Ebrania 2:16 - Biblía Axweesantá Hhohho' ar Mungú 2004

¹⁶ A gár geehhoo' inós naa hardihiiká as malayke ngiwa alee/iisár ay. Ala gár nisa hardáh a xwaylár Abrahamu ngina alee/iisár áy.

Ya/abtór hho' 1977

¹⁶ A gár geehhoo' gídaabá inós naa hardahiiká as malayke ngiwa alee/iisár ay. Ala gár nisa hardáh a xwaylár Abrahamu ngina alee/iisár áy.

Ebrania 2:16 Iomraidhean Croise

IIMU/UUNGW 22:18

Ar baraá xwaylaroge xoordu sleémeero tsuuqa ngiri slayá', asma kuúng afor'eé' aga iiárií qás.› »

Rumi 2:25

Kuúng barnaxes hara'ayár Mose aga iialooés, daqaní al/utloorók i gaa bú'. Ala kuúng barnaxes hara'ayár Mose aga sí', daqaní al/utloorók i gaa bu'uká.

Galatia 3:16

Ala Mungú al'axweesantós gana oó' dír Abrahamu nee oo wák baraá xwaylarose. Al'axweesantí i katká, «dír xwaylarós.» Gawaá adoorihe a dír múk yaariireeká. Ala al'axweesantí gár i kat a «dír oo wák baraá xwaylarose.» An heé wák, nee heewí an Kristo.

Galatia 3:29

Ala kuungá' bar múk Kristo, kuungá' a xwaylár Abrahamu sleeme. Gawaá adoorihe aalidá' ar Mungú a toohúng asma al'axweesantadá'.

Ebrania 12:10

Baabi'iirén awa slaqwa baraaká' yaamuwo atén tin muxaxiná' as slafingwí oo har qoomár niina. Slám tina muxiyé' ar har adoodá' inooín taa ár. Ala Mungú atén tin muux ar adoodá' atén ti gaa waa buu', asma inós gár i slai masók atén hhohhoaarirós tidá' an slawaán.

Ebrania 2:15

As adoorí inós gár i slai a muu nguwa gweeri, kudá' taa tsegiít baraá lawali'iimár daér gwa'ara baraá slafingw'ín sleémeerowo.

Ebrania 2:17

Gawaá adoorihe inós gár kuwa hariím, a kun adór hhaeewós tleehh baraá mura' sleémeerowo, as kahhó' inós masók a kaahamusmooín oo úr, oo Mungú kudá' gurtleemuú koóm nee oo inkihhím baraá kángw Munguhe, nee ilaahhooár haraki/isa ngiwa haniisi as tlakweemaá mukós ngiwa hingeesi.

Ebrania 6:16

Hee barnaxes lo'o ga huuw, lo'oodá' gan huuw ar umuú kudá' úr oo inós gu baá/. Gawaá adoorihe kaangaani sleémeero dír muko gár ga tsaat a lo'o.

1 Petro 1:20

Gaarí an gár inós kusa tsawaár nee Mungú iimír yaamu kiwa tleehhiiká, nee hamí baraá deeloorír alhhe'eesaywo kuna geehhooeés as kuungá'.