Ebrania 2:17 - Biblía Axweesantá Hhohho' ar Mungú 2004

¹⁷ Gawaá adoorihe inós gár kuwa hariím, a kun adór hhaeewós tleehh baraá mura' sleémeerowo, as kahhó' inós masók a kaahamusmooín oo úr, oo Mungú kudá' gurtleemuú koóm nee oo inkihhím baraá kángw Munguhe, nee ilaahhooár haraki/isa ngiwa haniisi as tlakweemaá mukós ngiwa hingeesi.

Ya/abtór hho' 1977

¹⁷ Gawaá adoorihe inós gár kuwa hariím, a inós kuwa adór hhaeewós tleehhi baraá mura' sleémeerowo. Gár kusa adoorí laáq a inós masók a geeraharusmooín oo úr oo saaliingw, kudá' gurtleemuú koóm nee inkihhimu baraá kángw Munguhe, as tlakweemaá mukós ngiwa hingeesi.

Ebrania 2:17 Iomraidhean Croise

2 QOM'I 29:24

Kaahamuusér Mungú makaydá' ngiri tsu/iyé', tseerer'ín kay tsiririxiís gawaá kitangwduú ilahhooa as múk Israeli sleémeero kuwa haraki/isi nee Mungú. Asma waawutmo Hesekia gana oó', ilahhooár da/a, nee ilahhooár tlakweema hingeesa kawa haniisi as múk Israeli.

ISAYA 11:5

Hotaá ganaa'á' a adór himuú afeetloowós, nee inkihhimu a adór himuú afeetloowós.

ESEKIELI 45:15

Bee/ír wák kan haniis dír umuú daqtá bee/ángw tsiire tsare dír múk Israeliwo. Ilahhooár balaangw barka huúw, ilahhooár da/a nee ar wayda as haraki/isa kawa tleehhi. Anuú Aakoó MUNGÚ tí aga oó'.

ESEKIELI 45:17

A gadiyér geeraharusmoó ilahhooár da/a ngiwa slay, nee ilahhooár balaangw, nee ilahhooár wahaangw ar ta hanmiisi qoomár deelór ur bál slahhaangw birna ti'iít, nee deelór Sabaáto, nee deelór uren sleémeero ar taa qaás baraá múk Israeliwo. Geeraharusmo ilahhooár tlakweema hingeesa gan amohhe'ees, nee ilahhooár balaangw, nee ilahhooár da/a, nee ilahhooár wayda as haraki/isa kawa tleehhi dír múk Israeliwo.»

ESEKIELI 45:20

Adoorí gan male tleehh bál faanqw ar slahhaangwihe as daanduú heé tlakweema gaa tleehh as xuaawasle, laqaá as fahhari. Daqaní Doó Mungú ku haraki/isárí tlehhá'.

DANIELI 9:24

«Afiqoomár wiikadaá mibeeri faanqw, kaa qaás as mukók nee daanduú gixsarók tidá' hhoohhoo' as dakuús kawa faaki, tlakweema kiwa gurtlay, nee gan'amuú alhhe'eesáy wasle kunguwa huwi iigu'utu nee aaru'uuma kiwa dugunó i qaasi, nee didá' ló'wa hhoohhoo' kawa di/tí qaasi.

TLAHHOÓ LAÁWI 14:18

Di/tá aa met gari sliik gawaá ságw heedaádá'. Gawaá adoorihe kaahamusmoó Mungú haraki/isa gari tleehh dír geeraá AAKOÓ MUNGÚ wa ale as daanduú heewí.

TLAHHOÓ LAÁWI 16:16

Naagáy haraki/isa gari tleehh as didá' hhoohhoo' taa slasla/areés nee tlakweema nee dakumisuú xoorór Israeli. Adoorí gari malé tleehh as heémár Mungú, tidá' baraá tla/ángw inooínadaá tlakuuse.

TLAHHOÓ LAÁWI 6:30

Ala ilahhooarír tlakweema hingeesa ló' makawa /aáy, tidá' tseereerós tinda huúw baraá heémár Mungú as haraki/imis kuwa tleehhi didá' hhoohhoó' wa ale. Ilahhooári kan daa/ ar asla.»

TLAHHOÓ LAÁWI 8:15

Mose awuudá' guri gaás, tseere gari diitsarós ar tikiís, gari slikín ar xareemaá kitangwduú ilahhooa, as nguwa paraatli. Tseerér aa met gay ku'uús baraá gwe'eedaá kitangwdá' aa paraátl nee aa haraki/isár i tleéhh.

FAARO 15:25

Kaahamusmoó Mungú haraki/isa gan tleehh as daanduú dinku'uuma sleémeero ar Israeli, inooín kiri gurtláy as dakuúsadá' ar pa/aayo, nee ilahhooar'ín ngi huwiye', ilahhooár ta da/i dír AAKOÓ MUNGÚ, nee ilahhooár tlakweema hingeesa as daanduú dakuúsadá'.

Rumi 15:17

Ala baraá Yesu Kristowo aníng gár tis xirfayeemiis a gadiyeédár Mungú ni tlehhahhiit.

Rumi 5:10

Qoomár atén tawa wakuuse dír Munguhe atén tiri dirósí haraki/ís ar tseerér Garmaawós. Gawaá adoorihe atén haraxu'uti a ló'wa koomaán, asma hám daxta alaá haraki/isarene atén ti ba/amis ar slafiingós.

Efeso 2:16

Inós ina gwaá' gawaá msalaába as wakaari ngiwa hingeesi. Gawaá adoorihe múk Yahudi nee múk xoordaá hatlá' giri wak tleéhh ar slaqwtá wák ar gawaá msalaába, giri ki/ís amór Mungú.

Kolosai 1:21

Aáng kuungá' tunduwa saáw dír Munguhe, baraá munerhúng nee inslawayhunge kuungá' a wakuuseerós, asma tlehhemi'iihúng ki tlakw.

Ebrania 10:21

Atén kaahamusmoó úr u koomaán, oo múk doó Mungú sleémeero gu ga/áw.

Ebrania 2:11

Inós tlakweemaá muu gin hheehhe'eemiis. Inós nee mukdá' ta tlakweema hheehhe'eemiisi Baabuúín a wak. Gawaá adoorihe inós i murumiitiiká inooín ngiwa hhaeewós ar ateetin.

Ebrania 2:14

Na/ii tseerer'ín a wak, nee slaqwtaín a wak. Gawaá adoorihe Yesu sleeme muruuwí guna sláy adór inooín wa ale. Adoorí gana tleéhh as gwa'ara ngiwa slay. Asma ar loohír gwa'araarose inós gár i slai a /uuruú Neetlaangw nguwa hhitin, kudá' úr oo gwa'ara.

Ebrania 2:16

A gár geehhoo' inós naa hardihiiká as malayke ngiwa alee/iisár ay. Ala gár nisa hardáh a xwaylár Abrahamu ngina alee/iisár áy.

Ebrania 3:1

Hhaee'eé', kuungá' awa hhohho', kuungá' sleeme tunda ateét nee Mungú. Yesu ga/aawaak. Inós an ya/abusmo nee an kaahamusmoó úr oo Mungú oo haratlintaaoodá' ta lamabu'uumaan.

Ebrania 3:2

Inós ku inkihhím dír Munguhe, kudá' inós gwa qaas baraá gadiyeérós i alé. Adoodá' Mose sleeme kur inkihhím baraá doó Mungú sleémeerowo.

Ebrania 3:5

Mose a sagadiyusmoó inkihhím baraá doó Mungú sleémeerowo. Inós muruudá' Mungú i aluú wa alki/iiti guna lamabu'ún.

Ebrania 4:14

Gawaá adoorihe atén haratlintaaoorén tidá' ta koomaan masók an ló'wa oohaán. Asma atén kaahamusmoó úr oo Mungú u koomaán. Inós aa waaraáhh ar tla/ángw doori ay dír geeraá Mungú. Inós an Yesu, Garmoó Mungú.

Ebrania 4:15

Asma atén kaahamusmoó úr oo Mungú oo ta koomaan, atén ti gurtleemuú wa ara'ar baraá liitlakweerene. Asma inósuú kilá' kuna iiara'ár adór atén wa aleeró baraá mura' sleémeerowo, ala tlakweema gaa tleehhiiká.

Ebrania 5:1

Umuúqo kaahamusmoó úr oo Mungú kun tsawaar baraá tla/ángw múk wa ale. Kuri qaas tawa heé Mungú sagadiyuús daandeemooín wa ale. Inós muruudá' muu naa qeemuú wa huúw nee ilahhooár muruú ta tsu/i, guri huuw dír geeraá Mungú as tlakweema.

Ebrania 5:10

Nee slám Mungú guri kaahamusmoó úr wa qaás ar adoodár Melkisedeki.

Ebrania 5:2

A gár ya/aam inós tawa heé tsatsa'aár dír mukdá' liitlakwene nee oo aa dakuus. Asma inósuú kilá' ku liitlaákw baraá muruú yaariire.

Ebrania 5:5

Gawaá adoorihe tam Kristo sleeme taa kilós xirfeesiiká tiwa kaahamusmoó úr oo Mungú tleehhi. Ala a Mungú guna ilaiwa/ameerí haniís, iri oó', «Kuúng a Garmaaeé', aníng kuúng laarí una laqwaál.»

Ebrania 6:20

Yesu ina dáh baraadí alé tawa heé giiriím dír atene, nee tawa saayusmoorén. Asma inós an kaahamusmoorén ar adoodár Melkisedeki ay alhhe'eesay wasle.

Ebrania 7:26

Gawaá adoorihe Yesu an kaahamusmoó úr oo Mungú oo atén ti gaa wa buú'. Asma inós ku hhoohhoó'. Nee slám inós i tlakweemaá konká, nee i xaslxaanslír konká. Nee slám kwaa paraátl dír tlakuuseero, nee kwaa tsa/aás kway harwaarahhaás doori sleémeerowo.

Ebrania 7:28

Asma hara'ayár Mose muu gun qamiín, tawa kaahamuusér uren, inooín tam a múk tlakweemaá kooma'a. Ala al'axweesantadá' taa oó' ar lo'o, slám kana oó' alaá hara'ayár Mose wa aleeró, al'axweesantí Garma guna kaahamusmoó wa qás, kudá' taa bu'uutiís ay alhhe'eesay wasle.

Ebrania 8:1

Gár ak ur baraá muruuwí taa axweesani a tí, atén kaahamusmoó úr oo adoorí hamí u koomaán. Inós aa iwiít dákw doó /iyáy oo kitángw aleesleemu oo Munguúduú aleesleemuú koóm dooriwo.

Ebrania 8:3

Umuúqo kaahamusmoó úr oo Mungú kuna qaás as Mungú nguwa qeemií haniisi, nee hikwa ngiwa tsu/i ilahhooár wa ale. Gawaá adoorihe tam kaahamusmoorén kwí oo úr sleeme gár kus hariím masók gár i ilahhooár wa haniisi in deer.

Ebrania 9:11

Ala Kristo naa hardáh. Inós an kaahamusmoó úr oo Mungú as muruudá' hhó', kudá' ni hardáh. Inós ina waaraáhh ar baraá heémaadá' ak ur, tidá' ak qoom, heémaadá' taa tleehhiiká ar dabaá muu. Gídaabárós a heémár baraá yaamuuwooká.