Ebrania 2:10 - Biblía Axweesantá Hhohho' ar Mungú 2004

¹⁰ Mungú an kudá' mura' sleémeero gwa tleehh, nee slám inós an kudá' mura' sleémeero gu amohhe'eemiís. Slám Mungú gana slaá' na/aá yaariir ngiwa hardahaasi dír xirfií alé. Gawaá adoorihe, dirose a gár hariim Yesu nguwa bu'utisi ar loohír slahh'amaaye. Asma Yesu an kudá' muu gu geerahaár amór ba/ama.

Ya/abtór hho' 1977

¹⁰ Mungú inós an kudá' mura' sleémeero gwa tleehh, nee slám inós an kudá' mura' sleémeero gu amohhe'eemiís. Slám Mungú gana slaá' na/'aá yaariir ngiwa hardahaasi dír xirfuú i alé. Gawaá adoorihe, dirose a gár hariím Yesu nguwa boo/eesi ar loohír slahha'amaaye. Asma Yesu an kudá' muu gu geerahaár amór ba/amár i alé.

Ebrania 2:10 Iomraidhean Croise

IIMU/UUNGW 18:25

Aasla'áy, adoosíng ma tleehhaar, heé hota ganaá' nee tlakusmo kiwa alqwaares. Heé hota ganaá' tawa adór heé tlakusmo, Aasla'áy, sakwasleemusmoó yaamu sleémeero gan'amu gu tleehhikáhe?»

AXWEESANOÓ SAGALOOA 16:4

AAKOÓ MUNGÚ umuúqo gaaro gana tleéhh ar sla'aarirós, Tam múk tlákw sleeme in deer as deelór slahh'amu.

ISAYA 43:21

Mukdá' naa tleéhh as aníng as xirfuueé' nguwa alki/itiya'.› »

ISAYA 55:4

Ga/aaweek, aníng ugwa geeraharusmoó xoordú wa qaás, nee geeraharusmoó slaqwaruuse as aníng iwa lamabu'un dír muko.

HOSEA 8:10

Tam mulqe ngaa tlaxwi'i baraá xoordaá hatlá' wa ale, ala aníng in haraki/ís ar wa'aá wák. Inooín ki al'iilooúy qoomár niinawe, nee waawutmoodá' úr taa iimbalaáx ar di/i nee geeraharuusero.

MIKA 2:13

AAKOÓ MUNGÚ inooín gi geerahaar, afkú slumtá gixsa gu fee/, inooín niri waarahhiyá' ar afkudá', niwa tsee/ií ti'iitiya'. AAKOÓ MUNGÚ an waawutmooín, kudá' waaraáhh ar afkudá', inósú kilá' i geeraaín wa hi'iimiit ngiwa geeraharahari.

FAARO 7:15

nee awuú wák oo batlitamo, nee gwaanduú wák, nee deelmoó gwaanda oo kurkú wák, muruuwí sleémeero a ilahhooár da/a.

Luka 13:32

Yesu giri báy, «Tlawsé', intsangwdá' ku beera', ‹Iia qaaseek, laarí nee matlo aníng a neetlaamér duxuúm, nee tiqtuuse ngiwa hungu/umiis. Ala bál tám gadiyér'eé' a boo/eés.›

Luka 2:14

«Munguú gawaá doorií dirií' i xirfuuti, nee wayda ni baraá yaamií hardihi dír mukdá' aa gurií baá/.»

Luka 24:26

Ahaá, a gár xuawásle, Kristo slahh'amaayeerí ngiwa slay, nee iwa dahi baraá xirfuuwós i alé?»

Luka 24:46

Giri báy, «Tí a tidá' taa gooín tawa kaahi, ‹Kristo gár kuwa hariím aqo kun slahh'eemiis, nee bál tame nay waaslee/.›

Yohana 11:52

Ala as xooroorí kiloseeká. Nee tam as mukdá' Mungú gu haratlintií' baraá xoorduuwo nguwa burumburi as tawa wák tleehhiti.

Yohana 19:30

Yesu difaáidá' qarqaar ngiwa sláy, iri oó', «Aa hhooeér.» Saga guri xupu'uús, muunaáwós iri /eét.

Tlehhema'aá ya/Abuuse 3:15

Kudá' úr oo slafiingw kuri gasé', ala Mungú guri waasle/atís baraá múk aa qaátl wa ale, nee atén a lamabu'uusér waasle/uuwí.

Tlehhema'aá ya/Abuuse 5:31

Mungú heewí guri xirfayeés ar dakós oo doó /iyáy, as tawa heé úr nee ba/amusmo, as múk Israeli nguwa hhu'u'úngw i huwi nee hingeemisuú tlakweema nguwa slaya'.

Rumi 11:36

Asma mura' sleémeero inós guna tleéhh, slám i kumiit as aleesleemuuwós, nee in deer as inós. Inós i xirfuuti ay alhhe'eesaay wasle. Amin.

Rumi 9:23

Adoorí gana tleéhh as xooslaadá' gurtleemuú slaw ngiwa xirfuuwós oo yaariír i geehhooeesi. Kuká' an kudá' aa amohhe'eés as xirif kuwa slay.

1 Korinto 2:7

Ala sagalooarí aníng ni axwees a sagalooár Mungú, tidá' taa luú/. Sagalooarí an tidá' Mungú aa iimír aáng wa tsawaár, qoomár yaamu kiwa tleehhiiká, as atén tiwa xirfuú i haniisi ar loohír sagalooarí.

1 Korinto 8:6

Tam adoorihe direne Mungú a wak, inós an Baabá. Mura' sleémeero ina tleehharuút ar inós. Nee atén an dawaán as inós. Nee slám Aako a wak, inós an Yesu Kristo. Mura' sleémeero ina tleehharuút ar inós nee atén an dawaán ar inós.

2 korinto 3:18

Ala ateéká' sleémeero awa gitsee/eerén warqamoó kooma'aaká, atén xirfuú Aako un araán ar adór baraá looa. Xirfuuwí oo amór Aakoó daáhh, atén tin warqees as tawa slaqsaywós tleehhitaan. Gawaá adoorihe atén xirif un iimirí wa slawaán, nee iri doogiigín direne. Adoorí Qeeruú Aako gan tleehh.

2 korinto 4:17

Slahh'amaayeerén ka niina nee slám ar har qoomár niina. Ala gár ni hup direne a xirfuú úr ló'wa ale oo baloó faakaaká.

2 korinto 5:18

Ala muruuwí sleémeero amór i dahhi a amór Mungú. Inós atén tina dirósií haraki/ís ar loohír Kristo, nee gadiyér haraki/imis ngiri dirén i haniís.

2 korinto 6:18

nee aníng tari Baabuúhúng, nee kuungá' tari daaqay'eé' nee dasuueé'. Adoorí an adoodá' Aakoó Aleesleemusmoó mura' sleémeero aa oó'.»

Galatia 3:26

Asma kuungá' sleémeero a na/aá Mungú asma Yesu Kristo ugwa haratlintié'.

Efeso 2:7

Adoorí gana tleéhh as ngiwa laqan dír qari sleémeerowo ar hardah adór gurtleemuuwós kur úr direne baraá Kristo Yesuwo.

Efeso 3:10

Gár geeraawo ngusa luú/, a as sagalooarós ar yaariir ngiwa xu'utisi qoomaarihe dír waawitá nee dír kudá' aleesleemuú koomá' baraá yaamaá qeeruuwo ar loohír mukdá' inós gwa haratlintii'.

Kolosai 3:4

Kristo a slafingwhúng oo ló'. Inós bál binda male geehhooúy, kuungá' daqaní a geehhoouurá' dinkwa nee inós ar baraá xirif.

2 Timoteo 2:10

Gawaá adoorihe aníng umuúqo gaaro an saqiqtliím as múk taa tsawaár oo Mungú, asma inooín sleeme masók alhhe'eesaywo ba/amadár baraá Kristo Yesu i dirii' ngiwa slaya', dinkwa nee xirfuuduú alhhe'eesay wásl.

Ebrania 12:2

Atén gár tiwa hariím masók a Yesu un ga/aawaán umuúqo siiwaro. Asma inós an iimu/úngw haratlintaaoorén, nee slám inós haratlintaaoorén ga boo/ees. Inós qwal/uudá' gu daamaaraám guna ár. Gawaá adoorihe gwa'arár msalaába gari qiqtlín, tam murér gwa'arár adoorí ga gaárií xuiiká. Nee hamí aa iwiít bihhaá dákw doó /iyáy oo kitangwduú aleesleemu oo Mungú.

Ebrania 6:20

Yesu ina dáh baraadí alé tawa heé giiriím dír atene, nee tawa saayusmoorén. Asma inós an kaahamusmoorén ar adoodár Melkisedeki ay alhhe'eesay wasle.

Ebrania 7:26

Gawaá adoorihe Yesu an kaahamusmoó úr oo Mungú oo atén ti gaa wa buú'. Asma inós ku hhoohhoó'. Nee slám inós i tlakweemaá konká, nee i xaslxaanslír konká. Nee slám kwaa paraátl dír tlakuuseero, nee kwaa tsa/aás kway harwaarahhaás doori sleémeerowo.

Ebrania 7:28

Asma hara'ayár Mose muu gun qamiín, tawa kaahamuusér uren, inooín tam a múk tlakweemaá kooma'a. Ala al'axweesantadá' taa oó' ar lo'o, slám kana oó' alaá hara'ayár Mose wa aleeró, al'axweesantí Garma guna kaahamusmoó wa qás, kudá' taa bu'uutiís ay alhhe'eesay wasle.

1 Petro 1:12

Kaangwí kuri dir'ín i gwa/atís adór inooín kaangwí gár kus kaahi tar inooineeká, ala as kuungá'. Nee hám daxta kaangwí kunga oó' dirhunge nee mukdá' Ya/abtór hho' ngaa dirhúngií alki/iit ar loohír Qeeruú hhoohhoó' oo Mungú, kudá' tinda ya/aáw gawaá doorí wa ale. Muruuwí tam malayke sleeme gun ilatleerús nguwa artá wa sla'.

1 Petro 5:1

Kuungá' bariíse, án kuungá' nu gurbuú'. Asma aníng sleeme a aakoó adór kuungá'. Slám aníng a lamabu'usmoó slahha'amaayér Kristo. Tam aníng a dinku'uús baraá xirfuudá' tindi geehhooeesi.

1 Petro 5:10

Alaá bur tunda slahh'eemiís deelór niinawe, daqaní Munguúdá' tsuuqa sleémeero gi tawó hanmiís, kudá' kuungá' naa ateet as xirfuuwós kuduú alhhe'eesay wásl kuwa sleera' ar loohír Kristo, inós kungá' nu aleesleemuú i haniis nee nu gawdees, nu /uurií haniis, nee nu sihhitis baraá haratlintaaooro.

Geehhoeemaá 4:11

«Kuúng Aakoorén nee Munguúrén, kuúng a hariín xirif kuwa ilaot, nee ilaiwa/ame nee aleesleemu. Asma kuúng mura' sleémeero una tléhh. Nee mura' sleémeero ina deeruút nee kuna tleéhh as sla'aarirók.»

Geehhoeemaá 7:9

Alaá tihe aníng niri qaytsiít, boo/oó yaariír ló'wa ale nguri ár, oo hee faarooro i baloó aleeslayká. Mukwí dír i dahhi a baraá umuúqo xoorooro nee umuúqo tlahhaywo nee umuúqo mar'afto nee umuúqo tsifriro. Taa sihhiít dír geeraá kitangwduú aleesleemu, nee dír geeraá Deelmooduú bee/i, kaa tsiitiís ar tlabaá /awak, nee slám i haleemaá slaanslár koná' gawaá dabaaine.