úr gu koón.

Ebrania 11:26

Inós gana tsaáhh niqimis nguwa slay dinkwa nee Kristo, a gár ló'wa afhhamít ta daqaari'iimár Misri sleémeerowo. Asma inós gár i harahhifi a qeemuudá' i aluú wa slay.

Ebrania 11:6

Ala heé haratlintaaór koomaaká, Mungú qwal/atisaro gu aleeslayká. Asma heé amór Mungú káw, gár kuwa hariím a in haratlintii' adór Mungú ir deér, nee Mungú mukdá' inós gu leelehhiít gu qeemií haniis.

Ebrania 12:25

Ala qaytsité', Yésuudá' nee kuungá' axweesá' mu siaara'. Asma mukdá' Mungú gwa sii' iiárií qaasaro, qoomár iwa axweés baraá yaamu ar afór Mose, mukdá' aa ba/anká. Ala atén adór tar ba/aman a adoomá, barnaxes kudá' gawaá doorí wa axweés ugwa siaán?

2 Petro 1:19

Gawaá adoorihe atén axweesantadá' aaruuse aa alki/ít an ló'wa haratlintiaán. Kuungá' adór hho' aga tlehhé' barnaxes axweesantadá' aga alqaytsité'. Asma axweesantadá' a adór tsaa'astá baraá giwtír wa oh, ay dír iimi i /awaakuur, nee ay dír tsatsee/ír Haymú i geehhouur baraá munerhunge.

Yuda 1:5

Kaangwí ngun dirhúngií inslawtisár wa slaá', ala tam ugwa geerií xui'i, gídaabá Aako mukós nguwa baraá yaamaá Misrír wa ba/amís, aluuwo mukdá' inós gwa haratlintii'iiká guri qwaareés.