Ebrania 2:14 - Biblía Axweesantá Hhohho' ar Mungú 2004

¹⁴ Na/ii tseerer'ín a wak, nee slaqwtaín a wak. Gawaá adoorihe Yesu sleeme muruuwí guna sláy adór inooín wa ale. Adoorí gana tleéhh as gwa'ara ngiwa slay. Asma ar loohír gwa'araarose inós gár i slai a /uuruú Neetlaangw nguwa hhitin, kudá' úr oo gwa'ara.

Ya/abtór hho' 1977

¹⁴ Na/'ii tseerer'ín a wak, nee slaqwtaín a wak. Gawaá adoorihe inós sleeme muruuwí guna sláy adór inooín wa ale. Adoorí gana tleéhh as gwa'ara ngiwa slay. Asma ar loohír gwa'araarose inós gár i slai a /uuruú Neetlaangw nguwa hhitin, kudá' úr oo gwa'ara.

Ebrania 2:14 Iomraidhean Croise

IIMU/UUNGW 3:15

Aníng wakaari a qaás tla/aangók nee /ameenirí, nee tla/ángw xwaylarók nee xwaylarós. Xwaylarós kuúng un saga naasuúr. Kuúng inós an koolo kíhh.»

ISAYA 25:8

Aakoó MUNGÚ gwa'ara gan hingees ay kureeraá kureér. Inós hhirhheeri gin fiits gawaá ilaá muu sleémeerowo, nee mureekeesoó mukós gun hingees baraá yaamu sleémeerowo. Asma AAKOÓ MUNGÚ adoorí gaa oó'.

ISAYA 53:12

Gawaá adoorihe inós nee múk urén in al'iwitiís. Inós nee mukdá' /uureemaá koóm haasaáng ngun alqasimiisiyá'. Asma inós slafiingós guna haniís, kuri harafaár nee múk tlakuuse. Tam adoorihe tlakweemaá múk yaariír gina gagaár. Nee tlakuuse gari aleefiriirín.

ISAYA 7:14

Gawaá adoorihe, Aako laya ngi kuungá' i haniis, /amaatliito'o i tsít, na/oó garma gu xwayluúr, nee gu umií tsát gu beer Imanueli.

HOSEA 13:14

Aníng i ba/amís baraá /uuruú gi'iiwo. Aníng nu wangeexwaár dír gwa'araro. Aá gwa'ára, tsu/utaarók gaálaay? Aá gí'i, hhitarhúng gaálaay? Gurtleemu u sangw koomaaká.

Matayo 16:17

Yesu iri oó', «Símon, garmoó Yona, kuúng a heé amohhoó', asma kaangwí heé ngwa dirók i xu'utis i kaahh, ala aqo Baabuúeé' kuduú gawaá doorí dirií'.

Matayo 25:41

«Aluuwo mukdá' bartá dákw doó basáy i dirií' guri bay, ‹Quutlé' dir'eene, kuungaásingá' taa lu'ús, tlawsé' baraá asltá baloó gwaa'aaká, tidá' taa amohhe'eés as Neetlaangw nee malaykeerós.

Yohana 1:14

/Aymuuwí ina hee tleehhiít, iri amoorén wa hoót. Atén xirfuuwós ngway araán, i ló'wa haats gurtleemuuwo nee looeemawo. Xirfuuwí guna amór Baabá wa sláy, asma inós a Garmoó kilós oo Mungú.

Yohana 12:24

Án a kah, ilmoó angaáno bira huuiiká baraá hhapér i alé, iri gwaa', aqo in hootatín adoodá' i dirii'i kilós alé. Ala bira gwaá', mamaá yaariir gin laqwaal.

Rumi 14:9

Gaarí an gár Kristo isa gwaá' nee iri waasleé/, as tawa Aakoó múk aa qaatl, nee oo kudá' slaáf sleeme.

Rumi 8:3

Asma muruudá' hara'aya i aleesleeraaká tlehhmuuwo, muruudá' Mungú guna tleéhh. Asma hara'aya i /uuruú koondaaká, as adoodá' slaqoorén iwa tlakweemaá slaiya' tlehhmuuwo. Ala Mungú Garmaawós oo kilá' nguna ya/aáw. Inós slaqwa gari sláy ar slaqás nee tidár múk tlakweemaá koóm. Gawaá adoorihe Mungú tlakweema giri sakwasleemuút baraá slaqoorén awa tlakweemaá koomá'.

1 Korinto 1:28

Nee slám tidá' taa gaárií xuiiká nee muu, nee tidá' taa waaqaá', tidá' gaa wasl, Mungú gana tsawaár, as tidá' afhhamít ngiwa dahhi.

1 Korinto 15:50

Hhaee'eé', gár án ni kah a tí, slaqwtadár baraaká' yaamu, tidá' taa tleéhh ar fu'unaay nee tseere, waawuti'iimár Mungú ga alká. Slám tidá' hhitiruut muruú hhitiruutaaká gu alká.

Galatia 4:4

Ala qooma iwa bó/, Mungú Garmaawós nguna ya/aáw, kuri laqwaál nee /ameeni, kuri laqwaál didár hara'aya i sa waawuti'ii'iin,

Kolosai 2:15

Gawaá msalaábaro Kristo baaluusér neetlaame /uuruuín guna hingeés, nee kudá' aleesleemuú koomá' aleesleemuuín guna hingeés. Nee inós inooín sleémeero ngiwa baál, gari geehhooatís adór i dirii'iya'.

1 Timoteo 3:16

Ar ló', naaqór haratlintaaoorén ka ló'wa ur. Mungú kuna geehhooatís ar slaqsoó hee. Gan'amuuwós kuna laqán nee Qeeru. Inós kuri ár nee malayke. Kaangós kuri alki/iít dír xoorduuwo, inós kuri haratlintií' baraá yaamuwo, kurir tláy gawaá doori.

2 Timoteo 1:10

Hamí gurtleemuuwí kunguna geehhooatís as hardahamuú Ba/amusmoorén Kristo Yesu. Inós gwa'ara gana baál, slafiingw nee hhituru'uuma wasle giri gwa/atís ar Ya/abtór hho'.

Ebrania 10:10

Yesu Kristo tidá' sleémeero Mungú aa slaá' gana tleéhh. Gawaá adoorihe atén sleémeero taa hamaátl as adoodá' Yesu Kristo slaqwtós ngiwa ilahhooár wa haniís sagaáwa wák wa ale.

Ebrania 10:5

Gawaá adoorihe, qoomár Kristo niwa hi'iiti baraakaá yaamu Mungú guri báy, «Kuúng gár ta sla' a ilahhooarooká, laqaá ilahhooár hikwaá ta tsu/i a sla'aká. Ala slaqwa ngina aníng i hanís.

Ebrania 2:17

Gawaá adoorihe inós gár kuwa hariím, a kun adór hhaeewós tleehh baraá mura' sleémeerowo, as kahhó' inós masók a kaahamusmooín oo úr, oo Mungú kudá' gurtleemuú koóm nee oo inkihhím baraá kángw Munguhe, nee ilaahhooár haraki/isa ngiwa haniisi as tlakweemaá mukós ngiwa hingeesi.

Ebrania 2:18

Asma inósuú kilá' kwaa slahh'eemiís nee kuri iiara'ár. Gawaá adoorihe inós kudá' sleémeero ta iiara'ari gi aleesláy alee/iisaro.

Ebrania 4:15

Asma atén kaahamusmoó úr oo Mungú oo ta koomaan, atén ti gurtleemuú wa ara'ar baraá liitlakweerene. Asma inósuú kilá' kuna iiara'ár adór atén wa aleeró baraá mura' sleémeerowo, ala tlakweema gaa tleehhiiká.

Ebrania 9:15

Asma aáng Mungú al'axweesani gana dír mukií haniís ar aalír alhhe'eesay wasl kawa slay. Ala muu Mungú guna sadakuús qoomár alqadoodár geeraawo. Kristo iri gwaá' as muu nguwa gweeri baraá tlehhemi'ii'ín kudae. Gawaá adoorihe Kristo an haraki/isusmoó alqadór /aben, as mukdá' taa ateét nee Mungú al'axweesantadá' Mungú aa oó' kawa slay.

1 Petro 1:20

Gaarí an gár inós kusa tsawaár nee Mungú iimír yaamu kiwa tleehhiiká, nee hamí baraá deeloorír alhhe'eesaywo kuna geehhooeés as kuungá'.

Geehhoeemaá 1:18

kudá' slaáf. Aníng geeraawo ana gwaá', nee qaytsiít, hamí a slaáf ay alhhe'eesay wasle. Nee slám aníng gweermo a koóm ar gwa'ara nee ar baraá gi'i.

Geehhoeemaá 12:9

Dayshamoodá' úr kunguri kwaáhh, dayshamooduú aáng, kudá' ta babay oo tlaákw nee Neetlaangw. Inós an kudá' muu sleémeero gu al/agagiím. Kunguri kwaáhh baraá yaamu. Malaykeerós sleeme kingiri kwaáhh dinkwa nee inós.

Geehhoeemaá 2:10

Slahh'amaayeedá' kuúng ta sleer ma da'ayuutaar. Ga/aaweek, Neetlaangw kuungá' bahh'alé nu tsegiit baraá doó tseegamo, as tunduwa iiari. Nee kuungá' slahh'amu u sleerá' deelo mibaangw. Kuúng masók tu inkihhím tam ay gwa'ara, daqaní aníng slamángw slafiingw ngu haniís.

Geehhoeemaá 20:2

Dayshamoodá' úr guri óh, kuduú aáng. Inós an kudá' tlaákw nee Neetlaangw. Guri tseék kureeri kumuú wák,